Полная версия сайта --> Мобильная страница сайта"Календарь на каждый день"

Главная | Народный календарь | Православный календарь | Молитвы | Праздники года | Восточный календарь | Астрологический | Разное

Молитвы Великомученику Иоанну Новому, Сочавскому.

Великомученик Иоанн Новый, Сочавский

Иоанн Новый, Сочавский

Молитвы Великомученику Иоанну Новому, Сочавскому

Святый великомучениче Иоанне! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

Молитва 2-я

О святый угодниче Божий, Иоанне! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Молитва 3-я

Святый, славный и всехвальный Великомучениче Христов, Иоанне, несумненный ходатаю нашего спасения. Молим Тя раби Твои, собрании днесь в Божественнем Твоем храме и раце святых мощей поклоняющиеся; милостив буди якоже нам, тако и далече отстоящим и на помощь Тя призывающим и мученическая Твоя страдания похвалами ублажающим. Испроси нам всем у Многомилостиваго Господа Бога и Спаса нашего Иисуса Христа прощения и оставления грехов до сего дне и часа содеянных нами. Сохрани нас невредимых от всех козней лукаваго и ненаветну жизнь нашу соблюди от всех зол душевных и телесных; всегда, ныне и присно и во веки веков. Аминь.

ТРОПАРЬ, ГЛАС 4

Житие на земли добре окормляя, страдальче, милостынями и частыми молитвами, и слезами, паки же ко страданию мужески устремився, персское обличил еси нечестие. Темже Церкве был еси утверждение и христиан похвало, Иоанне приснопамятне.

КОНДАК, ГЛАС 4

Морскую плавая пучину куплею, от востока тщался еси к северу, но Богу призвавшу тя, якоже Матфей мытницу, ты же куплю оставль и Тому последовал еси кровию мучения, временными искупив непроходимая и венец приял еси непобедимый.

СТИХИРА

Днесь Церковь торжествует, страстотерпца красящися подвиги, яко многоценною одеждею, и вопиет, хвалящися: сицева моя рождения, таковы мои сынове, ихже первее породих Крещением, воспитах же страхом Господним, и ныне мученики вижду, истине венечники избранны, да молятся о вселенней ко Господу.

Тропарь мученику, глас 4

Мученик Твой, Господи Иоанне, во страдании своем венец прият нетленный от Тебе Бога нашего имеяй бо крепость Твою, мучителей низложи, сокруши и демонов немощныя дерзости того молитвами спаси души наши.

Кондак мученику, глас 6

Звезда светлая явился еси непрелестная мирови, Солнца Христа возвещающи зарями твоими, страстотерпче Иоанне, и прелесть погасил еси всю, нам же подавши свет, молися непрестанно о всех нас.

Величание мученику

Величаем тя, страстотерпче святый Иоанне, и чтем честная страдания твоя, иже за Христа претерпел еси.

Похожие православные молитвы, праздники, угодники Божии, чудотворные иконы:

Православные молитвы на каждый день. Молитвослов
Молитвы преподобному Серафиму Саровскому чудотворцу
Молитва святому преподобному Мартиниану
Молитвы к Пресвятой Богородице перед Ея иконой именуемой Феодоровская
Молитва преподобному Александру игумену Свирскому
Молитва святому преподобному Иоанну многострадальному Печерскому
Молитва святому преподобному Паисию Величковскому
Молитва ко Святому Иоанну Предтечи
Молитва и Акафист всем иконам Божьей Матери
Молитвы иконе Божией Матери Троеручица
Молитвы Архангелам на каждый день. Архангел Михаил. Архангел Гавриил. Архангел Уриил. Архангел Рафаил. Архангел Селафиил. Архангел Иегудиил. Архангел Варахиил. Архангел Иеремиил.



calendareveryday.ru © Календарь на каждый день, 2011-2016г., Мобильная версия
Правила | Карта сайта | Карта мобильной версии сайта