Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитва святому праведному Филарету Милостивому

Молитва святому праведному Филарету Милостивому.

Праведный Филарет Милостивый

Праведный Филарет Милостивый

Молитва святому праведному Филарету Милостивому

О, предивне избранниче Божий, Филарете Милостивый! Амнии прещедрый хлебодателю, Православия светильниче, Господа Бога рабе благий и верный! Ты бо всем сердцем евангельски Христу последовавый и данный тебе талант премудре умноживый: сирых и убогих одеявый и напитавый; странных и нищих в дом свой введый, в скорбех и печалех сущих утешивый, умерших и на стогнах поверженных гробу предавый; всем всячески послуживый, и тако веру свою в делах показал еси. Ей, святый угодниче Божий, не npезри нас, печальми житейскими изнываемых и страстми греховными обуреваемых. Во вся дни уныние и малодушие колеблют нашу веру, жестокосердие и озлобление снедают сердца наша и охлаждают любовь нашу; честолюбие же и нетерпение растлевают души наша, и тако, аки нищии, в делах благих обнщахом. Ты же, Отче праведный, милосердствуя о нас, умоли Христа Бога, да обогатит сердца наша Духом Своим Святым, исцелит душевныя и телесныя недуги наша, и, аки ниву жаждущую, напоит нас щедротами человеколюбия Своего; да вере, долготерпению и милосердию твоему подражающе, во благочестии и чистоте поживем вся дни живота нашего. Еще молим тя, преблаженне, егда приспеет жития нашего отшествие, к покаянию нелицемерному нас подвигни, да Христу Спасителю нашему чрез святыя Его Таинства приобщимся и наследники Царствия Небеснаго будем, идеже в радости святых и Ангелов сподобимся и мы покланятися и воспевати Трисвятое Имя: Отца, и Сына, и Святаго Духа, во веки веков. Аминь!

Молитва 2

Боже святый и во святых почиваяй, трисвятым гласом на небеси от ангел воспеваемый, на земли от человек во святых Своих хвалимый, давый Святым Твоим Духом коемуждо благодать по мере дарования Христова, и тою поставивый Церкви Твоей Святей овы апостолы, овы пророки, овы же благовестники, овы пастыри и учители, ихже словом проповеди, Тебе Самому действующему вся во всех, мнози совершишася святии в коемждо роде и роде, различными благодетельми благоугодившии Тебе, и к Тебе, нам образ добрых подвигов своих оставивше, в радости прешедший, готови, в немже сами искушсни быша, и нам напаствуемым помогати. Сих святых всех и святого праведного Филарета воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, житию, любви, вере, долготерпению, и их молитвенною помощию, паче же Твоею вседействующею благодатию, небесныя с ними сподобитися славы, хваляще Пресвятое имя Твое, Отца и Сына и Святаго Духа во веки. Аминь.

Молитва 3

О, преблаженнии угодницы Божии, вси святии, предстоящии Престолу Пресвятыя Троицы и наслаждающиися неизреченнаго блаженства! Се ныне, в день общаго вашего торжества, милостивно призрите на нас, меньших братии ваших, приносящих вам сие хвалебное пение, и ходатайством вашим просящих милости и отпущения грехов у Преблагаго Господа; вемы бо, воистину вемы, яко вся, елика восхощете, испросити у Него можете. Темже убо смиренно молимся вам, и святому праведному Филарету, молите Милостиваго Владыку, да подаст нам дух вашея ревности к хранению святых Его заповедей, яко, да текше по стопам вашим, возможем земное поприще в добродетельном житии без порока прейти, и в покаянии достигнути преславных селений райских, и тамо купно с вами прославляти Отца и Сына и Святаго Духа, во веки веков. Аминь!

Молитва 4

К вам, о святии вси и святый праведный Филарете, яко путеводным светильникам, деяньми своими осветившим путь небеснаго восхода, аз многогрешный смиренно колена сердца моего преклоняю и из глубины души взываю: умолите о мне Человеколюбца Бога, да не попустит ми еще блуждати по распутиям греха, но да просветит мой ум и сердце светом благодати Своея, яко да тою озаряем и подкрепляем, возмогу прочее время земнаго жития правою стезею нспреткновенно преити и ходатайством вашим к Преблагому Господу сподоблюся, поне вмале причастник быти духовныя вашея трапезы в небесном чертозе Царя славы. Емуже со Безначальным Его Отцем и Пресвятым, Благим и Животворящим Духом буди слава, честь и поклонение во веки веков. Аминь.

Молитва 5

О, святый угодниче Божий праведный Филарете, подвигом добрым подвизался на земли, восприял еси на небесех венец правды, егоже уготовал еси Господь всем любящим Его; темже взирающе на святую икону твою, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Тропарь святому праведному Филарету Милостивому

Тропарь, глас 8:

В терпении твоем стяжал еси мзду свою, праведне, и в заповедех Господних совершенне пожил, нищих возлюбил и сих удоволил еси, но молися Христу Богу, блаженне, спастися душам нашим.
Ин тропарь, глас 4:
Аврааму в вере подражая, Иову же в терпении последуя, отче Филарете, благая земли разделял еси неимущым, и лишение сих терпел еси мужественне. Сего ради светлым тя венцем увенча Подвигоположник Христос Бог наш, Егоже моли спастися душам нашим.

Кондак, глас 3:

Истинно всеизрядная твоя купля зрится, и мудрою быти судится всеми благомудрствующими: отдал бо еси дольняя и кратковременная, взыскуя Горних и Вечных. Темже и достойно стяжал еси вечную славу, милостиве Филарете.

Стихира

Благотворяй от Бога есть, глаголет Богослов, и ты убо от Бога еси, милостиве Филарете. Якоже бо Божие есть, тако и твое бысть дело, еже благодеяти, Того убо по естеству, твое же по причастию.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


Архангелы наши покровители. О святых Архангелах. Молитвы Архангелам на каждый день
Молитва пресвятой Богородице именуемой Неопалимая Купина
Молитвы святителю и чудотворцу Николаю архиепископу Мир Ликийских
Молитва Святителю Модесту патриарху Иерусалимскому
Молитвы священномученику Власию Севастийскому
Молитвы благоверному царевичу Димитрию Угличскому и Московскому
Молитва святому преподобному Галактиону Вологодскому чудотворцу
Молитва святому преподобному Роману Сладкопевцу
Святой чудотворец Алексий Молитвы святителю Московскому чудотворцу
Молитвы святителю Иоанну Златоустому архиепископу Константина града
Икона Божией Матери, именуемая "Трех радостей". Молитва к Пресвятой Богородице перед Ея иконой именуемой Трех Радостей.
Иверская икона Божией Матери. Молитвы к Пресвятой Богородице перед Ея иконой именуемой Иверская.
Икона Пресвятой Богородицы, именуемая “Муромской”. Молитва к Пресвятой Богородице перед Ея иконой именуемой Муромская.
Молитва Господу Богу о спасении и сохранении РОССИИ
Молитва Господу Богу о восстановлении самодержавнаго царства русскаго

Возможно вас это заинтересует, далее:


Июль. Жития святых по изложению святителя Димитрия Ростовского
25 февраля. Житие святого отца нашего Тарасия, архиепископа Константинопольского;
21 апреля. Страдания святого священномученика Иануария; Страдание святого мученика Феодора; Память святых мучеников Исакия, Аполлоса и Кодрата;
1 июня. Житие и страдание святого мученика Иустина Философа; Страдание святого мученика Иустина и дружины его; Житие преподобного отца нашего Агапита Печерского, безмездного врача; Память преподобного отца нашего Дионисия, игумена Глушицкого, нового чудотворца;
11 августа. Житие преподобных отец наших Феодора и Василия, иноков Киево-Печерских; Страдание святой мученицы Сосанны девы и иных с нею мучеников; Память святого мученика Евпла диакона;
8 ноября. Собор святого Архистратига Михаила и прочих небесных сил бесплотных;
3 декабря. Память святого пророка Софонии; Житие преподобного отца нашего Иоанна Молчальника; Преставление преподобного Саввы Сторожевского;
Рождество Христово. Святки. 7 января.
День святой мученицы Татианы. Святитель Савва, архиепископ Сербский. Преподобный Мартиниан. Преподобный Галактион. 25 января.
Святитель Григорий Двоеслов. Преподобный Симеон Новый Богослов. Преподобный исповедник Феофан Сигрианский. 25 марта.
День памяти Преподобного Илариона. Преподобномученик Евстратий Печерский. 10 апреля.
Преподобный Иосиф Песнописец. Преподобный Зосима Палестинский. 17 апреля.
Преподобный Ферапонт Белозерский. Преподобный Нил Столобенский. Святой Иоанн Русский. Память преподобного Ферапонта Монзенского. 9 июня.
Икона в доме, в офисе. Домашний иконостас
Православный молитвослов. Молитвы утренние
Молитвы святым равноапостольным Мефодию и Кириллу учителем словенским
Молитвы блаженному Василию Христа ради юродивому Московскому чудотворцу

Далее: Весь православный раздел ...


^Наверх