Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитвы преподобным и богоносным отцем нашим Зосиме, Савватию и Герману, Соловецким Чудотворцам

Молитвы преподобным и богоносным отцем нашим Зосиме, Савватию и Герману, Соловецким Чудотворцам.

Преподобные Соловецкие чудотворцы Зосима, Герман и Савватий.

Преподобные Соловецкие чудотворцы Зосима, Герман и Савватий.

Молитвы преподобным и богоносным отцем нашим Зосиме, Савватию и Герману, Соловецким Чудотворцам

Молитва
О Преподобнии и богоноснии отцы наши Зосимо, Савватие и Германе, земнии ангели и небеснии человецы, ближнии друзи Христовы и угодницы Божии, обители вашея славо и украшение, всея же северныя страны, паче и всего православнаго отечества нашего необоримая стено и великое заступление! Се мы, недостойнии и многогрешнии, с благоговейною любовию ко святым мощем вашим припадающе, духом сокрушенным и смиренным прилежно молим вас: молите непрестанно благосердаго Владыку и Господа нашего Иисуса Христа, яко дерзновение велие к Тому имущии, да не отступит от нас Его вседействующая благодать, покров же и заступление Пресвятыя Владычицы нашея Богородицы на месте сем да пребудет, и да не оскудеют никогдаже истиннии ревнители ангельскаго жития во святей обители сей, идеже вы, богоноснии отцы и начальницы, безмерными труды и пощеньми, токи же слезными и всенощными бдении, непрестанными молитвами и моленьми начало иноческому житию положисте. Ей, угодницы святии, молитвенницы к Богу благоприятнейшии, теплыми вашими к Нему мольбами оградите и сохраните ны и святое селение сие ваше от труса, потопа, огня и меча, нашествия иноплеменных и смертоносныя язвы, от вражды и всяких нестроений, от всякия беды и скорби и от всякаго зла: да непрестанно на месте сем, в мире и безмолвии, благочестно славится Пресвятое имя Господа и Бога, и обретают вечное спасение ищущие Его. О преблаженнии отцы наши, Зосимо, Савватие и Германе! Услышите ны грешныя, во святей обители вашей и под кровом вашего защищения недостойно жительствующия, и благомощными вашими к Богу ходатайствы испросите душам нашым грехов оставление, жития исправление и вечных благ восприятие в Небеснем Царствии: всем же верующим, иже на всяком месте и во всякой нужде призывают вас в помощь и заступление, и иже с благоговейною любовию во обитель вашу притекают, не престаните изливати всякую благодать и милость, сохраняюще их от всякия сопротивныя силы, от всякия напасти и от всякаго злаго обстояния, и подающе им вся потребная к душевней и телесней пользе. Наипаче же молите премилосердаго Бога, да утвердит и укрепит Церковь Свою святую и все наше православное Отечество в мире и тишине, в любви и единомыслии, в правоверии и благочестии да сохранит и соблюдет во веки веков. Аминь.

Святым преподобным Зосиме и Савватию, Соловецким

Молитва 1-Я
О, преподобнии отцы, велицыи заступницы и скории услышателие молитв, угодницы Божии и чудотворцы Зосимо и Савватие!
Не забудите, яко обещастеся, посещати чада ваша. Аще бо и отыдосте от нас телом, но духом присно с нами пребываете. Молим убо вас, о преподобнии: избавите ны от огня и меча, от нашествия иноплемеников и междоусобныя брани, от тлетворных ветров и от внезапныя смерти и от всех прилог бесовских, находящих на ны.
Услышите нас грешных, и приимите молитву сию и моление наше, яко кадило благовонное, яко жертву благоугодную, и души наша, злыми делы и советы и помыслы умерщвленныя, оживите. И якоже умершую отроковицу возстависте, и неисцельныя раны многих исцелисте, и от духов нечистых зле мучимыя избависте, тако и нас, содержимых во узах вражиих, изъимите, и от сетей диавола избавите, из глубины прегрешений изведите, и милостивым вашим посещением и ходатайством от враг видимых и невидимых оградите ны, благодатию и силою Пресвятыя Троицы, всегда, ныне и присно и во веки веков. Аминь.

Молитва 2-Я
О, преподобнии и Богоноснии отцы наши Зосимо и Савватие, земнии ангели и небеснии человецы, ближнии друзи Христовы и угодницы Божии, слава и украшение вашея обители необоримая стена и великое заступление северныя страны, и всего православнаго отечества нашего. Мы, недостойнии и многогрешнии, с благоговейною любовию припадаем к честной иконе вашей и духом сокрушенным и смиренным прилежно молим вы: молите непрестанно благоутробнаго Владыку и Господа нашего Иисуса Христа, яко имущии к Нему дерзновение велие, да не отступит от нас Его вседействующая благодать, покров же и заступление Пресвятыя Владычицы нашея Богородицы от места сего, и да не оскудеют никогдаже истиннии ревнителие ангельскаго жития во святей обители сей, идеже вы, Богоноснии отцы и начальницы, безмерными труды и пощенми, токи слезными и всенощными бдении, непрестанными молитвами и моленми положисте начало иноческому житию.
Ей, угодницы святии, молитвенницы к Богу благоприятнейшии, теплыми вашими к Нему мольбами, оградите и сохраните ны и святое селение сие ваше от труса, потопа, огня и меча, нашествия иноплеменных и смертоносныя язвы, от вражды и всяких нестроений, от всякия беды и скорби и от всякаго зла, да выну на месте сем, в мире и безмолвии, благочестно славится Пресвятое имя Господа и Бога, и обретают вечное спасение ищущии Его. О, преблаженнии отцы наш Зосимо и Савватие! Услышите ны грешныя, под кровом вашего защищения недостойно жительствующия, и благомощными вашими к Богу ходатайствы, испросите душам нашим грехов оставление, жития исправление и вечных благ восприятие в Небеснем Царствии; всем же верующим, иже на всяком месте и во всякой нужде призывают вас в помощь и заступление, и иже с благоговейною любовию притекают во обитель вашу, не престаните изливати всякую благодать и милость, сохраняюще их от всякия сопротивныя силы, от всякия напасти и от всякаго злаго обстояния, и подающе им вся потребная к душевней и телеснея пользе. Наипаче же молите Премилосердаго Бога, да утвердит и укрепит Церковь Свою Святую, и все наше православное отечество в мире и тишине, в любви и единомыслии, во правоверии и благочестии да сохранит и соблюдет во веки веков. Аминь.

ТРОПАРЬ ПРЕПОДОБНЫМ, ГЛАС 4
Постническое и равноангельское житие ваше, преподобнии отцы Зосимо и Савватие, вселенней познаны сотвори вас, чудодеянии различными, Богоноснии, просвещаете верою призывающия вы и чтущия честную память вашу.

ИН ТРОПАРЬ ПРЕПОДОБНЫМ, ГЛАС 8
Яко светильницы явистеся всесветлии, во отоце окиана моря, преподобнии отцы Зосимо и Савватие, вы бо, крест Христов на рамо вземше, усердно Тому последовасте и, чистотою Богови приближившеся, отонудуже силами чудес обогатистеся. Темже и мы любезно притекаем к ракам честных мощей ваших и умильно глаголем: о преподобнии, молите Христа Бога спастися душам нашим.

КОНДАК, ГЛАС 2
Христовою любовию уязвившеся, преподобнии, и Того крест на рамо вземше, понесли есте, Божественне вооружившеся на невидимыя враги, и, непрестанныя молитвы, яко копие в руках, имуще, крепко победили есте бесовския ополчения; благодать Господню приемше целити недуги душ и телес притекающих к ракам честных мощей ваших, чудес лучи испущаете всюду. Тем зовем вам: радуйтеся, преподобнии отцы Зосимо и Савватие, монахов удобрение.


Молитвы святых. Святые угодники. Иконы.

Иные Православные молитвы и иконы:


... Добавить сайт в закладки ... Ctrl+D


Дни особого поминовения усопшего. Поминальные дни. Молитва о усопших
Православные молитвы на каждый день.
Чудотворные иконы на каждый день
Молитвы святому мученику Вонифатию
Молитвы преподобному Серафиму, Саровскому чудотворцу
Молитвы Святителю Иулиану Кеноманийскому
Молитва святым мученикам Флору и Лавру
Молитва преподобномученику Афанасию Игумену Брестскому
Молитвы святителю Димитрию Ростовскому
Молитва Святителю Мартину Милостивому Молитва форумиста
Молитвы святому великомученику Димитрию Солунскому
Молитвы святой мученице Параскеве Пятнице
Молитвы к Пресвятой Богородице перед Ея иконой именуемой Скоропослушница
Акафист всем иконам Божьей Матери. Молитва Божьей Матери.
Икона Пресвятой Богородицы, именуемая “Муромской”. Молитва к Пресвятой Богородице перед Ея иконой именуемой Муромская.

Возможно вас это заинтересует, далее:


29 января. Перенесение мощей святого священномученика Игнатия Богоносца, Житие преподобного отца нашего Лаврентия затворника Печерского, Память святых мучеников Сильвана епископа Луки диакона и Мокия чтеца, Память святых мучеников Романа Иакова Филофея Иперихия Авива Иулиана Паригория,
24 марта. Память во святых отца нашего Артемона, епископа Селевкийского; Память преподобного отца нашего Иакова Исповедника; Воспоминание о чуде, бывшем в Печерском монастыре;
9 мая. Житие святого пророка Исаии; Страдание святого мученика Христофора; Сказание о перенесении мощей святителя Николая, архиеп. Мирликийского;
27 июня. Житие преподобного отца нашего Сампсона странноприимца; Память святого Севира;
29 июля. Страдание святой мученицы девицы Серафимы; Страдание святого мученика Каллиника;
14 декабря. Страдание святых мучеников Фирса, Левкия, Каллиника, Филимона, Аполлония и прочих с ними;
24 декабря. Житие и страдание святой преподобномученицы Евгении; Память преподобного Николая монаха;
Священномученик Климент. Собор Костромских святых. Преподобный Геннадий Костромской. 5 февраля.
Апостолы от 70-ти. Святитель Нифонт, епископ Новгородский. 21 апреля.
Княгиня Анна Кашинская, в монашестве София. Священномученик Киприан. Блаженный Андрей. 15 октября.
Святой апостол и евангелист Лука. Преподобный Иосиф Волоцкий. Преподобный Иулиан. 31 октября.
Молитва к Пресвятой Богородице Нечаянная Радость
Молитвы преподобному Онуфрию Великому пустынножителю царевичу Перскому
Молитва преподобному Дамиану пресвитеру целебнику Печерскому
Рождество Иоанна Предтечи. Иван Купала или Иванов день
Сретение Господне. Сретенье. Сретения Господа Нашего Иисуса Христа – праздник Встречи
Петров или Апостольский пост

Далее: Весь православный раздел ...


^Наверх