Молитвы епископу Тихону, Воронежскому, чудотворцу.

Икона святителя и чудотвореца Тихона Задонского

Святитель и чудотворец Тихон Задонский

Молитвы епископу Тихону, Воронежскому, чудотворцу

Молитва первая
О, великий Угодниче Божий и преславный Чудотворче, Святителю отче наш Тихоне! Со умилением преклонше колена и припадая к раце честных и многоцелебных мощей твоих, хвалим, славим и величаем прославльшаго тя Бога, и нам недостойным показавшаго в тебе велию милость, и всеусердно, верою и любовию чтущий святую память твою, молим тя: принеси молитву нашу к вся содержащему и спасающему человеколюбцу Господу, Емуже ты ныне с лики Ангел и со всеми Святыми предстоиши, да утвердит во святей Своей православной Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, пастырем ея да даст святую ревность попечения о спасении вверенных им людей — право верующия соблюдати, слабый и немощныя в вере укрепляти, неведущия наставляти, противныя обличати. И паки припадающе, с упованием, якоже чада отца нам суща, молим тя, Святителю Тихоне, веруем бо, яко ты, на небесех живый, любиши ны тою же любовию, еюже вся ближняя твоя возлюбил еси, внегда пребывати тебе на земли, испроси у всемилостиваго Господа и всем нам подати дар коемуждо благопотребен и вся, яже к животу временному и вечному полезная, мира умирение, градов наших утверждение, земли плодоносие, от глада и пагубы избавление, от нашествия иноплеменных сохранение, скорбящим утешение, недугующим исцеление, падшим возстановление, заблуждающим на путь истины возвращение, подвизающимся в делех благих укрепление, благоделающим преспеяние, родителем благословение, чадом в страсе Господнем воспитание и научение, наставником ведение и благочестие, неведущим вразумление, сирым, неимущим и убогим помощь и заступление, отходящим от сего временнаго жития к вечному благое уготовление и напутствование, отшедшим блаженное упокоение. Сих всех, наипаче, проси нам, Святче Тихоне, у Щедродавца Бога, яко имый велие к Нему дерзновение: тебе бо стяжахом приснаго заступника и теплаго молитвенника о нас пред Господем, Емуже подобает всякая слава, честь и поклонение. Отцу и Сыну и Святому Духу, ныне и присно и во веки веков. Аминь.

Молитва вторая
О всехвальный Святителю и Угодниче Христов, отче наш Тихоне! Ангельски пожив на земли, ты яко Ангел благий явился еси и в дивнем твоем прославлении. Веруем от всея души и помышления, яко ты, благосердый наш помощниче и молитвенниче, твоими неложными ходатайствы и благодатию, обильно дарованною тебе от Господа, присно способствуещи нашему спасению. Приими убо, ублажаемый Угодниче Христов, и в час сей наша недостойная моления: свободи ны твоим заступлением от облегающаго нас суесловия и суемудрия, неправоверия и зловерия человеческаго. Потщися, скорый о нас предстателю, благоприятным твоим ходатайством умолити Господа, да прибавит Своя великия и богатыя милости на нас грешных и недостойных рабех Своих, да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениих наших и да избавит ны вечных мук и огня геенскаго; всем же верным людем Своим да дарует в нынешнем веце мир и тишину, здравие и спасение и во всем благое поспешение, да тако, тихое и безмолвное житие поживше во всяком благочестии и чистоте, сподобимся со Ангелы и со всеми Святыми славити и воспевати всесвятое имя Отца и Сына и Святаго Духа. Аминь.

Молитва третья
О святителю, отче наш Тихоне! Услыши нас и потщися благоприятным твоим ходатайством умолити Господа, да пробавит Своя великия и богатыя милости на нас, грешных и недостойных рабех Своих (имена), да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениях наших и да избавит ны от вечных мук и огня геенскаго, да дарует в нынешнем веце мир и тишину, здравие и спасение, да тако сподобимся, со Ангелы и со всеми святыми, славити и воспевати всесвятое имя Отца и Сына и Святаго Духа, во веки веков.

Молитва четвертая
О великий угодниче Божий и преславный чудотворче святителю отче наш Тихоне! Со умилением припадающе к иконе твоей, молим тя: принеси молитву нашу к человеколюбцу Господу, да дарует же с долгоденствием душевное же и телесное здравие рабам Божиим (имена) и прихожанам святаго храма сего, да пробавит Своя великия и богатыя милости на нас, грешных и недостойных рабех Своих, да растворит окаменелыя сердца наша слезами умиления и сокрушения о премногих согрешениях наших и да избавит ны от вечных мук и огня геенского, да поем и славим неизреченныя щедроты Человеколюбца Бога, Отца и Сына и Святаго Духа, и твое отеческое заступление, во веки веков. Аминь.

Тропарь святителю Тихону Задонскому

Тропарь
От юности возлюбил еси Христа, блаженне, образ всем был еси словом, житием, любовию, духом, верою, чистотою и смирением темже и вселился еси в небесныя обители, идеже предстоя престолу Пресвятыя. Троицы, моли, святителю Тихоне, спастися душам нашим.
Тропарь, глас 4
Православия наставнице, благочестия учителю, покаяния проповедниче, Златоустаго ревнителю, пастырю предобрый, новый России светильниче и чудотворче, паству твою добре упасл еси и писаньми твоими вся ны наставил еси, темже венцем нетления украшен от Пастыреначальника, моли Его спастися душам нашим.
КОНДАК, ГЛАС 8
Апостолов приемниче, святителей украшение, Православныя Церкве учителю, Владыце всех молися мир вселенней даровати и душам нашим велию милость.

Рекомендуемый контент

Молитвы святых. Святые угодники. Иконы.

Иные Православные молитвы и иконы:

Молитва пресвятой Богородице именуемой Неопалимая Купина
Молитвы святому мученику Вонифатию
Молитвы священномученику Харалампию
Молитва преподобному Нилу Сорскому чудотворцу
Молитва преподобной благоверной княгине Евфросинии Московской
Молитвы святым мученицам Вере Надежде Любови и матери их Софии
Молитвы святой мученице Параскеве Пятнице
Икона Божией Матери “Отрада” или “Утешение”. Молитва ко Пресвятой Богородице перед Ея иконой именуемой Отрада или Утешение.
Икона Божьей Матери "Споручница грешных". Молитва Божьей Матери "Споручница грешных".
Икона Божией Матери, именуемая "Всецарица". Молитва Божией Матери пред Ея иконой Всецарица.
Молитва Господу Богу о восстановлении самодержавнаго царства русскаго

Далее: Весь православный раздел ...

Возможно вас это заинтересует, далее:

Календарь жития святых по изложению святителя Димитрия Ростовского
Август. Жития святых угодников в августе
Декабрь. Жития святых угодников в декабре
Декабрь. Православный церковный календарь, праздники Декабря. Святые угодники.
Июль. Православный церковный календарь, праздники Июля. Святые угодники.
Август. Православный церковный календарь, праздники Августа. Святые угодники.
Благовещение Пресвятой Богородицы и Приснодевы Марии. Благовещение: благая, радостная, добрая весть
Успение Пресвятой Богородицы. Первая Пречистая, Большая Пречистая, Успеньев день, Успенщина, Дожинки, Первые Осенины
Календарь празднования Пасхи и переходящих праздников
Страстная пятница. Пятница Страстной недели. Великий Пяток
Святки. колядование. святые вечера. Двенадцать дней после праздника Рождества Христова называют святками

... Добавить сайт в закладки ... Ctrl+D



^Наверх