Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитвы святому великомученику Никите

Молитвы святому великомученику Никите.

Великомученик Никита

Великомученик Никита

Молитвы святому великомученику Никите

Молитва 1
К тебе, яко скорому и избранному спасения нашего ходатаю, богоизбранному воеводе, оружием креста враги победившему, великомученице Никито, вседушно прибегаем: не отвратися от нашея нищеты, молению нашему внемли, и от бед нас и град сей сохрани.
Простри руку твою, скорую помощь подающую, управи ум наш от пагубоносных разсеяний, и сердца наша оскверненная очисти, освяти и горе имети утверди.
От враг видимых и невидимых нас сохрани, да над страстьми победители явимся, творяще святыню во страсе Господни, и всякое уныние поправше, радоватися о Господе начнем; и тако твоими ходатайствы, во смирении и простоте сердца, сподобимся до последняго издыхания боголепно Отца и Сына и Святаго Духа воспевати и твоя боговенчанныя подвиги и чудеса прославляти во веки веков. Аминь.

Молитва 2
О, великий страстотерпче Христов и чудотворче великомучениче Никито! Припадающе к святому и чудотворному образу твоему, подвиги же и чудеса твоя и многое страдание твое к людем прославляюще, молим тя прилежно: яви нам смиренным и грешным святое и многомощное твое заступление: се бо, грех ради наших, не имамы свободы чад Божиих, еже о потребах наших Господа и Владыку нашего дерзновенно просити, но тебе молитвенника к Нему благоприятнаго предлагаем и о твоем предстательстве взываем: испроси нам у Господа благопотребныя дары душам и телесем нашим: веру правую, спасения надежду несумненную, любовь же ко всем нелицемерную, во искушениих мужество, в злостраданиих терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и благочестное на земли житие, христианскую жития кончину и добрый ответ на страшнем судище Христовем. Еще, о страстотерпче Христов, у Царя Небеснаго испроси всем православным христианом мир, здравие и спасение, на враги победу и одоление, всей же богохранимей стране благоустроение, тишину и благоденствие. Христолюбивому воинству буди соратай и помощник на враги, и всем людем православным яви твое святое заступление: болящия исцели, скорбящия утеши, бедствующим помози; Ей, угодниче Божий и мучениче долготерпеливый! Не забуди святую обитель твою и вся живущия в ней и подвизающияся инокини же и мирския, но поспеши им в смирении и терпении носити иго Христово и от всяких бед и искушений милостивне избави. Всех убо нас приведи в тихое пристанище спасения и наследники сподоби быти пресветлаго Царствия Христова святыми твоими молитвами, да славим и поем великия щедроты Отца и Сына и Святаго Духа, в Троице славимаго и покланяемаго Бога, и твое святое заступление во веки веков. Аминь.

Молитва 3
О, великое светило, осиявающее всего мира концы, страстотерпче Христов Никите! Днесь умиленно предстояще честней твоей иконе и припадающе и лобызающе сию, усердно молим тя: испроси нам у Христа Бога нашего оставление грехов, исправление жития, и вся благая ко временной и вечней жизни потребная. О, пречестный и преславный страстотерпче Христов! Не презри моления нашего и не остави нас к тебе прибегающих, но милостивно воззри на ны и на земную юдоль нашу; помяни нас странствующих и пришельствующих, и дарованною тебе от Бога силою руководи нас к Небесному Отечеству; укрепи нашу немощь, огради нас от грехопадений, возгрей в нас святую любовь ко Господу, и ревность о спасении нашем подаждь нам; насади в сердцах наших страх Божественный, и направи стопы наша к деланию заповедей Христовых. Испроси же предстательством твоим у Всемилостиваго Бога нашего мир Церкви Его, людем в вере единомудрие, суемудрия же и расколов истребление и в делех благих утверждение, больным исцеление, печальным утешение, обиженным заступление, бедствующим помощь. Наипаче же молитвою твоею соделай всем нам, еже жити целомудренно и праведно и благочестиво в нынешнем веце, присно же час смертный и страшное второе пришествие Господа и Бога нашего Иисуса Христа памятовати, да благодатию и человеколюбием Его соблюдаеми и спасаеми, мытарств горьких от бесов, воздушных князей, и вечныя муки избавимся, и в Небеснем Царствии поклонитися Престолу Божию да сподобимся, благодарно и всерадостно прославляюще Пресвятую и Пребожественную Троицу, Отца и Сына и Духа Святаго, во веки веков. Аминь.

Молитва 4
О, великомучениче Христов, Никито! Храбр был еси во бранех, и врагом прогонитель, и обидимым заступник, всем же православным христианом предстатель. Помилуй мя грешнаго и недостойнаго, и заступи в бедах, и в скорбех, и в печалех, и во всякой злой напасти, и от всякаго злаго и обидящаго человека мя огради: тебе бо дана бысть таковая благодать от Бога, еже молитися за ны грешныя, в бедах и напастех зле страждущия. Избави убо нас от обидящих и ненавидящих нас, буди нам всегда поборник крепок на вся видимая и невидимая враги наша.
О, великий поборниче наш Никито! Не забуди нас всегда молящихся тебе и просящих у тебя помощи и неоскудныя милости, и сподоби ны, грешныя и недостойныя, неизреченныя благая от Бога получити, яже уготова любящим Его. Яко тому подобает всякая слава, честь и поклонение, Отцу, и Сыну, и Святому Духу, ныне, и присно, и во веки веков. Аминь.

***

О великий Христов страстотерпче Никито! Услыши молитву нас, грешных, и избави нас (имена) от всякия печали и находящия напасти, от внезапныя смерти и от всякаго зла: в час же разлучения души от тела отжени, страстотерпче, всякую лукавую мысль и лукавыя бесы, яко да приимет души наша с миром в место светло Христос Господь Бог наш, яко от Него очищение грехов, и Той есть спасение душ наших, Емуже подобает всякая слава, честь и поклонение, со Отцем и Святым Духом, ныне и присно и во веки веков.

ТРОПАРЬ, ГЛАС 4
Крест Христов, яко некое оружие усердно восприим, и к борению врагов притекл еси, и за Христа пострадав, последи огнем священную твою душу Господу предал еси, отонудуже и даров исцеления от Него сподобился еси прияти, великомучениче Никите, моли Христа Бога, спастися душам нашим.

КОНДАК, ГЛАС 2
Прелести посек державу стоянием твоим, и победы приим венец во страдальчествех твоих, со ангелы славне радуешися, Никито тезоимените, с ними Христа Бога моля непрестанно о всех нас.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


Молитвенное правило. Что следует запомнить христианину.
Молитва к Пресвятой Богородице перед Ея иконой именуемой Млекопитательница
Молитва святому мученику Трифону
Молитвы священномученику Власию Севастийскому
Молитва мученице Фомаиде Египетской
Молитва мученикам Антонию Евстафию и Иоанну Виленским Литовским
Молитва святому мученику Диомиду врачу
Святой чудотворец Алексий Молитвы святителю Московскому чудотворцу
Молитва Мученику Лонгину Сотнику
Молитва Святому великомученику Артемию
Молитва преподобному Иову Игумену и чудотворцу Почаевскому
Молитвы святой великомученице Екатерине
Икона Божией Матери, именуемая "Утоли моя печали". Молитвы к Пресвятой Богородице перед Ея иконой именуемой Утоли моя печали.
Икона Божией Матери именуемая "Благодатное Небо". Молитва Божией Матери пред иконой Ея Благодатное Небо.
Икона Божией Матери "Калужская". Молитва ко Пресвятой Богородице пред Ее иконою Калужская.

Возможно вас это заинтересует, далее:


2 февраля. Сказание о Сретении Господнем;
25 февраля. Житие святого отца нашего Тарасия, архиепископа Константинопольского;
12 марта. Житие святого отца нашего Феофана исповедника; Житие во святых отца нашего Григория Двоеслова, папы Римского; Память праведного Финееса;
14 марта. Житие преподобного отца нашего Венедикта; Память святого Евcхимона исповедника;
9 апреля. Страдание святого мученика Евпсихия; Страдание святого преподобномученика Вадима архимандрита;
12 апреля. Житие преподобной матери нашей Афанасии; Житие преподобного отца нашего Исаака Сирина; Память святого священномученика Зинона, епископа Веронийского; Память преподобного отца нашего Василия Исповедника, епископа Парийского; Память преподобной Анфусы;
1 июля. Страдание святых мучеников Космы и Дамиана; Память преподобного отца нашего Петра; Страдание святого мученика Потита;
21 июля. Житие святого пророка Иезекииля; Житие преподобных отец наших Симеона, Христа ради юродивого и Иоанна, спостника его;
Святитель Спиридон. Преподобный Ферапонт. Священномученик Александр, епископ Иерусалимский. Мученик Разумник. 25 декабря.
Перенесение мощей благоверных князей российских Бориса и Глеба. Святитель Афанасий Великий, Патриарха Александрийского. 15 мая.
Преподобный Феодор Трихин. Мученик младенец Гавриил. 3 мая.
Святые бессребреники Косма и Дамиан. Мученик Ерминингельд. 14 ноября.
Молитва преподобному Сампсону священнику и целителю странноприимцу
Молитва преподобному Дамиану пресвитеру целебнику Печерскому
Молитва святому Апостолу и Евангелисту Луке
Обрезание Господне. Васильев день. Новолетие. Старый Новый год
Календарь празднования Пасхи и переходящих праздников

Далее: Весь православный раздел ...


^Наверх