Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитвы ко святой великомученице Варваре

Молитвы ко святой великомученице Варваре.

Икона святой великомученицы Варвары

Святая великомученица Варвара

Молитвы ко святой великомученице Варваре

Молитва первая
Святая славная и всехвальная великомученице Варваро! Собраннии днесь в храме твоем Божественном люди, раце мощей твоих поклоняющиися и любовию целующии, страдания же твоя мученическая, и в них самого Страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас, умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, и дарует христианскую кончину животу нашему — безболезненну, непостыдну, мирну, Божественных Тайн причастну, и всем, на всяком месте, во всякой скорби и обстоянии требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно, и во веки веков, аминь.

Молитва вторая
Премудрая и всекрасная святая великомученице Христова Варваро! Блаженна еси, яко Премирная мудрость Божия плоть и кровь не яви тебе, но Сам Бог Отец Небесный, Иже тебе, верь ради от невернаго отца оставленную, изгнанную и умерщвленную, в дщерь Себе возлюбленную прият; за тленное земнаго имения наследие плоти нетление дарова; труды мученическия упокоением Небеснаго измени Царствия; временное твое житие, смертию Его ради пресеченное, сицевою воспрослави почестию, яко душу с лики Небесных вчини духов, тело же, на земли в храме их ангельском положенное, ангелом заповеда сохранити цело, честно и многочудесно. Блаженна еси, Христу Сыну Божию, Жениху Небесному, уневещанная Дево, Егоже доброты твоея Рачителя имети желающи, всю себе страданием, ранами, удов резанием и самыя главы усечением, аки тварьми дражайшими, потщалася еси украсити: да тако, яко жена, верна главе своей — мужу, Христу духом и телом соединишися неразлучно, глаголющи: обретох, Егоже возлюби душа моя, удержах Его и не оставих Его. Блаженна еси, яко Святый Дух на тебе почил есть, имже духовными духовная разсуждати научена, вся духи лукавствия во идолех яко пагубныя отринула еси и Единаго Бога Духа познавши, яко истинная поклонница, духом и истиною кланятися изволила еси, проповеднически глаголющи: “Троицу чту, Едино Божество”. Сию Святую Троицу, Юже в животе и смерти исповеданием и страданием своим прославила еси, умоли о мне, предстательнице моя, яко да и аз всегда тройственною веры, любве и надежды добродетелию. Туюжде Святую Троицу почитаю. Имам светильник веры, но празден благих дел елеа: ты, мудрая дево, страдальческую плоть твою, крове исполненную и ранами проливающуюся, аки светильник имущая, даждь от елеа твоего, да тем душевную мою свещу украсивши, сподоблюся по тебе в Чертог Небесный. Пресельник аз есмь на земли и пришлец, якоже вси отцы мои; благ вечных наследнице и блаженная вечери в Царствии Небеснем причастнице, яко в странствии жития, Трапезы Божественныя угодения, сице и во исходе от мира желаемаго сподоби мя напутствования; и егда в конец сном смерти начну усыпати, коснися тогда изнемогающия плоти моея, яко иногда Ангел Илии, глаголющи: востани, яждь и пий: яко да благодатию Божественных Тела и Крове Тайн укреплен преиду в крепости яди тоя далекий путь смерти, даже до Горы Небесныя: и тамо, Егоже ты чрез три окна банныя прежде верою Бога Троицу узрела еси, Сего купно с тобою лицем к лицу да удостоюся видети и славити Его в некончаемыя веки. Аминь.

Молитва третья
Святая великомученице Христова Варваро! Моли с нами и о нас, рабах Божиих (имена), умоляемаго от Своего милосердия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, христианскую же кончину жития нашего безболезненну, непостыдну, мирну и Божественных Тайн причастну да дарует, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас, всегда, ныне и присно и во веки веков.

Молитва четвертая
К тебе, яко ко истинному скораго исцеления и многочуднаго врачевания источнику, святая дево Варваро великомученице, аз немощный прибегаю и к твоим святым мощам усердно припадая, молюся: виждь раны греховныя и всетелесную язву, виждь неможение души моея, и сие, обычным твоим милосердием и благостию понуждаема, исцелити потщися. Вонми гласу моления моего, не призри от окаяннаго ми сердца приносимое стенание, и вопль мой услыши, яко ты еси мое прибежище. Святую, единосущную и неразделимую Троицу, юже треми окнами в бане отеческой созданными изобразила еси, о мне грешнем и нетерпеливом рабе твоем моли, да помилует мя ныне и в день смерти моея. Поклонися Отцу Небесному: да мя, всеми грехми преклоненнаго и низу поверженнаго, воздвигнет на славословие Свое, и устроит мя всегда горе имети сердце, горняя мудрствовати, а не земная. Умоли Христа Сына Божия, иже молитву твою страдальческую в темнице услыша, да мя лениваго к молитвам, и во унынии мнози, аки в темнице седяща, к скорому течению путем заповедей Божиих наставит и подаст непрестанно молитися усердное хотение. Призови и Духа Святаго, чистоты неизнуряемаго Источника, в подвизе страдальческом тя, чистую деву, укрепляющего и от стыда крылома Своими защищающаго, яко да и мне студному и нечистому, сердце чисто созиждет и дух прав обновит во утробе моей: паче же да призовет ми и подаст усердно подвизатися в житии чистом и укрепит мя на творение благих дел. Верую, яко вся сия можеши мне, о святая великомученице Варваро, у Пресвятыя Троицы исходатайствовати: и аще восхощеши, сильна еси помощи мне, яко прославившая Бога во удесех твоих страдальческих. И вем, дево святая, яко ничтоже тебе невозможно, токмо аще не презриши слез и воздыхания моего: сего ради к честней святых мощей твоих чудотворных раце припадаю и тебе, на небеси душею пребывающей, поклоняяся, дерзаю молитвенно глаголати: да будут уши твои внемлюще гласу молитвы моея. Многострадальное твое тело да уврачует многия души и тела моего страсти. Глава твоя, мечу преклоненная, да даст главе моей воду чистительную грехов. Власи твои, немилостивно торганнии, да привяжут мя к любви Божией. Устне твои честнии да заградят уста моя от празднословия и отверзут всегда возвещати хвалу Господню. Очи твои, видящие свет троический, да узрят и мое во благих желание, яко да бых и аз отвращал очи мои, еже не видети суеты, но всегда взирал на блаженство небесное. Рука твоя отсечена да удостоит мя всегда воздевати руце к Вышнему и несплетати ими льщения. Сосца твоя, нещадно урезанная, да будут ми столп от лица вражия крепкий. Нози твои, скорошествующии со светлою свещею в чертог Божий к Жениху Небесному, да сотворят, яко да и аз ногама моима шествую ко всякому делу благу: да будет светильник ногама моима шествую ко всякому делу благу: да будет светильник ногама моима закон Господень и свет стезям моим. Раны твоя от ран греховных да свободят мя. Кровь твоя, многократне в мучении проливаемая, да очистит душу и тело мое от всякия скверны. Смерть твоя да не даст ми без исповедания и покаяния умрети: ибо аще в коем благодетельстве прославляема еси, но в сем наипаче, яко всяк, имеяй надежду на тя и выну в помощь призываяй тя, от наглыя избежит смерти, от неяже и мене окаяннаго избави, дево чистая, великомученице Варваро, и всемощными твоими молитвами удостой мя одесную Христа Сына Божия стати и слышати глас глаголющий: “благий рабе и верный, вниди в радость Господа твоего”. Аминь.

Тропарь великомученице Варваре

Тропарь, глас 8
Варвару святую почтим: вражия бо сети сокруши и, яко птица, избавися от них, помощию и оружием креста, всечестная.

Тропарь, глас 4
Агнице всеблаженная Варваро, божественне озарившися светом Святыя Троицы трисолнечным и в купели утвердившися в побеждение лести отеческия, веру исповедала еси Христову. Тем, всечестная, свыше благодать тебе дарова Бог, исцеляти недуги и болезни вся: Егоже моли, великомученице, да спасет души наша.

Кондак, глас 4:
В Троице благочестно певаемому, последовавши Богу, страстотерпице, идольская притупила еси чтилища: посреде же подвига страдальчествующи, Варваро, мучителей прещения не устрашилася еси мужемудренная, велегласно поющи присно: Троицу чту, едино Божество.


Молитвы святых. Святые угодники. Иконы.

Иные Православные молитвы и иконы:


... Добавить сайт в закладки ... Ctrl+D


О молитве. Что такое молитва?
Икона в доме, в офисе. Домашний иконостас
Православные повседневные молитвы
Молитвы к святой великомученице Варваре
Молитва Святителю Модесту патриарху Иерусалимскому
Молитва святому Вонифатию Милостивому
Молитва мученице Фомаиде Египетской
Молитвы Преподобному Виталию
Молитва святому Царю мученику Николаю
Молитва святому Апостолу и Евангелисту Луке
Молитва Святому великомученику Артемию
Молитва ко святому великомученику Мине
Молитва святому преподобному Паисию Величковскому
Молитва Пресвятой Богородице перед Ея иконой именуемой Знамение
Иверская икона Божией Матери. Молитвы к Пресвятой Богородице перед Ея иконой именуемой Иверская.

Возможно вас это заинтересует, далее:


10 мая. Память святого апостола Симона Зилота; Житие преподобной Исидоры юродивой; Память блаженной Taиcии; Житие преподобного Симона, епископа Владимирского и Суздальского; Страдание святого мученика Исихия; Страдание святых мучеников Алфия, Филадельфа, Киприана и других, с ними пострадавших;
8 августа. Празднование Пречистой Богородице в честь явления Ее пречестной и чудотворной иконы, нарицаемой Толгской; Память святого отца нашего Мирона чудотворца, епископа Критского; Память святого отца нашего Емилиана Исповедника, епископа Кизического;
24 августа. Страдание святой мученицы Сиры; Память священномученика Евтихия; Память святого мученика Татиона;
24 октября. Страдание святого мученика Арефы; Житие преподобного Арефы Печерского;
30 декабря. Страдание святой мученицы Анисии девицы; Память святого мученика Филетера; Память преподобного Зотика Сиротопитателя; Память преподобной Феодоры Кесарийской; Память преподобной Феодоры Цареградской;
Собор 70-ти апостолов. Преподобный Феоктист. Мученик Зосима. Преподобный Евфимий. 17 января.
Перенесение мощей священномученика Игнатия Богоносца. 11 февраля.
Перенесение мощей святителя Иоанна Златоуста, архиепископа Константинопольского. 9 февраля.
Священномученика Поликарпа, епископа Смирнского. Преподобный Поликарп Брянский. 8 марта.
Священномученик Патрикий. Благоверный князь Иоанн Угличский. Преподобный Корнилий. Святой благоверный князь Димитрий Донской. 1 июня.
Император Николай Александрович. Святитель Андрей, епископ Критский. Преподобная Марфа. Благоверный князь Андрей Боголюбский. Святой Андрей Рублев. 17 июля.
Праведные Иоакима и Анна. Преподобный Иосиф Волоцкий. Третий Вселенский Собор. Мученик Севериан. 22 сентября.
Покров Пресвятой Богородицы. Апостол Анания. Преподобный Савва Вишерский. Преподобный Роман. 14 октября.
Преподобный Нестор Летописец. Обретение мощей князя Андрея Смоленского. Мученица Капитолина. 9 ноября.
Святые апостолы. Мученик Орест. Священномученик Милий. 23 ноября.
Молитва святому великомученику Феодору Тирону
Молитвы святому князю Даниилу Московскому

Далее: Весь православный раздел ...


^Наверх