Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитва ко Святому Иоанну Предтечи

Молитва ко Святому Иоанну Предтечи.

Икона Святого Иоанна Предтечи и Крестителя Господня

Иоанн Предтеча. В левой руке Иоанн держит чашу, а правой указывает на лежащего там Агнца Божия; развернув свиток, он призыват к покаянию и обращению к Богу.

Молитва ко Святому Иоанну Предтечи

Молитва 1

Крестителю Христов, проповедниче покаяния, кающагося не презри мене, но совокупляяся с вои Небесными, молися ко Владыце за мене недостойнаго, унылаго, немощнаго и печальнаго, во многая беды впадшаго, утружденнаго бурными помыслы ума моего: аз бо есмь вертеп злых дел, отнюд не имеяй конца греховному обычаю, пригвожден бо есть ум мой земным вещем: что сотворю, не вем. И к кому прибегну, да спасена будет душа моя? токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех, ибо ты сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний Пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю: не отрини мене от твоего заступления, но возстави мя падшагося многими грехи; обнови душу мою покаянием, яко вторым крещением, понеже обоего начальник еси: крещением омываяй прародительный грех, покаянием же очищаяй коегождо дело скверно; очисти мя грехами оскверненнаго и понуди внити, аможе ничтоже скверно входит, во Царствие Небесное. Аминь.

Молитва 2

Святый Предтече и Крестителю Христов Иоанне! Проповедник сый покаяния, кающихся не презри нас, но молися ко Владыце Христу за нас, недостойных рабов, унылых, немощных, во многия грехи впадших. Смерти убо чаем, о гресех же наших николиже поболехом и о Царствии Небеснем не попекохомся: но не презри нас, Крестителю Христов, честный Предтече, болий рожденных всех, постником и пустынником наставниче, чистоты учителю и ближний друже Христов. Тя молим, к тебе прибегаем: не отрини нас, просящих твоего заступления, обнови души наша покаянием, еже есть второе крещение: твоим ходатайством пред Господем испроси нам очищение грехов. Уста недостойная вопиют к тебе, и душа смиренная молится, сердце сокрушенное из глубины воздыхает: простри пречистую твою десницу и защити нас от враг видимых и невидимых. Ей, Господи Иисусе Христе! Молитвами святаго Иоанна Крестителя Твоего, изряднее же Пречистыя Твоея Матери, Владычицы нашея Богородицы, спаси нас, грешных рабов Твоих, кающихся о гресех. Ты бо еси Бог кающихся, и на Тя, Спасителя, возлагаем надежду, славяще Пресвятое Имя Твое, со Безначальным Твоим Отцем, и со Пресвятым и Благим и Животворящим Твоим Духом, ныне и присно и во веки веков.

Молитва заключенного к святому пророку Иоанну Предтече

Предтече и крестителю Христов Иоанне, проповедниче покаяния! Ты неповинне всажден был еси в темницу: аз же, вверженный в злоключение сие, достойное по делом моим приемлю, яко преступник правды и закона. Всели в мое сердце чувство покаяния о гресех моих! Несть бо ни единыя злобы ни беззакония, ихже аз, окаянный, не содеях; престрашни греси мои. Учителю правды! научи мя право глаголати о мне самом пред судиями. Не преставаяй и в темнице обличати беззаконнаго Ирода, даруй ми, да наипаче зде обличает мене совесть моя, да от обличении ея не возмогу на долзе времени утаити мое преступление. Аще же осужден буду понести наказание, даруй ми быти терпеливу, якоже ты сам терпеливно несл еси усекновение главы твоея, желанное от Иродиады. Ей, Крестителю Христов! Простри ми, рабу твоему, руку, крестившую Христа Спасителя моего, да мя извлечеши из глубины погибели. Ты еси больший всех в рожденных женами, ты еси первый по Богородице, праведник между человеки. Сего ради прибегаю к тебе аз, имеяй потребу в велицем ходатае, яко велик есмь грешник. Убо и да осенит мене, недостойнаго, благодать твоя, Предтече Господень. Аминь.

ТРОПАРЬ, ГЛАС 4

Первее нераждающая, неплоды, возвеселися: се бо зачала еси Солнца светильника яве, просвещати имуща всю вселенную, слепотою недугующую. Ликуй, Захарие, вопия со дерзновением: пророк Вышняго есть хотяй родитися. (23 сентября/б октября; Зачатие Предтечи и Крестителя Иоанна)

ИН ТРОПАРЬ, ГЛАС 4

Пророче и Предтече пришествия Христова, достойно восхвалити тя недоумеем мы, любовию чтущия тя: неплодство бо рождшия и отчее безгласие разрешися славным и честным твоим рождеством, и воплощение Сына Божия мирови проповедуется. (24 июня/7 июля; Рождество святого Пророка, Предтечи и Крестителя Иоанна)

ИН ТРОПАРЬ, ГЛАС 4

От земли возсиявши, Предтечева глава лучи испущает нетления верным исцелений: свыше собирает множество ангел, доле же созывает человеческий род, единогласную возсылати славу Христу Богу. (24 февраля/9 марта; Первое (IV) и второе (452) обретение главы Иоанна Предтечи)

ИН ТРОПАРЬ, ГЛАС 4

Яко Божественное сокровище, сокровенное в земли, Христос откры главу твою нам, Пророче и Предтече; вси убо сошедшеся в сея обретение, песньми благоглаголивыми Спаса воспоим, спасающа нас от тления молитвами твоими. (25 мая/ 7 июня; Третье обретение главы Предтечи и Крестителя Господня Иоанна (ок. 850))

ИН ТРОПАРЬ, ГЛАС 2

Память праведного с похвалами, тебе же довлеет свидетельство Господне, Предтече: показал бо ся еси воистинну и Пророков Честнейший, яко и в струях крестити сподобился еси Проповеданнаго. Темже за истину пострадав радуяся, благовестил еси и сущим во аде Бога явльшагося плотию, вземлющаго грех мира и подающаго нам велию милость. (7/20 января; Собор Предтечи и Крестителя Господня Иоанна; 29 августа/11 сентября; Усекновение главы Пророка, Предтечи и Крестителя Господня Иоанна)

КОНДАК, ГЛАС 3

Прежде неплоды днесь Христова Предтечу раждает, и той есть исполнение всякаго пророчества: Егоже бо пророцы проповедаша, на Сего во Иордане руку положив, явися Божия Слова пророк, проповедник, вкупе и Предтеча. (24 июня/ 7 июля; Рождество честного славного Пророка, Предтечи и Крестителя Господня Иоанна)

ИН КОНДАК, ГЛАС 5

Предтечево славное усекновение смотрение бысть некое Божественное, да и сущим во аде Спасово проповесть пришествие; да рыдает убо Иродиа, беззаконное убийство испросивши: не закон бо Божий, ни живый век возлюби, но притворный, привременный. (29 августа/11 сентября; Усекновение главы Пророка, Предтечи и Крестителя Господня Иоанна)

Тропари из службы на перенесение честныя десницы из Мальты в Гатчину 12 октября 1799 г.

Прославляй Господь Того славящыя, нетлением прославленную десницу твою, подаде верным прибежище благонадежно, юже простерши, подаждь нам помощь от Святаго, и даждь безбедно во благочестии жизнь совершити славящым тя.
Стал еси посреде закона и благодати премудре, темже взываем к тебе, побеждаемых нас, законом греховным, воюющим противу ума во удех наших, ущедри, Крестителю, и благодати дар испроси, творити Божественная хотения.

Величание

Величаем тя, Крестителю Спасов Иоанне, и почитаем вси честныя твоея главы усекновение.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


О молитве. Что такое молитва?
Архангел Гавриил Молитвы Святому
Молитвы святителю и чудотворцу Николаю архиепископу Мир Ликийских
Молитвы Пресвятой Богородице именуемой Спасительница утопающих
Молитвы святому князю Даниилу Московскому
Молитва Святителя Ионы митрополита Московского и всея России чудотворца
Молитва преподобному Нилу Сорскому чудотворцу
Молитва святой великомученице Евфимии Всехвальной
Молитвы великомученику и целителю Пантелеимону
Молитва святым мученикам Флору и Лавру
Молитвы святому великомученику Никите
Молитвы святым семи отрокам Ефесским
Молитвы святой великомученице Екатерине
Икона Божьей Матери "Неувядаемый Цвет". Молитва Божией Матери перед Ея иконой Неувядаемый Цвет.
Икона Божией Матери “Живоносный Источник”. Молитва перед иконой Пресвятой Богородицы именуемой Живоносный источник.

Возможно вас это заинтересует, далее:


20 марта. Страдание преподобных отцов наших Иоанна, Сергия и Патрикия; Страдание святой мученицы Фотины; Страдание святых мучениц Александры и Клавдии; Память святого Никиты Исповедника;
10 мая. Память святого апостола Симона Зилота; Житие преподобной Исидоры юродивой; Память блаженной Taиcии; Житие преподобного Симона, епископа Владимирского и Суздальского; Страдание святого мученика Исихия; Страдание святых мучеников Алфия, Филадельфа, Киприана и других, с ними пострадавших;
30 мая. Житие преподобного отца нашего Исаакия Исповедника;
29 июля. Страдание святой мученицы девицы Серафимы; Страдание святого мученика Каллиника;
8 сентября. Слово на Рождество Богородицы;
23 октября. Житие и страдание святого Апостола Иакова, брата Господня по плоти; Память святого Иакова Боровицкого; Память святого Игнатия, патриарха Константинопольского;
18 ноября. Страдание святого мученика Платона; Страдание святых мучеников Романа и отрока Варула; Память святых мучеников Закхея и Алфея;
Введение во Храм Пресвятой Владычицы Богородицы и Приснодевы Марии. 4 декабря
Святитель Спиридон. Преподобный Ферапонт. Священномученик Александр, епископ Иерусалимский. Мученик Разумник. 25 декабря.
Перенесение мощей святителя Иова, патриарха Московского и всея Руси. 18 апреля.
Князь Владимир. Мученики Кирик и Иулитта. 28 июля.
Преображение Господа Бога и спасителя Иисуса Христа. 19 августа.
Святитель Григорий, епископ Неокессарийский. Преподобный Никон. 30 ноября.
Молитвы к святой великомученице Варваре
Молитвы Преподобной Таисии
День Святой Троицы. Пятидесятница. Троицын день
Сретение Господне. Сретенье. Сретения Господа Нашего Иисуса Христа – праздник Встречи

Далее: Весь православный раздел ...


^Наверх