Главная | Народный календарь | Православный календарь | Молитвы | Праздники года | Восточный календарь | Астрологический | Разное

Молитвы священномученику Власию Севастийскому

Священномученик Власий, епископ Севастийский

Священномученик Власий, епископ Севастийский

Молитвы священномученику Власию Севастийскому

Молитва первая

Преблаженне и приснопамятне священномучениче Власие, дивный страдальче и предстателю наш теплый, по отшествии твоем в жизнь вечную призывающим твое святое имя пособствовати, и во всяких прошениих услышанным быти обещавый! Се ныне к тебе угоднику Божию, яко ко истинному ходатаю спасения, притекаем и смиренно молимся: предстани нам в помощь, узами грехов связанных, подвигнися на всемощные твоя к Богу молитвы и помолися о нас грешных: тя бо недостойнии, призывати на заступление дерзаем, и желаем от всех грехов наших тобою свобождение получити. О святче Божий Власие! В сокрушении и смирении сердца нашего пред тобою припадаем и молимся: осияй нас, омраченных наветы вражиими, светом благодати свыше, да в нем ходяще, не преткнем о камень ног наших. Тя, яко сосуд в честь избранный и исполненный благодати Божия, молим: сподоби нас грешных от исполнения твоего желаемое прияти, и исцели наша душевныя и телесныя язвы, грехом же нашим прощение и душевному и телесному нашему здравию и спасению полезное у Господа испроси, да всегда прославляем Отца и Сына и Святаго Духа, и твое милостивое предстательство о душах и телесех наших, ныне и присно и во веки веков. Аминь.

Молитва вторая

О великий и славный страстотерпче, помощниче наш и теплый заступниче всем с верою притекающим к тебе, святый священномучениче Власие! Призри от горния славы милостивым оком твоим на предстоящия люди и умильно тебе молящияся, простри теплыя молитвы твоя ко Господу Богу нашему, испроси у Него прощения согрешений наших, но еже избавитися нам от всегубительной язвы, труса, потопа, огня, меча и вечныя казни, исходатайствуй пред Престолом Господа Вседержителя немощным телесем нашим оставления согрешений, всем же чтущим честную память твою, укрепления на дела благая, не презри нас недостойных, молящихся тебе пред честною иконою твоею и просящих твоея помощи и заступления, испроси нам вся яже ко спасению нашему полезная, да богоугодная Владыце нашему Иисусу Христу зде творяще, сподобимся молитвами твоими наследовати Царствие Небесное, идеже вкупе с тобою прославим Единаго в Троице славимаго Бога Отца, и Сына, и Святаго Духа, во веки веков. Аминь

Молитва Священномученику Власию

О, многострадальный отче, великий угодниче Божий, священномучениче Власие. Услыши нас грешных к тебе прибегающих и тепле тебе молящихся. Буря многих зол, бед и скорбей обдержит нас, болезни душевныя и телесныя и всякие навождения вражия обуревают нас. Мы же нерадим о спасении нашем, ниже достойны есмы по грехом нашим у Господа помощи просити. Но ты, добрый пастырю, велие дерзновение имеяй у милостиваго Бога, якоже иногда ведомый на мучения твоя, вдовицы слезящия, приникшия к тебе, не отринул еси, ину бо от напасти зверя свободил еси, иныя же отроку исцеление у Господа испросил еси. Такожде и ныне призри на чада твоя в час сей к тебе притекшия, утешения и помощи просящия. Ты убо Господа умолил еси, аще кая болезнь или беда имут кому быти и той помянет имя твое – помощи всякому в прославление Его Пресвятаго Имени. Не отрини нас, молящихся тебе, но якоже обещался еси, во благо сотвори всякое прошение наше, по милости Всеблагаго Бога, Ему же честь и слава во веки веков. Аминь.

Тропарь священномученику Власию Севастийскому

Тропарь, глас 4:
Обрел еси Богодохновение в видения восход: сего ради слово истины исправляя и веры ради пострадал еси даже до крове, священномучениче Власие, моли Христа Бога спастися нашим душам.

Кондак, глас 2:
Божественное прозябение, цвет неувядаемый, лозы Христовы розго многострадальная, богоносе Власие: верою чтущыя память твою веселия твоего исполни, моляся непрестанно о всех нас.

Ин кондак, глас 8:
Священия помазанием, и мучения кровию украсился еси славне Власие, и сияеши всюду в вышних ликуя, и нас назирая в храм твой пришедшыя, и в нем тебе непрестанно зовущыя: всех нас соблюди.

Похожие православные молитвы, праздники, угодники Божии, чудотворные иконы:

Молитва к Пресвятой Богородице перед Ея иконой именуемой Нечаянная Радость
Молитвы святым равноапостольным Мефодию и Кириллу учителем словенским
Молитвы благоверному царевичу Димитрию Угличскому и Московскому
Молитва святому Царю мученику Николаю
Молитвы к Пресвятой Богородице перед Ея иконой именуемой Почаевская
Молитва преподобному Герману Соловецкому
Молитвы святителю Алексию Московскому чудотворцу
Молитвы преподобному Амвросию Оптинскому
Молитва святому Апостолу и Евангелисту Луке
Молитва иконе Божией Матери Козельщанская
Молитва Иконе Пресвятой Богородице именуемой Призри на смирение

Смотрите далее:

Пасхальная неделя.
29 января. Календарь народных праздников и примет: Петр Полукорм покровитель домашнего скота
1 февраля. Календарь народных праздников и примет: Макарьев день, Макар Весноуказчик
25 марта. Православный церковный календарь, праздник, Святые угодники: Святитель Григорий Двоеслов, Преподобный Симеон Новый Богослов, Преподобный исповедник Феофан Сигрианский
4 августа. Православный церковный календарь, праздник, Святые угодники: Мария Магдалина, Священномученик Фока, Преподобный Корнилий Переяславский
Молитва Иконе Пресвятой Богородице именуемой Отрада или Утешение
Праздники и события 7 мая, День радио, День создания Вооруженных Сил РФ, День Президентского полка
Праздники и события 18 мая, День Балтийского флота, Международный день музеев
Праздники и события 30 ноября, Международный день защиты информации
Праздники и события 18 августа, Создано Русское географическое общество
Праздники и события 26 августа, День признания независимости Абхазии, День признания независимости Южной Осетии, День равенства женщин в США



Карта сайта, Мобильной версии сайта

calendareveryday.ru © Календарь на каждый день, 2011-2016г., Мобильная версия
Календарь на каждый день | Правипа | Карта сайта | Полная версия сайта