Календарь на каждый день

Главная | Народный календарь | Православный календарь | Молитвы | Праздники года | Восточный календарь | Астрологический | Разное

Перейдите на полную версию сайта -> Мобильная версия

Молитва святому праведному Симеону Верхотурскому.

Симеон Верхотурский

Симеон Верхотурский

Молитва святому праведному Симеону Верхотурскому

О, святый и праведный Симеоне, чистою душею твоею в небесных обителех в лице святых водворяяйся, на земли же телом твоим нетленно почиваяй! По данной ти благодати от Господа молитися о нас, милостивно призри на нас многогрешных, аще и недостойне, обаче с верою и упованием ко святей и цельбоносней иконе твоей притекающих, и испроси нам от Бога прощение согрешений наших, в няже впадаем множицею во вся дни жития нашего и якоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси; сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, дивнаго во святых Своих, Отца и Сына и Святаго Духа, и ныне и присно и во веки веков. Аминь.

Молитва вторая
О святый и праведный Симеоне, милостивно призри на нас, многогрешных раб Божиих (имена), и испроси нам от Бога прощение согрешений наших, в няже впадаем множицею во вся дни жития нашего. И якоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси: сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, дивнаго во святых Своих, Отца и Сына и Святаго Духа, ныне и присно и во веки Аминь.

ТРОПАРЬ, ГЛАС 4
Днесь радуется славная страна Сибирь, обретши святыя твоя мощи внутрь себе. Архиереи, священницы и весь сонм людский, духовне веселящеся, вопием ти: о, богомудре Симеоне! Избави нас, иже к тебе прибегающих, от всех бед, просяще подати всем по коегождо прошению и избавитися стране сей и граду от огненнаго запаления и поганскаго нашествия и междоусобныя брани и от всякаго зла. Темже и мы вси чтем ныне честных и многоцелебных мощей твоих обретение, новый целебниче, и вопием: слава Давшему тобою всем исцеление.
ИН ТРОПАРЬ, ГЛАС 4
Мирскаго мятежа бегая, все желание обратил еси к Богу, да в видения восход обрящеши горе, отнюдуже не уклонився в лукавствия сердца, но очистив душу и тело, приял еси благодать точити цельбы верным и неверным, притекающим к раце мощей твоих, праведный Симеоне!
Темже, по данному ти дару, испроси у Христа Бога исцеление нам, болящим душевными страстьми, и моли спасти души наша.
КОНДАК, ГЛАС 2
Мира суетнаго отверглся еси, да блага вечныя жизни наследши, возлюбив незлобие и чистоту души и тела. Снискал еси, еже возлюбил, свидетельствуют бо о сем гроб и нетление мощей твоих, и благодать чудотворения наипаче. Точиши бо цельбы всем притекающим к тебе и непросвещенным, Симеоне блаженне, чудотворче предивный.



Похожие православные молитвы, праздники, угодники Божии, чудотворные иконы:

Чудотворные иконы Божьей матери и молитвы к Пресвятой Богородице. Праздники Икон Божией Матери
Молитва святому мученику Трифону
Молитвы священномученику Харалампию
Молитвы преподобному Онуфрию Великому пустынножителю царевичу Перскому
Молитвы великомученику и целителю Пантелеимону
Молитва преподобному Герману Соловецкому
Молитвы святым мученикам Адpиану и Наталии
Молитва святому преподобному Галактиону Вологодскому чудотворцу
Молитва святому преподобному Роману Сладкопевцу
Молитва Святителю Мартину Милостивому. Молитва форумиста
Молитва Албазинской иконе Божьей Матери Слово плоть бысть

calendareveryday.ru © Календарь на каждый день, 2011-2017г., Мобильная версия
Правила | Карта сайта | Карта мобильной версии сайта

^Наверх