Главная | Народный календарь | Православный календарь | Молитвы | Праздники года | Восточный календарь | Астрологический | Разное

Перейдите на полную версию сайта -> Мобильная версия

Молитвы святым и благоверным князьям и страстотерпцам Борису и Глебу.

Святые благоверные князья страстотерпцы Борис и Глеб

Святые благоверные князья-страстотерпцы Борис и Глеб

Молитвы святым и благоверным князьям и страстотерпцам Борису и Глебу

Молитва первая
О двоице священная, братие прекрасная, доблии страстотерпцы Борисе и Глебе, от юности Христу верою, чистотою и любовию послужившии, и кровми своими, яко багряницею украсившиися и ныне со Христом царствующии, не забудите и нас сущих на земли, но яко теплии заступницы, вашим сильным ходатайством пред Христом Богом, сохраните юных во святей вере и чистоте неврежденными от всякаго прилога неверия и нечистоты, оградите всех нас от всякия скорби, озлоблений и напрасныя смерти, укротите всякую вражду и злобу, действом воздвизаемую от ближних и чуждых, Молим вас, христолюбивии страстотерпцы, испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением всех чтущих святую память вашу во веки веков. Аминь.
Молитва вторая
О двоице священная, страстотерпцы Борисе и Глебе! Не забудите нас, раб Божиих (имена), но яко заступницы, вашим сильным ходатайством пред Христом Богом нас помилуйте; от нечистоты сохраните, от скорби, озлоблений и внезапный смерти избавите. Испросите у Великодаровитаго Владыки нам оставление прегрешений наших, единомыслие и здравие. Снабдевайте заступлением вашим приход сей, дом (святый храм) сей и вся чтущия святую память вашу во веки веков.

Тропарь мученикам благоверным князьям Борису и Глебу, в Крещении Роману и Давиду

Тропарь, глас 2
Правдивая страстотерпцы и истинныя Евангелия Христова послушатели, целомудренный Романе с возлюбленным Давидом, не сопротив стаста врагу сущу брату, убивающему телеса ваша, душам же коснутися не могущу: да плачется убо злый властолюбец, вы же радующеся с лики ангельскими, предстояще Святей Троице, молитеся о державе сродников ваших, Богоугодней быти, и сыновом Российским спастися.
Тропарь, глас 4
Мученическою кровию порфиру окропивше светло, украшени предстоите, страдальцы славнии, Царю Безсмертному, и, венцы славы от Него приимше, молитеся стране нашей подати на враги одоление и душам нашим велию милость.
Тропарь, глас 4 (Перенесение мощей)
Днесь церковная расширяются недра, приемлющи богатство Божия благодати, веселятся русстии собори, видяще преславная чудеса, яже творите приходящим к вам верою, святии чудотворцы Борисе и Глебе, молите Христа Бога, да спасет души наша.




Похожие православные молитвы, праздники, угодники Божии, чудотворные иконы:

Молитвы святому праведному отцу Иоанну Кронштадтскому
Молитвы преподобному Серафиму Саровскому чудотворцу
Молитва святому мученику Трифону
Молитва Святителя Ионы митрополита Московского и всея России чудотворца
Молитва преподобному Александру игумену Свирскому
Молитвы святому великомученику Никите
Молитвы святителю Димитрию Ростовскому
Молитва святым Семи отрокам иже во Ефесе: Максимилиану, Иамвлиху, Мартиниану, Иоанну, Дионисию, Ексакустодиану, Константину, Антонину
Молитва Пресвятой Богородице перед Ея иконой именуемой Знамение
Молитва Иконе Божией Матери Боголюбская Боголюбивая
Молитва Господу Богу о спасении и сохранении РОССИИ

calendareveryday.ru © Календарь на каждый день, 2011-2016г., Мобильная версия
Правила | Карта сайта | Карта мобильной версии сайта

^Наверх