Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Чудотворные иконы Божьей матери --> Молитвы к Пресвятой Богородице перед Ея иконой, именуемой “Феодоровская”

Молитвы к Пресвятой Богородице перед Ея иконой, именуемой “Феодоровская”.

Феодоровская икона Божией Матери

Феодоровская икона Божией Матери

Молитвы к Пресвятой Богородице перед Ея иконой, именуемой “Феодоровская”

Молитва первая
О, Пресвятая Владычице Богородице и Приснодево, Марие, единая надеждо нам грешным! К Тебе прибегаем и Тебе молим, яко велие имаши дерзновение пред рождшимся от Тебе по плоти Господем Богом и Спасителем нашим Иисусом Христом. Не презри слез наших, не возгнушайся воздыханий наших, не отрини скорби нашея, не посрами упования нашего на Тя, но Матерними молении Твоими умоли Господа Бога, да сподобит нас грешных и недостойных свободитися от грехов и страстей душевных и телесных, умрети миру и жити Ему единому по вся дни живота нашего. О Пресвятая Владычице Богородице, путешествующим спутешествуй и ограждай и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное, и даруй всем вся потребная к животу, благочестию и жизни временней. Спаси, Владычице, вся страны и грады и сию страну и сей град, имже сия чудотворная и святая икона Твоя дадеся во утешение и ограждение, избави я от глада, губительства, труса, потопа, огня, меча, нашествия иноплеменных, междоусобныя брани, и отврати всякий гнев на ны праведно движимый. Даруй нам время на покаяние и обращение, избави нас от внезапныя смерти, и во время исхода нашего предстани нам явльшися, Дево Богородице, и избави нас от воздушных мытарств, князей века сего, сподоби на Страшнем Судищи Христовем стати одесную, и соделай нас наследники вечных благ, да славим вовеки великолепое имя Сына Твоего и Бога нашего со Безначальным Его Отцем и Святым и Благим и Животворящим Его Духом, ныне и присно и во веки веков. Аминь.
Молитва вторая
О Премилосердая Госпоже, Царице Богородице, приими смиренное моление наше, и не отрини нас, Заступление и Прибежище наше, и не возгнушайся нас, недостойных, но яко Милосердая, не престани молящи, Егоже родила еси, да дарует нам прощение многих согрешений наших, да спасет нас имиже весть судьбами. Помилуй нас, Владычице, помилуй нас, несть бо нам спасения от дел. Темже верно вопием Ти: помилуй рабы Твоя, и неплодное сердце наше покажи плодоносно благих дел. Призри на нас недостойных. Ты бо упование и покров наш, жизнь и свет сердцу нашему. Яко Невечерний Свет от чрева Твоего воздвигшая, озари душу нашу, Чистая, и отжени всяку мглу сердца нашего. Даруй нам умиление, покаяние и сокрушение сердечное. Сподоби нас по вся дни живота нашего творити волю Сына Твоего и Бога нашего и во всем благоугождати Ему единому. О Богомати, не престани молящи Рождшагося от Тебе за вся притекающия с верою к сему чудотворному образу Твоему и подавай им скорую помощь и утешение в скорбех, и напастех, и злостраданиих, избави их от клеветы и злобы человеческия, от враг видимых и невидимых, и всякия нужды и печали. Спаси отечество наше, град сей и вся грады и страны от всяких бед и нужд, и сотвори милостива нам быти Бога нашего, отврати всякий гнев Его на ны движимый и избави ны от належащаго и праведнаго Его прещения. О Боголюбивая Владычице, Ангелов украшение, мучеников славо и всех святых радосте, с ними моли Господа, да сподобит нас в покаянии скончати живота нашего течение. В смерти же час, Пресвятая Дево, избави нас от власти бесовския и осуждения, и ответа, и страшнаго испытания, и мытарств горьких, и огня вечнаго, да, сподобльшеся славнаго Царствия Божия, величаем Тя и славим воплощшагося от Тебе Христа Бога нашего, Емуже слава со Отцем и Святым Духом, ныне и присно и во веки веков. Аминь.
Молитва третья
К кому воззову, Владычице; к кому прибегну в печали моей; к кому привнесу слезы и воздыхания моя, аще не к Тебе, Царице Небесе и земли. Кто исторгнет мя из тины грехов и беззаконий, аще не Ты, о Мати Живота, Заступнице и Прибежище рода человеческаго. Услыши стенание мое, утеши мя и помилуй в горести моей, защити в бедах и напастех, избави от озлоблении и скорбей и всяких недугов и болезней, от враг видимых и невидимых, умири вражду стужающих мне, да избавлен буду от клеветы и злобы человеческим; такождь от своея ми плоти гнусных обычаев свободи мя. Укрый мя под сению милости Твоя, да обрящу покой и радость и от грехов очищение. Твоему Матернему заступлению себе вручаю: буди мне Мати и Надежда, Покров и Помощь и Заступление, радость и утешение и скорая во всем Помощница. О, чудная Владычице! Всяк притекаяй к Тебе, без Твоея всесильныя помощи не отходит: сего ради и аз недостойный к Тебе прибегаю, да избавлен буду от внезапныя и лютыя смерти, скрежета зубнаго и вечнаго мучения. Небесное же Царствие получити сподоблюся и Тебе во умилении сердца реку: радуйся, Мати Божия, Предстательнице и Заступнице наша усердная, во веки веков. Аминь.

Тропарь Пресвятой Богородице перед Ея иконой, именуемой “Феодоровская”

Тропарь, глас 4
Присшествием честныя твоея иконы, Богоотроковице, обрадованный днесь богохранимый град Кострома, якоже древний Израиль к кивоту завета, притекает к изображению лица Твоего и воплотившагося от Тебе Бога нашего, да Твоим матерним к Нему предстательством присно ходатайствуеши всем, под сень крова Твоего прибегающим, мир и велию милость.
Тропарь, глас 4
Днесь светло красуется преименитый град Кострома и вся Русская страна, созывающи к веселию вся боголюбивыя народы христианския, на преславное торжество Божия Матере, пришествия ради чудотворнаго Ея и многоцелебнаго образа, днесь бо явися нам пресветлое великое солнце, приидите, вси Богоизбраннии людие, новый Израиль, ко источнику цельбоносному, источает бо нам неоскудныя милости Пресвятая Богородица и избавляет вся грады и страны христианския невредимы от всех навет вражиих. Но, о Всемилостивая Госпоже, Дево Богородице, Владычице, спаси страну нашу, и архиереи, и вся люди Твоего достояния от всех бед по велицей Твоей милости, да зовем Ти: радуйся, Дево, Христианом похвало.


Молитвы святых. Святые угодники. Иконы.

Иные Православные молитвы и иконы:


... Добавить сайт в закладки ... Ctrl+D


Дни особого поминовения усопшего. Поминальные дни. Молитва о усопших
Молитвы в продолжении дня
Девять заповедей блаженства
Молитва святому праведному Филарету Милостивому
Молитвы святому праведному отцу Иоанну Кронштадтскому
Молитва святому великомученику Феодору Тирону
Молитвы епископу Тихону Воронежскому чудотворцу
Молитвы святителю Гурию архиепископу Казанскому и святителю Варсонофию епископу Тверскому чудотворцу
Святой чудотворец Алексий Молитвы святителю Московскому чудотворцу
Молитва святым мученикам Галактиону и Епистимии
Молитва Пресвятой Богородице перед Ея иконой именуемой Знамение
Козельщанская икона Божией Матери. Молитва иконе Божией Матери Козельщанская.
Икона Божией Матери “Живоносный Источник”. Молитва перед иконой Пресвятой Богородицы именуемой Живоносный источник.
Икона Божией Матери, именуемая "Призри на смирение". Молитва Пресвятой Богородице перед Ея иконой именуемой Призри на смирение.
Молитва Господу Богу о спасении и сохранении РОССИИ

Возможно вас это заинтересует, далее:


Ноябрь. Жития святых по изложению святителя Димитрия Ростовского
3 февраля. Память святого и праведного Симеона Богоприимца; Память святого мученика Власия; Память святых мучеников Адриана и Еввула; Житие святого благоверного князя Романа, Угличского чудотворца; Память святого пророка Азарии; Страдание святых мучеников Папия, Диодора и Клавдиана;
22 марта. Страдание святого священномученика Василия, пресвитера Анкирского; Память святой мученицы Дросиды;
4 апреля. Память преподобного отца нашего Иосифа, песнописца и творца канонов; Страдание святой мученицы Фервуфы; Память преподобного Зосимы;
15 мая. Житие преподобного отца нашего Пахомия Великого; Память преподобного отца нашего Евфросина, Псковского чудотворца; Память преподобного отца нашего Ахиллия, епископа Ларисийского;
10 июня. Житие святого отца нашего Вассиана, епископа Лодийского; Память преподобного Феофана; Память святого священномученика Тимофея, епископа Прусского; Страдание святых мучеников Александра и Антонины;
6 июля. Память преподобного отца нашего Сисоя Великого; Страдание святой мученицы Лукии девицы и с нею Рикса и других; Страдание святого мученика Коинта; Страдание святых мучеников Марина, Марфы, Авдифакса, Аввакума, Кирика, Валентина пресвитера, Астерия и многих других;
22 октября. Память святого равноапостольного Аверкия, епископа Иерапольского; Память святых мучеников Александра епископа, Ираклия воина и четырех жен: Анны, Елисаветы, Феодотии и Гликерии; Память преподобных Феодора и Павла Ростовских, основателей Борисоглебского монастыря;
Преподобный Прокопий. Святой мученик Феодор Тирон. 12 марта.
Священномученика Поликарпа, епископа Смирнского. Преподобный Поликарп Брянский. 8 марта.
Преподобный Исаакий Исповедник. 12 июня.
Происхождение древ Животворящего Креста Господня. Успенский пост. 14 августа.
Архангелы наши покровители. О святых Архангелах. Молитвы Архангелам на каждый день
Молитвы святым сорока мученикам Севастийским
Молитва святой преподобной Марии Египетской
Молитвы святым мученицам Вере Надежде Любови и матери их Софии
Молитва святому преподобному Галактиону Вологодскому чудотворцу

Далее: Весь православный раздел ...


^Наверх