Календарь на каждый день

Главная | Народный календарь | Православный календарь | Молитвы | Праздники года | Восточный календарь | Астрологический | Разное

Перейдите на полную версию сайта -> Мобильная версия

Молитва святителю Игнатию Брянчанинову.

Святитель Игнатий Брянчанинов

Святитель Игнатий Брянчанинов

Молитва святителю Игнатию Брянчанинову

О великий и пречудный угодниче Христов, святителю отче Игнатие! Милостиво приими молитвы наша, с любовию и благодарением тебе приносимыя! Услыши нас сирых и безпомощных, к тебе с верою и любовию припадающих и твоего теплаго предстательства о нас пред Престолом Господа Славы просящих. Вемы, яко много может молитва праведника, Владыку умилостивляющая. Ты от лет младенческих Господа пламенно возлюбил еси и Ему Единому служити восхотев, вся красная мира сего ни во чтоже вменил еси. Ты отвергся себе и взем крест твой, Христу последовал еси. Ты путь узкий и прискорбный жития иноческаго волею себе избрал еси и на сем пути добродетели великия стяжал еси. Ты писаньми твоими сердца человеков глубочайшаго благоговения и покорности пред Всемогущим Творцом исполнял еси, грешников же падших мудрыми словесы твоими в сознании своего ничтожества и своея греховности, в покаянии и смирении прибегати к Богу наставлял еси, ободряя их упованием на Его милосердие. Ты николиже притекавших к тебе отвергал еси, но всем отец чадолюбивый и пастырь добрый был еси. И ныне не остави нас, усердно тебе молящихся и твоея помощи и предстательства просящих. Испроси нам у человеколюбиваго Господа нашего здравие душевное и телесное, утверди веру нашу, укрепи силы наша, изнемогающия во искушениих и скорбех века сего, согрей огнем молитвы охладевшая сердца наша, помоги нам, покаянием очистившимся, христианскую кончину живота сего получити и в чертог Спасов преукрашенный внити со всеми избранными и тамо купно с тобою покланятися Отцу и Сыну и Святому Духу во веки веков. Аминь.

Тропарь святителю Игнатию Брянчанинову, епископу Кавказскому и Черноморскому

Тропарь, глас 8:
Православия поборниче, покаяния и молитвы делателю и учителю изрядный, архиереев богодухновенное украшение, монашествующих славо и похвало: писании твоими вся ны уцеломудрил еси. Цевнице духовная, Игнатие Богомудре, моли Слова Христа Бога, Егоже носил еси в сердце твоем, даровати нам прежде конца покаяние.
Кондак, глас 8:
Аще и совершал еси стезю жития земнаго, святителю Игнатие, обаче непрестанно зрел еси законы бытия вечнаго, сему поучая ученики словесы многими, имже последовати и нам, святче помолися.



Похожие православные молитвы, праздники, угодники Божии, чудотворные иконы:

Домашний иконостас. Икона в доме, в офисе.
Чудотворные иконы на каждый день
Молитвы святителю и чудотворцу Николаю архиепископу Мир Ликийских
Молитва священномученику Зотику сиропитателю пресвитеру
Mолитва новомученикам и исповедникам Российским.
Молитва святой великомученице Евфимии Всехвальной
Молитва святому мученику Диомиду врачу
Молитвы святым мученикам Адpиану и Наталии
Молитвы Преподобной Таисии
Молитва Святомy Благовеpномy Великомy Князю Александpy Hевскомy
Молитвы Архангелам на каждый день. Архангел Михаил. Архангел Гавриил. Архангел Уриил. Архангел Рафаил. Архангел Селафиил. Архангел Иегудиил. Архангел Варахиил. Архангел Иеремиил.

calendareveryday.ru © Календарь на каждый день, 2011-2018г., Мобильная версия
Правила | Карта сайта | Карта мобильной версии сайта

^Наверх