Молитва преподобному Никите Столпнику, Переславскому чудотворцу.

Преподобный Никита Столпник, Переславский чудотворец

Никита Столпник

Молитва преподобному Никите Столпнику, Переславскому чудотворцу

О, всечестная главо, преподобне отче преблаженне, Никито преподобномучениче! Не забуди нищих твоих до конца, но поминай нас всегда во святых своих и благоприятных молитвах к Богу и не забуди присещати чад своих. Моли за ны, отче благий и избранниче Христов, яко имеяй дерзновение к Небесному Царю, и не премолчи за ны ко Господу, и не презри нас, верою и любовию чтущих тя. Поминай нас, недостойных, у Престола Вседержителева и не престай моляся за нас ко Христу Богу: тебе бо дана бысть благодать молитися за ны. Не мним бо тя мертва суща, аще бо и телом преставился еси от нас, но и по смерти убо жив пребываеши. Не отступай от нас духом, сохраняя и соблюдая нас от стрел вражиих и всякия прелести бесовския, заступниче и молитвенниче наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами у Престола Вседержителя Бога достойно веселится. Ведуще убо тя воистинну и по смерти жива суща, тебе припадаем, и тебе молимся, и милися деем, еже молитися о нас Всесильному Богу о пользе душ наших, и испроси нам время на покаяние и невозбранно прейти от земли на Небо, и горьких мытарств, и воздушных князей, и вечныя муки избавится нам, и Небесному Царствию наследником быти со всеми праведными, от века угодившими Ему, Господу нашему Иисусу Христу. Емуже подобает всякая слава, честь и поклонение со Безначальным Его Отцем и Святым Духом, ныне и присно и во веки веков. Аминь.

Тропарь преподобному Никите, столпнику Переславльскому

Тропарь, глас 4

Православным смыслом юношская возжеления возненавидев и доблественныя нравы восприим, врага победил еси, и во благоразумии Богу угодил еси, и свыше от Него прием дар чудес, бесы прогоняти, недуги исцеляти, Никито преславне, моли Христа Бога, да спасет души наша.

ИН ТРОПАРЬ, ГЛАС 4

Христову мученику тезоименит был еси, преподобне, многи подвиги и труды претерпел еси Христа ради, Егоже ради вериги носил еси, блаженне, Того ныне о нас моли, Никито преподобне, душевныя наша и телесныя страсти уврачевати, верою и любовию почитающих присно память твою.

КОНДАК, ГЛАС 8

Христа ради от твоих рабов нуждную смерть претерпел еси, и венец нетления от Него восприял еси, приходящим же с верою от честнаго твоего гроба подаеши цельбы, о Никито преподобне, молитвенниче о душах наших.


Молитвы святых. Святые угодники. Иконы.

Иные Православные молитвы и иконы:


Молитвы ко святому Иоанну Воину
Молитва Святителю Модесту патриарху Иерусалимскому
Mолитва новомученикам и исповедникам Российским
Молитва святителю и чудотворцу Ермогену, Патриарху Московскому и всея Руси
Молитва мученику младенцу Гавриилу Белостокскому
Молитвы к Пресвятой Богородице Тихвинская
Молитвы епископу Тихону Воронежскому чудотворцу
Молитвы святым мученицам Вере Надежде Любови и матери их Софии
Икона Божией Матери “Отрада” или “Утешение”. Молитва ко Пресвятой Богородице перед Ея иконой именуемой Отрада или Утешение.
Козельщанская икона Божией Матери. Молитва иконе Божией Матери Козельщанская.
Албазинская икона Божьей Матери "Слово плоть бысть". Молитва Албазинской иконе Божьей Матери Слово плоть бысть.

Далее: Весь православный раздел ...



^Наверх