Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Чудотворные иконы Божьей матери --> Молитва Пресвятой Богородице, именуемой "Неопалимая Купина"

Молитва Пресвятой Богородице, именуемой "Неопалимая Купина".

Икона Пресвятой Богородицы, именуемой “Неопалимая Купина”

Икона Пресвятой Богородицы именуемой Неопалимая Купина

Молитва Пресвятой Богородице, именуемой "Неопалимая Купина"

Молитва первая
Царице Небесная, Владычице наша, Госпоже Вселенныя, Пресвятая Богородице, нескверная, неблазная, нетленная, пречистая, чистая Приснодево, Марие Богоневесто, Мати Творца твари, Господа славы и Владыки всяческих! Тобою Царь царствующих и Господь господствующих прииде и на земли нам явися. Ты убо Божие милосердие воплощенное. Ты Мати Света и Живота сущи, якоже некогда во чреве Твоем носила еси Его и на объятиих Твоих имела еси Младенца Слово Превечное, Бога, тако и всегда Того с Собою имаши. Сего ради мы по Бозе к Тебе прибегаем, яко к нерушимей стене и предстательству: призри благосердием, всепетая Богородице, на лютое озлобление наше и исцели душ и телес наших болезни: отжени от нас всякаго врага и супостата, избави от глада, мора, от язвы, от вод многих и воздухов тлетворных, и от смерти внезапныя; и якоже три отроки в пещи вавилонстей, сохрани и соблюди нас, да якоже древле людем Божиим, тако будут вся благая нам чтущим Тя; врази же и вси ненавидящии нас да постыдятся и посрамятся, и уразумеют вси, яко с Тобою Господь, о Владычице, и Тобою с нами Бог. Во дни осени нас сению благодати Твоея, во тьме же нощней просвети светом свыше, всем полезная устрояющи: преложи горесть нашу во сладость и слезы утри согрешивших и бедствующих раб Твоих, исполняющи коегождо прошения вся во благо; вся бо можеши, елика хощеши Ты, Мати Слова и Живота. Тебе Отец венча Дщерь, Сын Матерь Деву, Дух Святый Невесту, да царствуеши яко царица, предстоящи одесную Святыя Троицы, и милуеши нас якоже хощеши, ныне и присно и во веки веков. Аминь.

Молитва вторая
О, Пресвятая и Преблагословенная Мати Сладчайшаго Господа нашего Иисуса Христа! Припадаем и поклоняемся Тебе пред святою и пречестною иконою Твоею, еюже дивны и преславны чудеса содеваеши, от огненнаго запаления и молниеноснаго громе жилища наша спасавши, недужныя исцеляеши и всякое благое прошение наше во благо исполняеши. Смиренно молим Тя, всесильная рода нашего Заступнице, сподоби ны немощныя и грешныя Твоего Матерняго участия и благопопечения. Спаси и сохрани, Владычице, под кровом милости Твоея Церковь Святую, обитель сию, всю страну нашу православную, и вся ны припадающия к Тебе с верою и любовию, и умиленно просящия со слезами Твоего заступления. Ей, Госпоже Всемилостивая, умилосердися на нас, обуреваемых грехами многими и не имущих дерзновения ко Христу Господу, просити Его о помиловании и прощении, но Тебе предлагаем к Нему на умоление Матерь Его по плоти: Ты же, Всеблагая, простри к Нему Богоприимнии руце Твои и предстательствуй за нас пред Благостию Его, просяще нам прощения прегрешений наших, благочестнаго мирнаго жития, благия христианския кончины, и добраго ответа на страшнем Суде Его. В час же грознаго посещения Божия, егда огнем возгорятся домы наша, или молниеносным громом устрашаеми будем, яви нам милостивное Твое заступление и державное вспоможение: да спасаеми всесильными Твоими ко Господу молитвами временнаго наказания Божия зде избегнем и вечное блаженство райское тамо унаследуем: и со всеми святыми воспоем Пречестное и Великолепное Имя поклоняемые Троицы, Отца и Сына и Святаго Духа, и Твое велие к нам милосердие, во веки веков. Аминь.

Молитва третья
О, Пресвятая Дево, Мати Господа Вышняго, Заступнице и Покровительнице всех, к Тебе прибегающих! Призри с высоты святыя Своея на мя грешнаго, припадающаго к чудотворному лику Твоему: услыши мою смиренную молитву и принеси ю пред возлюбленнаго Сына Твоего, Господа нашего Иисуса Христа: умоли Его, да просветит мрачную мою душу светом Божественныя благодати Своея, да избавит мя от всякия нужды, скорби и болезни, да ниспослет мне тихое и мирное житие, здравие телесное и душевное, да успокоит страждущее сердце мое и исцелит раны его, да вразумит мя на добрыя дела, очистит ум мой от помышлений суетных, наставит мя ко исполнению заповедей Своих, избавит от вечныя муки и не лишит Своего Небеснаго Царствия. О, Пресвятая Богородице, Ты — “всех скорбящих Радосте”, услыши и мя скорбнаго. Ты, — именуемая — “Утоление печали”, утоли и мою печаль. Ты — “Купина неопалимая”, сохрани мир и всех нас от вредоносных, огненных стрел врага. Ты — “Взыскание погибших”, не попусти и мне погибнуть в бездне грехов моих. На Тя по Бозе вся моя надежда и упование! Буди мне Покровительницею в жизни временной и вечной и Ходатаицею пред возлюбленным Сыном Твоим, Господом нашим, Иисусом Христом. Научи мя служити Ему с верою и любовию и благоговейно чтити Тебе, Пресвятая Мати Божия, Преблагословенная Марие! Твоим святым молитвам вручаю себе до скончания дней моих. Аминь.

Молитва четвертая
О, Пресвятая Дево Мати Господа, Царице Небесе и земли! Вонми многоболезненному воздыханию души нашея, призри с высоты святыя Твоея на нас, с верою и любовию поклоняющихся пречистому образу Твоему. Се бо грехми погружаемии и скорбями обуреваемии, взирая на Твой образ, яко живей Ти сущей с нами, приносим смиренныя моления наша. Не имамы бо ни иныя помощи, ни инаго предстательства, ни утешения, токмо Тебе, о, Мати всех скорбящих и обремененных. Помози нам немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину, и на страшнем суде Сына Твоего явися нам милосердия заступница, да всегда поем, величаем и славим Тя, яко благую Заступницу рода христианского, со всеми угодившими Богу. Аминь. О, Мати Божия Неопалимая Купина, заступи мя от людской напасти, от панской карности, от неугасимого огня, от наглой смерти, от вечной муки и скрой ризой Своей Небесной мя. Аминь.

Тропарь Пресвятой Богородице, именуемой “Неопалимая Купина”

Тропарь, глас 4
Иже в купине, огнем горящей и несгораемой, показавый Моисеови Пречистую Твою Матерь, Христе Боже, огнь Божества неопальне во чреве приимшую, и нетленну по Рождестве пребывшую: Тоя молитвами пламене страстей избави нас, и от огненных запалений град Твой сохрани, яко Многомилостив.

ИН ТРОПАРЬ
Во огни купины неопалимыя, древле Моисеем виденныя, тайну воплощения Своего от Неискусобрачныя Девы Марии прообразовавый. Той и ныне, яко чудес Творец и всея твари Создатель, икону Ея святую чудесы многими прослави, даровав ю верным во исцеление недугом и в защищение от огненнаго запаления. Сего ради вопием Преблагословенней: Надеждо христиан, от лютых бед, огня и грома избави на Тя уповающия, и спаси души наша, яко Милосерда.

КОНДАК, ГЛАС 8
Предочистим чувствия душ и телес наших, да видим таинство Божественное, образно явленное древле великому во пророцех Моисею купиною, горевшею огнем и не сгоравшею, в нейже Твоего безсеменнаго Рождества, Богородице, предвозвещение исповедуем и, благоговейно покланяющеся Тебе и Рождшемуся от Тебе Спасу нашему, со страхом вопием: радуйся, Владычице, Покрове, и Прибежище, и Спасение душ наших.

ВЕЛИЧАНИЕ
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.


Молитвы святых. Святые угодники. Иконы.

Иные Православные молитвы и иконы:


... Добавить сайт в закладки ... Ctrl+D


Молитвы в продолжении дня
Молитвы Пресвятой Богородице именуемой Спасительница утопающих
Молитва к Пресвятой Богородице перед Ея иконой именуемой Млекопитательница
Молитва святому преподобному Мартиниану
Молитвы благоверному царевичу Димитрию Угличскому и Московскому
Молитва перед Смоленской иконой Пресвятой Богородицы именуемой Смоленская Одигитрия
Молитва преподобному Герману Соловецкому
Молитвы Савватию и Герману Соловецким Чудотворцам
Молитва святой мученице княгине Людмиле
Молитва преподобному Дамиану пресвитеру целебнику Печерскому
Молитва Мученику Лонгину Сотнику
Молитвы святым семи отрокам Ефесским
Молитва ко святому великомученику Мине
Икона Божьей Матери "Неувядаемый Цвет". Молитва Божией Матери перед Ея иконой Неувядаемый Цвет.
Икона Божией Матери, именуемая "Всецарица". Молитва Божией Матери пред Ея иконой Всецарица.

Возможно вас это заинтересует, далее:


12 марта. Житие святого отца нашего Феофана исповедника; Житие во святых отца нашего Григория Двоеслова, папы Римского; Память праведного Финееса;
24 апреля. Память преподобного отца нашего Фомы юродивого; Память святого мученика Саввы Стратилата и с ним семидесяти воинов; Память преподобной матери нашей Елисаветы чудотворицы; Страдание святых мучеников Пасикрата и Валентина; Страдание свв. мучеников Евсевия, Неона, Леонтия, Лонгина и прочих с ними;
12 мая. Житие святого отца нашего Германа, архиепископа Константинопольского; Память святого отца нашего Савина, епископа кипрского; Память святого отца нашего Полувия, епископа Ринокирского; Житие святого отца нашего Епифания, архиепископа Кипрского;
21 мая. Житие св. равноапостольного царя Константина и святой матери его Елены; Память святого благоверного князя Константина и чад его: Михаила и Феодора, муромских чудотворцев;
9 августа. Страдание святого Апостола Матфия; Страдание святого мученика Антония; Память святых мучеников Иулиана, Маркиана и прочих, пострадавших с ними за иконы;
26 августа. Страдание святых мучеников Адриана и Наталии; Празднество в честь сретения Владимирской иконы Божией Матери;
27 октября. Страдание святого мученика Нестора; Житие преподобного Нестора летописца; Память святых мучениц Капетолины и Еротииды;
Собор 70-ти апостолов. Преподобный Феоктист. Мученик Зосима. Преподобный Евфимий. 17 января.
Священномученик Климент. Собор Костромских святых. Преподобный Геннадий Костромской. 5 февраля.
Рождество Предтечи и Крестителя Иоанна. Преподобный Антоний Дымский. 7 июля.
Семь отроков ефесских. Мученик Елевферий. Преподобномученица Евдокия. 17 августа.
Моисей Мурин. Преподобный Иов Почаевский. Преподобный Савва Крыпецкий. 10 сентября.
Пророк Ветхого Завета Моисей. икона Пресвятой Богородицы Неопалимая Купина. Священномученик Вавила. Мученик Вавила Никомидийский. Мученица Ермиония. Святитель Иоасаф. 17 сентября.
Великомученик Артемий. Житие святого праведного отрока Артемия, Веркольского чудотворца. 2 ноября.
Девять заповедей блаженства
Святые Ангелы. Ангел хранитель.
Cтрастная неделя: Неделя от Вербного Воскресенья до Пасхи

Далее: Весь православный раздел ...


^Наверх