Календарь на каждый день

Полная версия сайта -> Мобильная версия

Молитвы, Икона Пресвятой Богородице, именуемой "Страстная".

Икона Божией Матери, именуемая "Страстная"

Икона Божией Матери именуемая Страстная

Молитвы к Пресвятой Богородице перед Ея иконой, именуемой "Страстная"

Молитва первая
О Пресвятая Госпоже Владычице Богородице, высши еси всех Ангел и Архангел, и всея твари честнейши, Помощница еси обидимых, ненадеющихся надеяние, убогих Заступница, печальных утешение, алчущих кормительница, нагих одеяние, больных исцеление, грешных спасение, христиан всех поможение и заступление. Спаси, Госпоже, и помилуй раб Твоих, и преосвященные митрополиты, архиепископы и епископы, и весь священнический и иноческий чин, и благоверный правительствующий синклит, и военачальники, и градоначальники, и христолюбивое воинство и доброхоты, и вся православные христианы ризою Твоею честною защити, и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше, на невидимыя и видимыя враги наша. О Всемилостивая Госпоже Владычице Богородице, воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению; и сподоби ны грешныя рабы Твоя, Царствия Сына Твоего, Христа Бога нашего: яко держава Его благословенна и препрославленна, со Безначальным Его Отцем, и с Пресвятым и Благим и Животворящим Его Духом, ныне и присно и во веки веков. Аминь.

Молитва вторая
О, Пресвятая Владычице, Госпоже Дево Богородице! Приими молитву и усердное поклонение пред чудотворною иконою Твоею, милостиво посети смиренныя и грешныя рабы Твоя, не остави нас погибнути в гресех наших, буди Помощнице и Заступнице всем православным христианам, и в час кончины жизни нашей предстательствуй, о Всенепорочная! Помилуй нас милостию Сына Твоего, Господа нашего Иисуса Христа и Твоим Матерним ходатайством удостой избавитися от вечныя смерти. Аминь.

Тропарь Пресвятой Богородице перед Ея иконой, именуемой "Страстная"

Тропарь, глас 4
Днесь возсия неизреченно царствующему граду нашему Москве икона Богоматере, и, яко светозарным солнцем, пришествием тоя озарися весь мир, Небесныя силы и души праведных мысленно торжествуют, радующеся, мы же, на ню взирающе, к Богородице со слезами вопием: о Всемилостивая Госпоже, Владычице Богородице, молися из Тебе воплощенному Христу, Богу нашему, да подаст мир и здравие всем христианом по велицей и неизреченней Своей милости.



Похожие православные молитвы, праздники, угодники Божии, чудотворные иконы:

Помянник и церковная записка. Как правильно подавать записки. Что такое помянник и церковная записка
Молитва священномученику Киприану и мученице Иустинии
Молитва преподобному Нифонту Кипрскому
Молитва святому мученику Трифону
Молитва святому великомученику Феодору Тирону
Молитва святому священномученику Садоку епископу Персидскому
Молитва Святого праведного Артемия Веркольского чудотворца
Молитва святому Царю мученику Николаю
Молитва преподобномученику Афанасию Игумену Брестскому
Молитвы святым мученикам Гурию Самону и Авиву
Молитвы иконе Пресвятой Богородицы именуемой Толгская


calendareveryday.ru © Календарь на каждый день, 2011-2019г., Мобильная версия
Правила | Карта сайта | Карта мобильной версии сайта

^Наверх