Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитвы преподобному и богоносному отцу нашему Иову, в схимонасех Иоанну, игумену и чудотворцу святыя Лавры Почаевския

Молитвы преподобному и богоносному отцу нашему Иову, в схимонасех Иоанну, игумену и чудотворцу святыя Лавры Почаевския.

Икона преподобного Иова, игумена и чудотворца Почаевского

Преподобный Иов Почаевский

Молитвы преподобному и богоносному отцу нашему Иову, в схимонасех Иоанну, игумену и чудотворцу святыя Лавры Почаевския

Молитва первая
О всесвятый и преславный угодниче Божий, преподобне отче наш Иове, присный о нас ко Господу молитвенниче и теплый предстателю о душах наших, к тебе всеумиленно ныне притекаем, и поминающе подвиги и чудеса твоя, яже сотворил еси и твориши на земли, просим и молим твою благостыню, якоже твердо и неизменно потрудился еси в вере Христа Бога нашего, и сию до конца в себе и во всех присных твоих целу и невредиму сохранивый от всяких приражений вражиих и ересей тлетворных, сице и нас в православии и единомыслии укрепи, отгоняющи молитвами твоими всякую тьму неверия и неправомыслия от сердец и помышлений наших, послуживый Господу и Богу твоему делы благими и неизреченным самоотвержением в трудех, бдениих и пощениих, настави нас на путь всякия добродетели и благостыни, избавляющи от искушений и грехов, удаляющих нас от Бога и повергающих в бездну зла все житие наше, явивыйся иногда с Пречистою Девою Богородицею верху горы Почаевския во спасение обители твоей от нашествия и обложения агарянскаго, и ныне ускори на помощь всей православной и боголюбивой державе нашей противу всех врагов наших внешних и внутренних, утверждая мир и тишину в земли нашей, да твоими молитвами и предстательством тихое и безмолвное житие поживем во всяком благочестии и чистоте; и всем, к тебе притекающим и припадающим к раце честных и многоцелебных мощей твоих и твоея помощи и заступления требующим, неоскудныя милости независтно подаваяй, не остави и нас сирых и безпомощных, тебе молящихся, избавляющи от всякия скорби, гнева и нужды, от глада, губительства, труса, потопа, огня, меча, нашествия иноплеменник и междоусобныя брани. Ей, угодниче Божий, призри милостивно от престола Царя славы, Емуже ты ныне предстоиши со архангелы и ангелы и со всеми святыми, на обитель твою (сию) Почаевскую, еюже ты древле мудро правил еси, наздав ю всехвальным и дивным житием твоим, и сохрани ю молитвами твоими и всякий град и страну и всех отовсюду, на мори и на суши, в пустынях и в злоключениих многоразличных тебе призывающих, от всех зол видимых и невидимых, да тако твоею помощию и ходатайством спасаеми, в веце сем и по скончании живота нашего сподобимся купно с тобою славити и воспевати всечестное имя Отца и Сына и Святаго Духа во веки веков. Аминь.

Молитва вторая (для чтения в Почаевской Лавре пред его мощами)
О всеблаженне и богоносне отче наш Иове, иноческаго ангелоподобнаго жития богомудрый наставниче, веры православныя восточно-кафолическия против лжемудрований запада непреоборимый защитниче и поборниче, богопреданных уставов Церкве и преданий отеческих верный блюстителю и строгий взыскателю, святости и чистоты, целомудрия и нестяжания, трудолюбия и богомыслия, поста и бдения великий ревнителю, долготерпения и злострадания неутомимый и непобедимый ратоборче, образ кротости, зерцало смирения, пример незлобия, постников удобрение, девственников похвало, монахов и схимонахов радосте. По имени твоему, преподобне отче, якоже и древняго онаго Иова, многострадальна и праведна, и житие твое бысть праведно и непорочно от младенческих пелен, всеми делы благими, яко многоценным бисером, благоукрашенно и благодушным терпением чрез многа лета скорбей и болезней, паче злата и сребра, в горниле искушенных, просиявши. Еще бо сущи дванадесяти точию лет, восприял еси на ся иго Христово с великим образом монашеским и даже до старости и престарения вящше девятидесяти лет, благодушно и неослабно, непоползновенно и неблазненно понесл еси, прошед всяк путь правды и святыни в посте и молитве, в коленопреклонениих и бдениих и тако на высоту добродетелей изрядну, вспомоществуем благодатию Божиею, по степенем возшел еси, яко всем дивитися и ублажати тя за премногую добродетель и любомудрие твое, не точию в пределех отечествия твоего, но и в странах окрест сущих, о чесом слышав боголюбивый князь Острожский и вельми возжелав имети тя руководителя себе на пути спасения, Крестовоздвиженской обители своей, яже на острове Дубенстем, предстоятеля и наставника молением любве своея привлече тя, отонудуже и святей обители Почаевской, яко сокровище велие и неоцененное, даровался еси. Темже и праведный Судия и мздовоздатель Бог, Иже весть сущия Своя, прежде даже не быти им, обещавый верным рабом Своим за труды и подвиги их во славу Его имени воздати сторицею, свыше призре на смирение твое и вознесе тя, и прослави тя на земли живых, даровав духоносному телеси твоему дар нетления и благодать врачевания недугов душевных и телесных, для всех, с верою и любовию ко всечестней раце твоей притекающих, а молитве твоей силу и крепость непобедимую, врагов видимых и невидимых устрашающую и поражающую. Егда бо иноплеменницы оны исмаелитстии, ихже Господь Бог еще в праотце их от рода и дому Авраамля отрину, врази креста Христова, облегоша гору и обитель Почаевскую, хотяще ю до конца разорити, тогда ты, отче прехвальне, был еси ходатай святыми твоими молитвами ко всемогущему и всеблагому Богу и к Преблагословенней Деве Марии Богородице, и благостию, тебе от Бога данною, и предстательством Пречистыя Богородицы отгнал еси все безумие супостатов тех и, всю ярость их разрушив и крепость победив, сотворил еси их бежати со страхом и трепетом. Призри убо и ныне оком благоутробия твоего, прилежно молим тя, обстояще святыя и многоцелебныя мощи твоя и усердно лобызающе я, призри на нас, недостойных чад и рабов твоих, вступивших в стези твои, но немогущих право по ним шествовати, и на место сие, от лет древних богоизбранное и чудесы прославленное, в немже имя твое призывается и егоже ты поты трудов твоих богоугодных оросил и возделал еси, и огради его и нас молитвами твоими от всякаго навета вражия и злаго обстояния, сохраняя и соблюдая всех и каждаго в мире и тишине, в вере нелицемерней и богоугодном жительстве. Подаждь же, угодниче Божий, и всем, приходящим семо и твоея помощи и заступления ищущим, благость и милость от Христа Бога нашего и Пречистыя Его Матере, да никтоже изыдет отсюду в туге и скорби, в печали и сетовании, постыжден и посрамлен в надеянии своем, но кийждо, по мере веры и любве своея, да восприимет себе поне некую отраду и утешение, облегчение и подкрепление, защиту и помощь, во славу Бога Трисвятаго, Емуже подобает всякая слава, честь и поклонение Отцу и Сыну и Святому Духу, ныне и присно, и во веки веков. Аминь.

Молитва третья
О преподобне отче Иове, иноков трудолюбнаго жития богомудрый наставниче, кротости и воздержания, чистоты и целомудрия, братолюбия и нищелюбия, терпения и бдения от ранней юности до поздней старости неутомимый подвижниче, веры православныя великий ревнителю и непреоборимый поборниче, земли Волынския и Галицкия светило благосветлое и святыя Почаевския обители непобедимый защитниче! Призри оком благоутробия твоего на нас недостойных чад твоих, к тебе усердно по вся дни прибегающих и на боголюбивыя люди сия, пред твоими духоносными и многоцелебными мощами собравшияся и благоговейно к тем припадающия, и испроси предстательством твоим ко Всевышнему Владыце им и нам вся, яже к животу и благочестию, полезная и благопотребная: болящия исцели, малодушныя ободри, скорбящия утеши, обидимыя заступи, немощныя подкрепи и поверженныя долу возстави, всем вся, благодатию от Бога данною, даруй, по коегождо нужде и потребе, во спасение души и во здравие телу. Вознеси угодниче Божий всемощную молитву твою о Российской державе, да будет выну мир и тишина, благочестие и благоденствие, в судах правда и милость, в советах мудрость и благое преспеяние, да утверждается же во благих человецех верность, в злых же страх и боязнь, во еже престати им от зла и творити добрая, да тако в державе Российстей царство Христово растет и множится и да прославится в нем Бог, дивный во святых своих: Емуже единому подобает всякая слава, честь и поклонение Отцу и Сыну, и Святому Духу, ныне и присно, и во веки веков. Аминь.

Тропарь преподобному Иову, игумену и чудотворцу Почаевскому

Тропарь, глас 4
Возложив на ся иго Христово от юности, преподобне отче Иове, многолетне свято подвизался еси на поприще благочестия во обители Угорницкой и на острове Дубенстем; и притек к горе Почаевской, знаменитой цельбоносною стопою Пресвятыя Богородицы, в тесной пещере каменной богомыслия ради и молитвы многократно заключался еси: и благодатию Божиею укрепляяся, мужественно потрудился еси на пользу обители твоея, купно же и противу врагов православия и благочестия христианскаго. И наставив сицевому ополчению иночествующих, победители тех представил еси своему Владыце и Богу: Того моли спастися душам нашим.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:

Дни особого поминовения усопшего. Поминальные дни. Молитва о усопших
Молитвы священномученику Власию Севастийскому
Молитва святому пророку Божию Илии
Молитвы епископу Тихону Воронежскому чудотворцу
Молитва святому преподобному Галактиону Вологодскому чудотворцу
Молитва Святителю Мартину Милостивому Молитва форумиста
Молитвы святым семи отрокам Ефесским
Молитва святым бессребреникам и чудотворцам Косме и Дамиану
Молитвы святым мученикам Гурию Самону и Авиву
Молитва святому преподобному Паисию Величковскому
Молитва ко Святому Иоанну Предтечи
Икона Божией Матери, именуемая "Трех радостей". Молитва к Пресвятой Богородице перед Ея иконой именуемой Трех Радостей.
Икона Божьей Матери "Неувядаемый Цвет". Молитва Божией Матери перед Ея иконой Неувядаемый Цвет.
Ильинско - Черниговская икона Божией Матери. Молитва иконе Божией Матери Ильинско-Черниговская.
Молитва Господу Богу о восстановлении самодержавнаго царства русскаго

Возможно вас это заинтересует, далее:


16 апреля. Страдание святых мучениц Агапии, Хионии и Ирины; Страдание святой мученицы Ирины;
1 мая. Житие и страдание святого пророка Иеремии; Житие преподобного отца нашего Пафнутия Боровского; Страдание святого мученика Ваты;
17 июня. Страдание святых мучеников Мануила, Савела и Исмаила;
2 июля. Сказание о положении честной ризы Пречистой Девы Богородицы во Влахернской церкви; Память святого отца нашего Ювеналия, патриарха Иерусалимского;
16 сентября. Страдание святой всехвальной великомученицы Евфимии; Память святой мученицы Севастианы; Память святой мученицы Мелитины; Память святой мученицы Людмилы; Память святителя Киприана, митрополита Киевского; Память преподобного Дорофея пустынника;
Мученики Мина, Ермоген и Евграф. Святитель Иоасаф. Память Иоанна и его родителей Стефана и Ангелины Бранковичей. Мученик Гемелл. Преподобный Фома. 23 декабря.
Собор святого Пророка, Предтечи и Крестителя Господня Иоанна. 20 января.
Святое Богоявление. Крещение Господне. Великое освящение воды. 19 января.
Май. Православный церковный календарь, праздники Мая. Святые угодники.
Житие священномученика Антипы, епископа Пергамского. Преподобный Иаков. Мученики Прокесса и Мартиниан. 24 апреля.
Святитель Филипп, митрополит Московский. Мученика Иакинф. Преподобные Иоанн и Лонгин. Блаженный Иоанн Юродивый, Московский чудотворец. 16 июля
Мученики Прокл и Иларий. Преподобный Михаил Малеин. Преподобный Арсений Новгородский. Преподобный Симон Воломский. 25 июля.
Молитва мученику младенцу Гавриилу Белостокскому
Молитвы епископу Тихону Воронежскому чудотворцу
Молитва преподобному Иосифу Волоцкому
Молитвы святому великомученику Никите
Молитва святителю Иоанну Милостивому

Далее: Весь православный раздел ...


^Наверх