Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитвы преподобному и богоносному отцу нашему Иову, в схимонасех Иоанну, игумену и чудотворцу святыя Лавры Почаевския

Молитвы преподобному и богоносному отцу нашему Иову, в схимонасех Иоанну, игумену и чудотворцу святыя Лавры Почаевския.

Икона преподобного Иова, игумена и чудотворца Почаевского

Преподобный Иов Почаевский

Молитвы преподобному и богоносному отцу нашему Иову, в схимонасех Иоанну, игумену и чудотворцу святыя Лавры Почаевския

Молитва первая
О всесвятый и преславный угодниче Божий, преподобне отче наш Иове, присный о нас ко Господу молитвенниче и теплый предстателю о душах наших, к тебе всеумиленно ныне притекаем, и поминающе подвиги и чудеса твоя, яже сотворил еси и твориши на земли, просим и молим твою благостыню, якоже твердо и неизменно потрудился еси в вере Христа Бога нашего, и сию до конца в себе и во всех присных твоих целу и невредиму сохранивый от всяких приражений вражиих и ересей тлетворных, сице и нас в православии и единомыслии укрепи, отгоняющи молитвами твоими всякую тьму неверия и неправомыслия от сердец и помышлений наших, послуживый Господу и Богу твоему делы благими и неизреченным самоотвержением в трудех, бдениих и пощениих, настави нас на путь всякия добродетели и благостыни, избавляющи от искушений и грехов, удаляющих нас от Бога и повергающих в бездну зла все житие наше, явивыйся иногда с Пречистою Девою Богородицею верху горы Почаевския во спасение обители твоей от нашествия и обложения агарянскаго, и ныне ускори на помощь всей православной и боголюбивой державе нашей противу всех врагов наших внешних и внутренних, утверждая мир и тишину в земли нашей, да твоими молитвами и предстательством тихое и безмолвное житие поживем во всяком благочестии и чистоте; и всем, к тебе притекающим и припадающим к раце честных и многоцелебных мощей твоих и твоея помощи и заступления требующим, неоскудныя милости независтно подаваяй, не остави и нас сирых и безпомощных, тебе молящихся, избавляющи от всякия скорби, гнева и нужды, от глада, губительства, труса, потопа, огня, меча, нашествия иноплеменник и междоусобныя брани. Ей, угодниче Божий, призри милостивно от престола Царя славы, Емуже ты ныне предстоиши со архангелы и ангелы и со всеми святыми, на обитель твою (сию) Почаевскую, еюже ты древле мудро правил еси, наздав ю всехвальным и дивным житием твоим, и сохрани ю молитвами твоими и всякий град и страну и всех отовсюду, на мори и на суши, в пустынях и в злоключениих многоразличных тебе призывающих, от всех зол видимых и невидимых, да тако твоею помощию и ходатайством спасаеми, в веце сем и по скончании живота нашего сподобимся купно с тобою славити и воспевати всечестное имя Отца и Сына и Святаго Духа во веки веков. Аминь.

Молитва вторая(для чтения в Почаевской Лавре пред его мощами)
О всеблаженне и богоносне отче наш Иове, иноческаго ангелоподобнаго жития богомудрый наставниче, веры православныя восточно-кафолическия против лжемудрований запада непреоборимый защитниче и поборниче, богопреданных уставов Церкве и преданий отеческих верный блюстителю и строгий взыскателю, святости и чистоты, целомудрия и нестяжания, трудолюбия и богомыслия, поста и бдения великий ревнителю, долготерпения и злострадания неутомимый и непобедимый ратоборче, образ кротости, зерцало смирения, пример незлобия, постников удобрение, девственников похвало, монахов и схимонахов радосте. По имени твоему, преподобне отче, якоже и древняго онаго Иова, многострадальна и праведна, и житие твое бысть праведно и непорочно от младенческих пелен, всеми делы благими, яко многоценным бисером, благоукрашенно и благодушным терпением чрез многа лета скорбей и болезней, паче злата и сребра, в горниле искушенных, просиявши. Еще бо сущи дванадесяти точию лет, восприял еси на ся иго Христово с великим образом монашеским и даже до старости и престарения вящше девятидесяти лет, благодушно и неослабно, непоползновенно и неблазненно понесл еси, прошед всяк путь правды и святыни в посте и молитве, в коленопреклонениих и бдениих и тако на высоту добродетелей изрядну, вспомоществуем благодатию Божиею, по степенем возшел еси, яко всем дивитися и ублажати тя за премногую добродетель и любомудрие твое, не точию в пределех отечествия твоего, но и в странах окрест сущих, о чесом слышав боголюбивый князь Острожский и вельми возжелав имети тя руководителя себе на пути спасения, Крестовоздвиженской обители своей, яже на острове Дубенстем, предстоятеля и наставника молением любве своея привлече тя, отонудуже и святей обители Почаевской, яко сокровище велие и неоцененное, даровался еси. Темже и праведный Судия и мздовоздатель Бог, Иже весть сущия Своя, прежде даже не быти им, обещавый верным рабом Своим за труды и подвиги их во славу Его имени воздати сторицею, свыше призре на смирение твое и вознесе тя, и прослави тя на земли живых, даровав духоносному телеси твоему дар нетления и благодать врачевания недугов душевных и телесных, для всех, с верою и любовию ко всечестней раце твоей притекающих, а молитве твоей силу и крепость непобедимую, врагов видимых и невидимых устрашающую и поражающую. Егда бо иноплеменницы оны исмаелитстии, ихже Господь Бог еще в праотце их от рода и дому Авраамля отрину, врази креста Христова, облегоша гору и обитель Почаевскую, хотяще ю до конца разорити, тогда ты, отче прехвальне, был еси ходатай святыми твоими молитвами ко всемогущему и всеблагому Богу и к Преблагословенней Деве Марии Богородице, и благостию, тебе от Бога данною, и предстательством Пречистыя Богородицы отгнал еси все безумие супостатов тех и, всю ярость их разрушив и крепость победив, сотворил еси их бежати со страхом и трепетом. Призри убо и ныне оком благоутробия твоего, прилежно молим тя, обстояще святыя и многоцелебныя мощи твоя и усердно лобызающе я, призри на нас, недостойных чад и рабов твоих, вступивших в стези твои, но немогущих право по ним шествовати, и на место сие, от лет древних богоизбранное и чудесы прославленное, в немже имя твое призывается и егоже ты поты трудов твоих богоугодных оросил и возделал еси, и огради его и нас молитвами твоими от всякаго навета вражия и злаго обстояния, сохраняя и соблюдая всех и каждаго в мире и тишине, в вере нелицемерней и богоугодном жительстве. Подаждь же, угодниче Божий, и всем, приходящим семо и твоея помощи и заступления ищущим, благость и милость от Христа Бога нашего и Пречистыя Его Матере, да никтоже изыдет отсюду в туге и скорби, в печали и сетовании, постыжден и посрамлен в надеянии своем, но кийждо, по мере веры и любве своея, да восприимет себе поне некую отраду и утешение, облегчение и подкрепление, защиту и помощь, во славу Бога Трисвятаго, Емуже подобает всякая слава, честь и поклонение Отцу и Сыну и Святому Духу, ныне и присно, и во веки веков. Аминь.

Молитва третья
О преподобне отче Иове, иноков трудолюбнаго жития богомудрый наставниче, кротости и воздержания, чистоты и целомудрия, братолюбия и нищелюбия, терпения и бдения от ранней юности до поздней старости неутомимый подвижниче, веры православныя великий ревнителю и непреоборимый поборниче, земли Волынския и Галицкия светило благосветлое и святыя Почаевския обители непобедимый защитниче! Призри оком благоутробия твоего на нас недостойных чад твоих, к тебе усердно по вся дни прибегающих и на боголюбивыя люди сия, пред твоими духоносными и многоцелебными мощами собравшияся и благоговейно к тем припадающия, и испроси предстательством твоим ко Всевышнему Владыце им и нам вся, яже к животу и благочестию, полезная и благопотребная: болящия исцели, малодушныя ободри, скорбящия утеши, обидимыя заступи, немощныя подкрепи и поверженныя долу возстави, всем вся, благодатию от Бога данною, даруй, по коегождо нужде и потребе, во спасение души и во здравие телу. Вознеси угодниче Божий всемощную молитву твою о Российской державе, да будет выну мир и тишина, благочестие и благоденствие, в судах правда и милость, в советах мудрость и благое преспеяние, да утверждается же во благих человецех верность, в злых же страх и боязнь, во еже престати им от зла и творити добрая, да тако в державе Российстей царство Христово растет и множится и да прославится в нем Бог, дивный во святых своих: Емуже единому подобает всякая слава, честь и поклонение Отцу и Сыну, и Святому Духу, ныне и присно, и во веки веков. Аминь.

Тропарь преподобному Иову, игумену и чудотворцу Почаевскому

Тропарь, глас 4
Возложив на ся иго Христово от юности, преподобне отче Иове, многолетне свято подвизался еси на поприще благочестия во обители Угорницкой и на острове Дубенстем; и притек к горе Почаевской, знаменитой цельбоносною стопою Пресвятыя Богородицы, в тесной пещере каменной богомыслия ради и молитвы многократно заключался еси: и благодатию Божиею укрепляяся, мужественно потрудился еси на пользу обители твоея, купно же и противу врагов православия и благочестия христианскаго. И наставив сицевому ополчению иночествующих, победители тех представил еси своему Владыце и Богу: Того моли спастися душам нашим.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


Как правильно подавать записки. Что такое помянник и церковная записка
Молитвы в продолжении дня
Молитвы к святой великомученице Варваре
Молитва священномученику Зотику сиропитателю пресвитеру
Молитва святому преподобному Мартиниану
Молитва святителю и чудотворцу Ермогену, Патриарху Московскому и всея Руси
Молитвы Преподобному Виталию
Молитвы благоверному царевичу Димитрию Угличскому и Московскому
Молитва Святому преподобному Паисию Великому
Молитва преподобному Сампсону священнику и целителю странноприимцу
Молитвы Святителю Иулиану Кеноманийскому
Молитва святому мученику Архидиакону Лаврентию Римскому
Молитвы святителю Гурию архиепископу Казанскому и святителю Варсонофию епископу Тверскому чудотворцу
Акафист всем иконам Божьей Матери. Молитва Божьей Матери.
Ильинско - Черниговская икона Божией Матери. Молитва иконе Божией Матери Ильинско-Черниговская.

Возможно вас это заинтересует, далее:


19 мая. Страдание святого священномученика Патрикия и с ним трех пресвитеров Акакия, Менандра и Полиена; Страдание святого мученика Калуфа египтянина; Преставление благоверного князя Иоанна Угличского, в иноках Игнатия, вологодского чудотворца; Память преподобного отца нашего Иоанна епископа Готфского;
6 июня. Житие преподобного отца нашего Виссариона; Память преподобного отца нашего Илариона Нового; Страдание святых преподобномучениц Архелаи, Феклы и Сусанны;
1 июля. Страдание святых мучеников Космы и Дамиана; Память преподобного отца нашего Петра; Страдание святого мученика Потита;
24 августа. Страдание святой мученицы Сиры; Память священномученика Евтихия; Память святого мученика Татиона;
29 ноября. Память преподобного отца нашего Акакия Синайского; Память святого мученика Парамона; Память святого мученика Филумена;
Мученицы Агапия, Ирина и Хиония. Ильинско-Черниговская икона Божией Матери. 29 апреля.
День памяти Преподобного Илариона. Преподобномученик Евстратий Печерский. 10 апреля.
Священномученика Василия, пресвитера Анкирского. 4 апреля.
Апостол и священномученик Симеон. Преподобный Стефан Печерский. 10 мая.
Святые равноапостольные Мефодий и Кирилл, учители Словенские. Священномученик Мокий. Священномученик Иосиф, митрополит Астраханский. 24 мая.
Священномученик Афиноген. Мученица дева Иулия. Икона Божией Матери Чирская (Псковская). 29 июля.
Пророк Иезекииль. Преподобные Симеон Юродивый и Иоанн, спостник. 3 августа.
Усекновение главы святого Пророка, Предтечи и Крестителя Господня Иоанна. 11 сентября.
Апостол Иоаков. Преподобный Иаков Боровицкий. Святитель Игнатий. 5 ноября.
Молитва Святителю Модесту патриарху Иерусалимскому
Молитва перед иконой Пресвятой Богородицы именуемой Умягчение злых сердец или Семистрельная
Пасхальная неделя: Светлая, Великая, Великоденская, Красная неделя, Светлая седмица

Далее: Весь православный раздел ...


^Наверх