Полная версия сайта --> Мобильная страница сайта"Календарь на каждый день"

Главная | Народный календарь | Православный календарь | Молитвы | Праздники года | Восточный календарь | Астрологический | Разное

Перейдите на полную версию сайта -> Мобильная версия

Молитва святой преподобной Марии Египетской.

Преподобная Мария Египетская

Преподобная Мария Египетская

Молитва святой преподобной Марии Египетской

Молитва 1

О, великая Христова угоднице, преподобная Марие!
На Небеси Престолу Божию предстоящи, на земли же духом любве с нами пребывающи, имеющи дерзновение ко Господу, моли спасти рабы Его, к тебе с любовию притекающия.
Испроси нам у Великомилостиваго Владыки и Господа веры непорочное соблюдение, градов и весей наших утверждение, от глада и пагубы избавление, скорбящим - утешение, недугующим - исцеление, падшим - возстание, заблуждшим - укрепление, в делах благих - преспеяние и благословение, сиротам и вдовицам - заступление и отшедшим от сего жития - вечное упокоение, всем же нам в день страшнаго суда одесную страны общники быти и блаженный глас Судии мира услышати: приидите, благословеннии Отца Моего, наследуйте уготованное вам Царствие от сложения мира, и тамо пребывания во веки получити. Аминь.

Молитва 2

О равноангельная и всесветлая Марие преподобная, убелившая ризу души своея в Крови Агнчей и зрящая ныне на небеси невечерний свет Царствия Небеснаго Христова, помяни мя, грешнаго и убогаго раба твоего, в Богоприятных твоих к Богу молитвах и защити мя от ловления врага, веси бо его козни и лютую в сем житии на ны брань, даруй ми слезы покаяния, омывающе душевную мою скверну, испроси ми оставление грехов и жития исправление, избави мя от злых моих обычаев, лености и нерадения, научи мя постоянству и крепости в борьбе с моими греховными навыками, напечатлети в сердце моем и уме пресветлый образ тобою любимаго Христа, уязви мою душу Его всепрощающею любовию, да не оскорблю милосердие Его новыми грехами, умоли о мне и милостивую споручницу твою, Пречистую Деву Богородицу, да и мне, недостойному, дарует всесильную Свою помощь и наставит на стезю спасения, во исходе же от сего мира, о мати преподобная, сподоби мя причащения Святых Божественных Таин: в страшный час смерти помози, на воздушных мытарствах заступи и предстательством твоим отверзи ми двери Небеснаго Царствия, идеже по трудех и подвизех ныне водворяешися, зря и прославляя пресладкаго Искупителя твоего, пришедшаго в мир грешныя спасти и Божественною Своею Кровию омывающаго нас от всякаго греха. Емуже слава, честь и поклонение со Безначальным Его Отцем и Пречистым и Животворящим Духом в безконечныя веки. Аминь.

ТРОПАРЬ, ГЛАС 8

В тебе, мати, известно спасеся еже по образу: приимши бо крест, последовала еси Христу, и деющи учила еси презирати убо плоть, преходит бо; прилежати же о души, вещи безсмертней. Темже и со Ангелы срадуется, преподобная Марие, дух твой.

КОНДАК, ГЛАС 3

Блудами первее преисполнена всяческими, Христова невеста днесь покаянием явися, ангельское жительство подражающи, демона креста оружием погубляет. Сего ради Царствия невеста явилася еси, Марие преславная.

ИН КОНДАК, ГЛАС 4

Греха мглы избежавши, покаяния светом озаривши твое сердце, славная, пришла еси ко Христу, Сего Всенепорочную и святую Матерь, Молитвенницу милостивную принесла еси. Отонудуже и прегрешений обрела еси оставление, и со ангелы присно срадуешися.

ИКОС

Агницу Христову и дщерь песньми восхвалим ныне Марию приснопамятную, явльшуюся египетское овча, и прелести сих всея избеже, и едина принесеся Церкви совершенное возвращение, воздержанием и молитвою подвизающися паче меры человеческаго естества. Темже и возвыси ея и житие и деяние Един Вседержитель, Марие преславная.

Похожие православные молитвы, праздники, угодники Божии, чудотворные иконы:

Молитвы вечерние. Православный молитвослов
Правило от осквернения. Молитва от осквернения
Девять заповедей блаженства.
Молитвы священномученику Антипе епископу Пергамскому
Молитвы благоверному царевичу Димитрию Угличскому и Московскому
Молитва перед иконой Пресвятой Богородицы именуемой Умягчение злых сердец или Семистрельная
Молитвы преподобному Сергию Радонежскому чудотворцу
Молитва святителю Иоанну Милостивому
Молитва святому преподобному Паисию Величковскому
Молитва Святомy Благовеpномy Великомy Князю Александpy Hевскомy
Молитвы иконе Пресвятой Богородицы именуемой Толгская



calendareveryday.ru © Календарь на каждый день, 2011-2016г., Мобильная версия
Правила | Карта сайта | Карта мобильной версии сайта

^Наверх