Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитва преподобному Агапиту Печерскому, врачу безмездному

Молитва преподобному Агапиту Печерскому, врачу безмездному.

Преподобный Агапит Печерский, врач безмездный

Преподобный Агапит Печерский, врач безмездный

Молитва преподобному Агапиту Печерскому

Молитва 1

Преподобне отче Агапите! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Молитва 2

О, священная главо, преподобне отче, преблаженне авво Агапите, не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю, не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителева предстоящи, достойно веселится. Ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Молитва преподобному Агапиту, врачу Печерскому

О всеблаженне Агапите, земный Ангеле и небесный человече! Припадаем к тебе с верою и любовию и молим ти ся прилежно: яви нам смиренным и грешным святое свое заступление; се бо грех ради наших не имамы свободны чад Божиих просити о потребах наших Господа и Владыку нашего, но тебе, молитвенника благоприятнаго, к Нему предлагаем и просим тя со усердием многим: испроси нам от благости Его благопотребная дары душам и телесем нашим, веру праву, любовь ко всем нелицемерну, в злостраданиих терпение, тяжкими болезнями одержимым — от недугов исцеление, под бременем скорбей и напастей неудобоносимых падающих и жития своего отчаявшихся твоими молитвами получити скорое облегчение и избавление.
Не забуди, блаженне отче, и обитель сию святую, присно тя чтущую, но соблюди ю и всех живущих и подвизающихся в ней и на поклонение в ню приходящих невредимыми от искушений диавольских и всякаго зла. Егда же приспеет наше от временнаго сего жития отшествие, и к вечности преселение, не лиши нас помощи твоея небесныя, но молитвами твоими всех нас приведи в пристанище спасения и наследники яви нас быти всесветлаго Царствия Христова, да поем и славим неизреченныя щедроты Человеколюбца Бога Отца и Сына и Святаго Духа и твое вкупе с преподобными Антонием и Феодосием отеческое зaступление во веки веков. Аминь.

ТРОПАРЬ, ГЛАС 5

Богоноснаго Антония ревнуя смиренномудрию, аки некиим врачевством зелием снедным исцелял еси болящия, преподобне Агапите, тем и врача неверна уверив, наставил еси на путь спасения. Уврачуй и наша болезни и молися Господеви о воспевающих тя.

КОНДАК, ГЛАС 6

Врач сый изряден, чудне, являя несумненную твою веру, обличая же армениново неверие и приводя его к благочестию, себе, близ смерти бывшу, испросил еси от Бога продолжение живота и, сим чудом того уверив, привел еси Христови. Емуже в веселии предстоя, молися о нас, преподобне.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:

Икона в доме, в офисе. Домашний иконостас
Десять заповедей Закона Божия
Молитва пресвятой Богородице именуемой Неопалимая Купина
Молитва святому преподобному Мартиниану
Молитва святой преподобной Марии Египетской
Антипа епископ Пергамский Молитвы священномученику
Молитва святителю Игнатию Брянчанинову
Молитвы благоверному царевичу Димитрию Угличскому и Московскому
Молитва святому Царю мученику Николаю
Молитва Преподобному Григорию иконописцу Печорскому
Молитвы епископу Тихону Воронежскому чудотворцу
Молитвы преподобному Сергию Радонежскому чудотворцу
Албазинская икона Божьей Матери "Слово плоть бысть". Молитва Албазинской иконе Божьей Матери Слово плоть бысть.
Икона Божией Матери "Боголюбская" (Боголюбивая). Молитва перед иконой Божией Матери Боголюбская.
Молитва Господу Богу о спасении и сохранении РОССИИ

Возможно вас это заинтересует, далее:


20 апреля. Память преподобного отца нашего Анастасия, игумена Синайской горы; Память святого Анастасия Синаита, патриарха Антиохийского; Память святого Григория, патриарха Антиохийского; Память преподобного отца нашего Феодора Трихины;
22 мая. Страданье святого мученика Василиска;
11 июля. Воспоминание о чуде святой великомученицы Евфимии Всехвальной; Преставление блаженной княгини Ольги, во святом крещении Елены; Память святого мученика Киндея;
12 июля. Страдание святых мучеников Прокла и Илария; Память преподобного отца нашего Михаила Малеина; Страдание святой мученицы Голиндухи;
14 сентября. Сказание о воздвижении честного и животворящего Креста Господня; Память святого мученика Папия;
8 октября. Житие преподобной матери нашей Пелагии; Житие преподобной Таисии; Память святой Пелагии девы;
12 декабря. Житие святого отца нашего Спиридона Тримифунтского; Память святого священномученика Александра, епископа Иерусалимского; Память святого мученика Разумника;
18 декабря. Житие и страдание святого мученика Севастиана и дружины его; Память святого Модеста, архиепископа Иерусалимского; Память святого Флора, епископа Амийского; Память преподобного Михаила Синкелла;
Преподобный Григорий. Святитель Прокл. Мученики Евстафий, Феспесий и Анатолий. Мученик Дасий. 3 декабря.
День святого мученика Вонифатия, и преподобного Илии, чудотворца Муромского. Святитель Вонифатий Милостивый, епископ Ферентийский. Преподобный Григорий. 1 января.
Мученик Евпсихий. Преподобномученик Вадим. 22 апреля.
Святые равноапостольные Мефодий и Кирилл, учители Словенские. Священномученик Мокий. Священномученик Иосиф, митрополит Астраханский. 24 мая.
Апостол и евангелист Иоанн Богослов. Преподобный Ефрем Перекопский. 9 октября.
Мученики Маркиан и Мартирий. Мученик Анастасий. 7 ноября.
Молитва мученице Фомаиде Египетской
Александр Свирский Молитва преподобному игумену
Молитвы благоверному царевичу Димитрию Угличскому и Московскому

Далее: Весь православный раздел ...


^Наверх