Молитва преподобному Нилу Сорскому, чудотворцу.

Нил Сорский

Нил Сорский

Молитва преподобному Нилу Сорскому, чудотворцу

О, преподобие и Богоблаженне отче Ниле, Богомудрый наставниче и учителю наш!
Ты, любве ради Божия, от мирских смущений удаляяся, в непроходней пустыни и в дебрех вселитися изволил еси, и, яко лоза благоплодна, чада пустыни умножив, словом, писанием и житием образ всякия иноческия добродетели явился еси, и, яко ангел во плоти, пожив на земли, ныне в селениих Небесных, идеже празднующих глас непрестанный, водворяешися, и с лики святых Богу предстоя, Тому хвалы и славословия непрестанно приносиши.
Молим тя, Богоблаженне, настави и нас, под кровом твоим жительствующих, непреткновенно по стопам твоим ходить и Господа Бога всем сердцем своим любити, Того Единаго вожделети и о том Едином помышляти, мужественно же и благоискусно противу долу влекущих помыслов и прилогов вражиих пратися и тыя всегда побеждати; всякую же тесноту монашескаго жития возлюбити и красная мира сего, любве ради Христовы, возненавидети помози нам; всякую же добродетель, в нейже сам потрудился еси, в сердцах наших насадити нам пособствуй.
Моли Христа Бога, да и всем православным христианом, в мире живущим, просветит ум и очи сердечныя, еже ко спасению, утвердит я в вере и благочестии и в делании заповедей Своих, сохранит же от лести мира сего, и оставление грехов дарует всем христианом, таже и вся потребная ко временному житию всем приложит.
Да всю державу нашу в любви, единомыслии и в долгоденствии да соблюдет, и всякое начало и власть, и все воинство на путь правды и верности да управит; да тако вси христиане, в пустыни и в мире жительствующии, тихое и безмолвное житие поживут во всяком благочестии и честности, и Христа усты и сердцем прославят, купно со Безначальным Его Отцем и Пресвятым и Благим и Животворящим Его Духом, всегда, ныне и присно и во веки веков. Аминь.
Молитва иная

Отче наш всепреподобнейший Ниле! Приими сию похвальную песнь, тебе любовию и верою приносимую, и милостивно приклонься с небесных высот, яко отец чадолюбивейший, ходатайствуй верою и любовию тя почитающым грехов прощение, жития исправление, кончину христианскую, мирну и ненаветну от духов злобы. И предстани тогда, о отче, прогоняя страх смертный от верных твоих рабов и чтителей твоея священнейшия памяти, безбедно творя разлучение души от тела и лютых мытарств прехождение сильным твоим ко Господу молением и предстательством, благодатию, щедротами и человеколюбием Господа и Бога и Спаса нашего Иисуса Христа, и Его Пресвятейшия Матере, твоим милостивым о нас ходатайством. Надеемся вся сия прошения получити и в день страшнаго суда деснаго стояния улучити со всеми угодившими Богу. Аминь.

ТРОПАРЬ, ГЛАС 4
Удалився, бегая Давидски, мира, и вся, яже в нем, яко уметы вменив, и в месте безмолвне вселився, духовныя радости исполнился еси, отче наш Ниле, и Единому Богу изволив служити, процвел еси яко финикс, и яко лоза благоплодна умножил еси чада пустыни. Темже благодарственно вопием: слава Укрепльшему тя в подвизе пустынножительства, слава Избравшему тя в России отшельником уставоположника изрядна, слава молитвами твоими и нас Спасающему.
ИН ТРОПАРЬ, ГЛАС 1
Мирскаго жития отвергся и мятежа житейскаго бегая, преподобне и Богоносне отче наш Ниле, не обленился еси собрати цветы райския от писаний отеческих и, в пустыню вселився, процвел еси, яко крин сельный, отонудуже прешел еси и в Небесныя обители; научи и нас, честно почитающих тя, твоим царским путем шествовати и молися о душах наших.
КОНДАК, ГЛАС 8
Любве ради Христовы удалився мирских смущений, радостною душею вселился еси в пустыни, в нейже подвизався добре, яко ангел на земли, отче Ниле, пожил еси, бдением бо и постом тело свое изнурил еси вечныя ради жизни. Еяже ныне сподобився, во свете неизреченныя радости Пресвятей Троице со святыми предстоя, моли, молим ти ся, припадающе, чада твоя, сохранитися нам от всякаго навета и злых обстояний видимых и невидимых враг и спастися душам нашим.
ИН КОНДАК, ГЛАС 3
Терпя, потерпел еси суетныя обычаи и мирския нравы братий твоих, обрел еси пустынное безмолвие, преподобне отче, идеже постом, бдением и непрестанною молитвою в трудех подвизався, ученьми твоими правыя стези указал еси нам, шествовати ко Господу. Темже и почитаем тя, всеблаженне Ниле.

Рекомендуемый контент

Молитвы святых. Святые угодники. Иконы.

Иные Православные молитвы и иконы:

Молитвенное правило. Что следует запомнить христианину.
Молитвы Архангелам на каждый день. Архангел.
Архангел Гавриил Молитвы Святому
Молитва преподобному Нифонту Кипрскому
Молитва святому преподобному Мартиниану
Молитва ко Пресвятой Богородице Неупиваемая Чаша
Молитвы блаженному Василию Христа ради юродивому Московскому чудотворцу
Молитва Святому великомученику Артемию
Молитвы Пресвятой Богородице перед Ея иконой именуемой Казанская
Молитва ко святому великомученику Мине
Молитва Пресвятой Богородице перед Ея иконой именуемой Знамение

Далее: Весь православный раздел ...

Возможно вас это заинтересует, далее:

Календарь жития святых по изложению святителя Димитрия Ростовского
Октябрь. Жития святых угодников в октябре
Декабрь. Православный церковный календарь, праздники Декабря. Святые угодники.
Февраль. Православный церковный календарь, праздники Февраля. Святые угодники.
Май. Православный церковный календарь, праздники Мая. Святые угодники.
Октябрь. Православный церковный календарь, праздники Октября. Святые угодники.
Ноябрь. Православный церковный календарь, праздники Ноября. Святые угодники.
Вознесение Господне. Вознесение Господа нашего Иисуса Христа
Крещенский сочельник канун Крещения. Навечерие Богоявления
Cтрастная неделя: Неделя от Вербного Воскресенья до Пасхи
Великий пост. Православный двунадесятый переходящий праздник

... Добавить сайт в закладки ... Ctrl+D



^Наверх