Главная --> Православный церковный календарь на год --> Православные молитвы на каждый день --> Чудотворные иконы Божьей матери --> Молитвы, Икона Божией Матери "Троеручица"

Молитвы перед иконой Божией Матери "Троеручица".

Икона Божией Матери, именуемая "Троеручица"

Икона Божией Матери именуемая Троеручица

Молитвы перед иконой Божией Матери "Троеручица"

Молитва первая
Пресвятая и Преблагословенная Дево Богородице Марие! Припадаем и поклоняемся Ти пред святою иконою Твоею, воспоминая преславное чудо Твое исцелением усеченныя десницы преподобнаго Иоанна Дамаскина от иконы сея явленное, егоже знамение доныне видимо есть на ней во образе третия руки, к изображению Твоему приложенныя. Молимся Ти и просим Тя, Всеблагую и Всещедрую рода нашего Заступницу: услыши нас, молящих Ти ся, и, якоже блаженнаго Иоанна, в скорби и болезни к Тебе возопившаго, услышала еси, так и нас не призри, скорбящих и болезнующих ранами страстей многоразличных и к Тебе от души сокрушенныя и смиренныя усердно прибегающих. Ты зриши, Госпоже Всемилостивая, немощи наша, озлобление наше, нужду, потребу нашу в Твоей помощи и заступлении, яко отвсюду врагами окружени есмы и несть помогающаго, ниже заступающаго, аще не Ты умилосердишися о нас, Владычице. Ей, молим Ти ся, вонми гласу болезненному нашему и помози нам святоотеческую православную веру до конца дней наших непорочно сохранити, во всех заповедех Господних неуклонно ходити, покаяние истинное о гресех наших всегда Богу приносити и сподобитися мирныя христианския кончины и добраго ответа на Страшнем Суде Сына Твоего и Бога нашего, Егоже умоли за нас Матернею молитвою Твоею, да не осудит нас по беззаконием нашим, но да помилует нас по велицей и неизреченной милости Своей. О Всеблагая! Услыши нас и не лиши нас помощи Твоея державныя, да, Тобою спасение получивше, воспоем и прославим Тя на земли живых и рождшагося от Тебе Искупителя нашего Господа Иисуса Христа, Емуже подобает слава и держава, честь и поклонение, купно со Отцем и Святым Духом всегда, ныне и присно, и во веки веков. Аминь.

Молитва вторая
О Пресвятая Госпоже Владычице Богородице, велие чудо святому Иоанну Дамаскину явившая, яко веру истинную и надежду несумненную показавшему! Услыши нас, грешных раб Твоих (имена), пред чудотворною Твоею иконою усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех чтущих святую икону Твою, да радостно воспоем и любовию прославим имя Твое, яко Ты еси от всех родов избранная, благословенная во веки веков. Аминь.

Тропарь, глас 4
Днесь всемирная радость возсия нам велия, даровася святей горе Афонстей цельбоносная Твоя, Владычице Богородице, икона, со изображением тричисленно и нераздельно пречистых рук Твоих, в прославление Святыя Троицы: созываеши бо верных и молящихся Тебе о сем познати, яко двема имаши Сына и Господа держати, третию же яви на прибежище и покров чтущим Тя от всяких напастей и бед избавляти, да вси, притекающии к Тебе верою, приемлют от всех зол свобождение, от врагов защищение. Сего ради и мы вкупе со Афоном вопием: радуйся, Благодатная, Господь с Тобою.

Тропарь, глас 4
Днесь светло красуется царствующий град Москва, имеющи в себе, о Всемилостивейшая, всея твари Честнейшая, Заступнице наша Дево Богородице, честный образ Твой, имже подсблнечныя концы земли удивляеши и мир мирови даруеши, во образ бо Святыя Троицы являеши трие руце: двема убо Сына Своего, Христа Бога нашего, носиши, третиею от напастей и бед верно к Тебе прибегающих избавляеши, и от потопления изымаеши, и всем полезная даруеши, и преподобному Михаилу Малебнскую гору показа,и всех всегда милуеши, честною ризою Своею покрываеши жительство сие и вся грады и страны наша, да зовем Ти: радуйся, Обрадованная.

Тропарь, глас 4
Яко звезда светозаряющая, из Сербии на Афон чудесно прииде всечестная икона Твоя Троеручица, юже обитель Хиландарская благоговейно восприемши, яко Божественный дар свыше, прославляет Тя, Владычицу, и умильно вопиет: не остави милость Твою от нас, но пребуди с нами во веки.

Величание
Величаем Тя, Пренепорочная Дево, и чтим чудеса образа святаго Твоего, трех пречистых рук Твоих явление в славу Божества, в Троице Бога нашего.

... Добавить сайт в закладки ... Ctrl+D


Молитвы святых. Святые угодники. Иконы.

Иные Православные молитвы и иконы:


Молитвы исцеления и помощи в различных нуждах и немощах. Молитвы в болезнях.
Молитвы ко святому Иоанну Воину
Молитвы святым сорока мученикам Севастийским
Молитва Святителя Ионы митрополита Московского и всея России чудотворца
Молитва мученику младенцу Гавриилу Белостокскому
Молитва святому мученику Диомиду врачу
Молитва преподобному Дамиану пресвитеру целебнику Печерскому
Амвросий Оптинский Молитвы преподобному
Молитва Святителю Мартину Милостивому Молитва форумиста
Молитвы святым семи отрокам Ефесским
Козельщанская икона Божией Матери. Молитва иконе Божией Матери Козельщанская.

Возможно вас это заинтересует, далее:


Голосовые поздравления и розыгрыши

Календарь жития святых по изложению святителя Димитрия Ростовского
Март. Жития святых угодников в марте
Июль. Жития святых угодников в июле
Апрель. Православный церковный календарь, праздники Апреля. Святые угодники.
Вознесение Господне. Вознесение Господа нашего Иисуса Христа
Сретение Господне. Сретенье. Сретения Господа Нашего Иисуса Христа – праздник Встречи
Благовещение Пресвятой Богородицы и Приснодевы Марии. Благовещение: благая, радостная, добрая весть
Народные праздники. Православные переходящие и непереходящие праздники. Великие праздники
День сошествия Святого Духа. Духов день
Календарь празднования Пасхи и переходящих праздников
Пасхальная неделя: Светлая, Великая, Великоденская, Красная неделя, Светлая седмица

Далее: Весь православный раздел ...



^Наверх