Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитва преподобному Иосифу Волоцкому

Молитва преподобному Иосифу Волоцкому.

Преподобный Иосиф Волоцкий

Преподобный Иосиф Волоцкий

Молитва преподобному Иосифу Волоцкому

Молитва первая

О великий наставниче, ревнителю и учителю православныя веры, святе премудре Иосифе! Приими моление нас, грешных, тебе приносимое, и теплым предстательством умоли в Троице славимаго Бога, да ниспослет богатыя Своя милости нам, грешным, да утвердит во Святой Своей Православней Церкви правую веру и благочестие: пастырем ея да подаст святую ревность о спасении словеснаго стада, яко да верующих соблюдут, неверующих же и отпадших от истинныя веры вразумят и обратят. Нам же всем испроси вся благопотребная во временнем сем житии и полезная к вечному спасению нашему. Помяни стадо твое, еже собрал еси, не забуди посещати чад твоих и, яко чадолюбивый отец, не презри, ниже отрини моления наша, но воздежи руце твои молитвеннеи ко Господу Богу, да отложит праведный гнев Свой, движимый на ны, и избавит нас от враг видимых и невидимых, от глада, потопа, меча, смертоносныя язвы, нашествия иноплеменных и междоусобныя брани. Ей, премилосердый заступниче наш, преславный чудотворче, всех нас управи в мире и покаянии скончати живот наш и преселитися со упованием в блаженная селения райская, идеже непрестанно славословится всепетое имя Отца и Сына и Святаго Духа. Аминь.

Молитва вторая

О преблаженне и приснославне отче наш Иосифе! Ведуще твое велие к Богу дерзновение и к твоему твердому заступлению прибегающе, в сокрушении сердца молим тя: озари нас светом дарованныя тебе благодати и молитвами твоими помози нам бурное море жития сего преити безмятежно и пристанища спасения неблазненно достигнути: порабощени бо суще суетными, и грехолюбиви, и немощни еже от обышедших нас зол возникнути, к кому прибегнем, аще не к тебе, явившему неоскудеваемое богатство милости в земнем житии твоем? Веруем же, яко и по отшествии твоем множайшее стяжал еси дарование милосердовати бедствующим. Темже убо, припадающе ныне к цельбоносней иконе твоей, умиленно просим тя, святче Божий: сам искушен быв, помози и нам, искушаемым; постом и бдением поправый силу демонскую, и нас от нападений вражиих защити; препитавый гладом погибающих, и нам испроси у Господа изобилие плодов земных и вся яже ко спасению потребная; посрамивый еретическая мудрования, Церковь Святую от ересей и расколов, и смущений молитвами твоими огради: да тожде мудрствуем вси, единем сердцем славяще Святую, Единосущную, Животворящую и Нераздельную Троицу, Отца и Сына и Святаго Духа, во вся веки. Аминь.

Молитва третья

О великий православныя веры ревнителю и учителю, святе премудре Иосифе! Приими моление, от нас, грешных, тебе приносимое, и теплым предстательством умоли в Троице славимаго Бога, да низпослет Он богатыя Своя милости нам, грешным, и рабам Божиим (имена), да отложит праведный гнев Свой, движимый на ны, да избавит нас и зде поминаемых от враг видимых и невидимых. Ей, премилосердый заступниче наш, испроси молитвами твоими нам прощение грехов, исправление жития нашего, от болезней и всяких недугов исцеление, от наветов и козней диавольских избавление, паче же спасение душам нашим подаждь и небесных благ восприятия сподоби, благодатию и человеколюбием Живоначальныя Троицы, Отца и Сына и Святаго Духа, во веки веков.

Тропарь преподобному Иосифу, игумену Волоцкому, чудотворцу

Тропарь, глас 4

Яко постников удобрение и отцев красоту, милости подателя, рассуждения светильника, вси вернии, сошедшеся, восхвалим кротости учителя и ересей посрамителя, премудраго Иосифа, Российскую звезду, молящася Господу помиловатися душам нашим.


... Добавить сайт в закладки ... Ctrl+D


Молитвы святых. Святые угодники. Иконы.

Иные Православные молитвы и иконы:


О молитве. Что такое молитва?
Икона в доме, в офисе. Домашний иконостас
Правило от осквернения. Молитва от осквернения.
Молитвы к блаженной Ксении Петербургской
Молитвы святому князю Даниилу Московскому
Молитвы святым сорока мученикам Севастийским
Молитва перед Смоленской иконой Пресвятой Богородицы именуемой Смоленская Одигитрия
Молитвы блаженному Василию Христа ради юродивому Московскому чудотворцу
Молитва перед иконой Пресвятой Богородицы именуемой Умягчение злых сердец или Семистрельная
Икона Божией Матери “Живоносный Источник”. Молитва перед иконой Пресвятой Богородицы именуемой Живоносный источник.
Икона Божией Матери, именуемая "Троеручица". Молитвы перед иконой Божией Матери Троеручица.

Возможно вас это заинтересует, далее:


Голосовые поздравления и розыгрыши

Календарь жития святых по изложению святителя Димитрия Ростовского
Март. Жития святых угодников в марте
Июль. Жития святых угодников в июле
Август. Жития святых угодников в августе
Октябрь. Жития святых угодников в октябре
Декабрь. Жития святых угодников в декабре
Июнь. Православный церковный календарь, праздники Июня. Святые угодники.
Вознесение Господне. Вознесение Господа нашего Иисуса Христа
Благовещение Пресвятой Богородицы и Приснодевы Марии. Благовещение: благая, радостная, добрая весть
Рождество Пресвятой Богородицы, Приснодевы Марии. Богородичин день, Вторая Пречистая, Малая Пречистая, Осенины, Аспосов день
Воздвижение Честного и Животворящего Креста Господня. Воздвиженье, Сдвижение, Здвиженье, Вздвиженьев день, Капустки, Капустницы

Далее: Весь православный раздел ...



^Наверх