Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитва святым Семи отрокам, иже во Ефесе: Максимилиану, Иамвлиху, Мартиниану, Иоанну, Дионисию, Ексакустодиану (Константину), Антонину

Молитва святым Семи отрокам, иже во Ефесе: Максимилиану, Иамвлиху, Мартиниану, Иоанну, Дионисию, Ексакустодиану (Константину), Антонину.

Семь отроков Ефесских: Максимилиан, Иамвлих, Мартиниан, Иоанн, Дионисий, Ексакустодиан (Константин), Антонин.

Семь отроков Ефесских

Молитва святым Семи отрокам, иже во Ефесе: Максимилиану, Иамвлиху, Мартиниану, Иоанну, Дионисию, Ексакустодиану (Константину), Антонину.

Молитва первая
Боже великий, хвальный и непостижимый, и неисповедимый, создавый человека рукою Твоею, персть взем от земли, и образом Твоим почтивый его, Иисусе Христе, прежелаемое имя, со Безначальным Твоим Отцем и с Пресвятым, и Благим, и Животворящим Твоим Духом, явися на рабе Твоем (имярек), и посети его душу и тело, умоляем от преславныя Владычицы нашея Богородицы и Приснодевы Марии, святых Небесных Сил Безплотных, и честнаго славнаго пророка, и Предтечи и Крестителя Иоанна, святых славных и всехвальных апостолов, иже во святых отец наших, и вселенских учителей, Василия Великаго, Григория Богослова, Иоанна Златоустаго, Афанасия и Кирилла, Николая иже в Мирех, Спиридона чудотворца, и всех святых священноначальников, святаго апостола первомученика и архидиакона Стефана, святых славных великомучеников Георгия Победоносца, Димитрия Мироточца, Феодора Стратилата, и всех святых мучеников, преподобных и богоносных отец наших Антония, Евфимия, Саввы Освященнаго, Феодосия общаго жития начальника,
Антония и Феодосия Киево-Печерских, Онуфрия, Арсения, Афанасия Афонскаго, и всех преподобных, святых и исцелителей, безсребренников Космы и Дамиана, Кира и Иоанна, Фалалея и Трифона и прочих, святаго праведнаго Иоанна Кронштадтскаго, святаго преподобнаго Иоанна Рыльскаго, святыя блаженныя Ксении Петербуржской и всех Твоих святых.
И даждь ему сон упокоения, сон телесный здравия и спасения и живота, и крепость душевную и телесную, якоже посетил еси иногда Авимелеха угодника Твоего во храме Агриппове, и дал еси ему сон утешения, еже не видети падения Иерусалимова, и сего успивый сном питательным, и паки сего воскресивый во едином мгновении времене, в славу Твоея благости.
Но и святыя Твоя славныя седмь отроки, исповедники и свидетели Твоего явления показавый, во дни Декия царя и отступника, и сия успивый в вертепе на лет сто и осмьдесят, яко младенцы согреваемыя в ложеснах матере своея, и никакоже претерпевшыя тления, в похвалу и славу человеколюбия Твоего, и в показание, и извещение нашего пакибытия, и воскресения всех.
Сам убо человеколюбче Царю, предстани и ныне наитием Святаго Твоего Духа, и посети раба Твоего (имярек), и даруй ему здравие, крепость, и благомощие, Твоею благостию, яко от Тебе есть всяко даяние благо, и всяк дар свершен. Ты бо еси врач душ и телес наших, и Тебе славу и благодарение и поклонение возсылаем, со Безначальным Твоим Отцем, и с Пресвятым, и Благим, и Животворящим Твоим Духом, ныне и присно, и во веки веков. Аминь.

Молитва вторая
О пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя. Низведите на ня благословение Христа Бога, рекшаго: оставите детей приходити ко Мне. Болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастати. И всех нас, святей иконе вашей предстоящих рабов Божиих (имена), и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа, во веки веков. Аминь.

Молитва третья

Господи, Иисусе Христе, Сыне Божий, грядый судити живых и мертвых, молитв ради седми отроков ефесских, помилуй нас грешных, прости грехопадения всей нашей жизни, и имиже веси судьбами сокрый нас от лица антихриста в сокровенной пустыне спсения Твоего.

Тропарь святым семи отрокам Ефесским

Тропарь, глас 4
Велия веры чудесе, в пещере яко в чертозе царском святии седмь отроцы пребыша,
и умроша без тли, и по мнозех временных восташа яко от сна,
во уверение воскресения всех человеков: тех молитвами, Христе Боже, помилуй нас.

Кондак, глас 4
Мира сущая тленная презревая и нетленныя дары приемше, умерше кроме тления пребыша: темже востают по многих летех, все погребше лютех неверие:
яже во хвалении днесь вернии восхваляюще, Христа воспоим.

*****

Тропарь, глас 8-й:

Благочестия проповедники и воскресения умерших изобразители, Церкви столпы седмочисленныя, отроки всеблаженныя песньми восхвалим: тии бо по многих летех нетления, аки от сна воставше, всем возвестиша яве мертвых востание.
Кондак, глас 4-й:

Прославивый на земли святыя Твоя, прежде втораго и страшнаго пришествия Твоего, Христе. Преславным востанием отроков показал еси Воскресение неведящим е,, нетленна одеяния и телеса явив, и царя уверил еси вопити: воистинну есть мертвых востание.

Молитва:

О, пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя: низведите на ня благословение Христа Бога, рекшаго: оставите детей приходить ко Мне: болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастити; и всех нас, святей иконе вашей предстоящих, мощи же ваша с верою лобызающих и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа во веки веков. Аминь.

О том же молятся Ангелу-хранителю младенца


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


Православные повседневные молитвы
Молитвы на быструю помощь, которая защитит вас от беды, поможет в несчастье и укажет дорогу к лучшей жизни.
Молитва пресвятой Богородице именуемой Неопалимая Купина
Молитва святому праведному Филарету Милостивому
Молитвы святому мученику Вонифатию
Молитвы священномученику Харалампию
Молитва святым мученикам Хрисанфу и Дарии
Молитва мученице Фомаиде Египетской
Молитва ко Пресвятой Богородице Неупиваемая Чаша
Молитвы святым равноапостольным Мефодию и Кириллу учителем словенским
Молитва преподобномученику Афанасию Игумену Брестскому
Молитва преподобному Дамиану пресвитеру целебнику Печерскому
Амвросий Оптинский Молитвы преподобному
Молитвы святому великомученику Димитрию Солунскому
Икона Божией Матери, именуемая "Всецарица". Молитва Божией Матери пред Ея иконой Всецарица.

Возможно вас это заинтересует, далее:


12 мая. Житие святого отца нашего Германа, архиепископа Константинопольского; Память святого отца нашего Савина, епископа кипрского; Память святого отца нашего Полувия, епископа Ринокирского; Житие святого отца нашего Епифания, архиепископа Кипрского;
24 июня. Синаксарь на Рождество святого Иоанна Предтечи и Крестителя Господня; Слово св. Иоанна Златоуста на Рождество святого пророка, предтечи и крестителя Господня Иоанна;
15 июля. Страдание святых мучеников Кирика и Иулитты;
25 сентября. Житие преподобной матери нашей Евфросинии; Житие и чудеса преподобного и богоносного отца нашего Сергия, Радонежского чудотворца; Житие преподобной Евфросинии Суздальской; Память преподобномученика Пафнутия;
11 октября. Житие святого Апостола Филиппа; Житие преподобного Феофана исповедника и творца канонов; Память святых мучениц Зинаиды и Филониллы; Воспоминание чуда, бывшего от иконы Господа Иисуса Христа; Воспоминание Седьмого вселенского собора;
17 декабря. Житие святого пророка Даниила и с ним святых трех отроков Анании, Азарии и Мисаила; Память преподобного Даниила Исповедника;
Март. Православный церковный календарь, праздники Марта. Святые угодники.
Священномученика Поликарпа, епископа Смирнского. Преподобный Поликарп Брянский. 8 марта.
Икона Пресвятой Богородицы, именуемая “Муромской”. Преподобного Василия исповедника, епископа Парийского. 25 апреля.
Преподобномученик Дометий. Святитель Митрофан Воронежский. Преподобный Пимен Печерский. Мученики Марин воин и Астерий. Преподобный Антоний. 20 августа.
Священномученик Зиновий и мученица Зиновия. Святые апостолы: Тертий, Марк, Иуст и Артема. Священномученик Маркиан. 12 ноября.
Молитвы священномученику Харалампию
Молитвы святым сорока мученикам Севастийским
Молитва преподобному Дамиану пресвитеру целебнику Печерскому
Молитвы Пресвятой Богородице перед Ея иконой именуемой Казанская
Cтрастная неделя: Неделя от Вербного Воскресенья до Пасхи
Рождественский сочельник канун Рождества

Далее: Весь православный раздел ...


^Наверх