Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитвы святой мученице Параскеве Пятнице

Молитвы святой мученице Параскеве Пятнице.

Святая великомученица Параскева, нареченная Пятницею

Святая великомученица Параскева нареченная Пятницею

Молитвы святой мученице Параскеве Пятнице

Молитва первая
О святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Его же преблаженнейшим зрением присно веселитися; моли Всемилостиваго, иже словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение. О великая угодница Божия! О мужественнейшая дево! О крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощны есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствоваши, мрака же греховнаго избывше, во свете истинныя веры и деяний Божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца и Сына и Святаго Духа, ныне и присно и во веки веков. Аминь.

Молитва вторая
Святая невесто Христова, многострадальная мученице Параскево! Вемы, яко от юности твоея ты всею душею твоею и всем сердцем твоим возлюбила еси Царя славы, Христа Спасителя и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоея, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею ангела Божия от неисцельных ран дивно исцеленная и восприявшая неизреченную светлость, изумила еси неверных мучителей. Ты, именем Господа нашего Иисуса Христа и силою молитвы твоею в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесне возжженным чрез ангела Божия, попаливши неистовых беззаконников, мног народ привела еси к познанию истиннаго Бога. Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг, возшедши душею твоею на небеса, в чертог вожделеннаго твоего Жениха Христа Царя Славы, радостно сретшаго тя сим небесным гласом: “Радуйтеся, праведнии, яко мученица Параскева увенчася!” Темже и мы днесь приветствуем тя, многострадальная, и, взирающе на святую твою икону, с умилением вопием ти: всечестная Параскево! Вемы, яко велие имаши дерзновение ко Господу: умоли убо Его Человеколюбца и о нас с предстоящих и молящихся ти, да подаст Он и нам, якоже тебе, терпение и благодушие в бедах и скорбных обстояниях; да дарует Он, ходатайством твоим и заступлением, радостное, благоденственное и мирное житие, здравие же и спасение, и во всем благое поспешание возлюбленному нашему отечеству, да ниспослет святое Свое благословение и мир, и всем православным христианам да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели: да очистит нас грешных от всякий скверны и порока, да оградит нас святыми Своими ангелами, да заступит, сохранит и помилует всех святою Своею благодатию и соделает наследниками и причастниками Небеснаго Своего Царствия. И тако улучивше спасения твоими святыми молитвами, предстательством и заступлением, всеславная невесто Христова Параскево, прославим все пречистое и великолепое имя дивнаго во святых Своих истиннаго Бога, Отца и Сына и Святаго Духа, всегда, ныне и присно и во веки веков. Аминь.

Тропарь святой великомученице Параскеве Пятнице

Тропарь, глас 4
Премудрая и всехвальная Христова мученица Параскева, мужескую крепость приемши, женскую же немощь отвергши, диавола победи, и мучителя посрами, вопиющи и глаголющи: приидите, тело мое мечем ссецыте, и огнем сожгите, аз бо радующися иду ко Христу, Жениху моему. Тоя молитвами, Христе Боже, спаси души наша.

Кондак, глас 3
Всесвятое и непорочное мучение принесши, яко вено пречестное Безсмертному Жениху Христу, ангельское ликостояние возвеселила еси, и победила еси демонския козни: сего ради тя честно верою чтим, мученице Параскево, многострадальная.

Величание
Величаем тя, страстотерпице Христова Параскево, и чтим честное страдание твое, еже за Христа претерпела еси.


Молитвы святых. Святые угодники. Иконы.

Иные Православные молитвы и иконы:


... Добавить сайт в закладки ... Ctrl+D


Календарь православных именин
Святые Ангелы. Ангел хранитель.
Архангел Рафаил Молитва
Молитвы святому мученику Вонифатию
Молитвы святому праведному отцу Иоанну Кронштадтскому
Молитва святой великомученице Евфимии Всехвальной
Молитва преподобному Герману Соловецкому
Алипий Печерский Молитвы Преподобному иконописцу
Молитва преподобномученику Афанасию Игумену Брестскому
Молитва Святителю Мартину Милостивому Молитва форумиста
Молитва Мученику Лонгину Сотнику
Молитвы к Пресвятой Богородице перед Ея иконой именуемой Скоропослушница
Молитвы святителю Иоанну Златоустому архиепископу Константина града
Ангел хранитель Молитвы к Ангелу Хранителю
Молитва Господу Богу о восстановлении самодержавнаго царства русскаго

Возможно вас это заинтересует, далее:


25 марта. Слово на Благовещение Пресвятой Богородицы;
15 мая. Житие преподобного отца нашего Пахомия Великого; Память преподобного отца нашего Евфросина, Псковского чудотворца; Память преподобного отца нашего Ахиллия, епископа Ларисийского;
26 июня. Явление чудотворной иконы Пресвятой Богородицы, нарицаемой Тихвинской; О чудотворной иконе Пресвятой Богородицы, нарицаемой
11 сентября. Житие и подвиги преподобной матери нашей Феодоры, подвизавшейся в мужском образе; Память преподобного Евфросина; Память святой мученицы Ии; Память святых мучеников Диодора и Дидима;
5 октября. Страдание святой мученицы Харитины; Житие преподобного Дамиана Печерского; Житие преподобного Иеремии Печерского; Житие преподобного Матфея Печерского; Память святой мученицы Мамелхфы; Празднование святителям московским Петру, Алексию, Ионе и Филиппу; Житие святого Дионисия, епископа Александрийского;
Пророк Даниил и три отрока: Анания, Азария и Мисаил. Преподобный Даниил Исповедник. 30 декабря.
Собор архангела Гавриила. 8 апреля.
Апостол Иаков Зеведеев. Святитель Донат. Святитель Игнатий Брянчанинов. 13 мая.
Священномученик Дорофей. Святой князь Игорь. Благоверный князь Феодор Ярославич. Блаженный Константин. 18 июня.
Мученик Иустин Философ. Преподобный Дионисий. Преподобный Агапит Печерский. 14 июня.
Владимирская икона Божией Матери. Житие святого праведного отрока Артемия, Веркольского чудотворца. 6 июля.
Мученик Каллиник. Мученица Серафима. Мученица Феодотия. Преподобные Косма и Константин Косинские. Преподобный Роман Киржачский. 11 августа.
Пророк Захария и праведная Елисавета. Преподобный Афанасий Брестский. 18 сентября.
Зачатие Предтечи и Крестителя Иоанна. Святитель Иннокентий, митрополит Московский. 6 октября.
Священномученик Дионисий Ареопагит. Преподобный Иоанн, епископ Кесарийский. Блаженный Исихий. 16 октября.
Акафист всем иконам Божьей Матери. Молитва Божьей Матери.
Святки. колядование. святые вечера. Двенадцать дней после праздника Рождества Христова называют святками

Далее: Весь православный раздел ...


^Наверх