Молитва мученикам Антонию, Евстафию и Иоанну Виленским (Литовским).

Икона святых мучеников Антония, Иоанна и Евстафия Виленских, Литовских

Мученики Антоний Иоанн и Евстафий Виленские

Молитва мученикам Антонию, Евстафию и Иоанну Виленским (Литовским) (в Вильне пострадавшим)

Святии мученицы Антоние, Иоанне и Евстафие! Призрите с Небеснаго чертога на требующих вашея помощи и не отвергните прошений наших, но, яко приснии благодетели и ходатаи наши, молите Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго вашего заступления.
Да молитвами вашими даст нам Господь мир помыслов, от пагубных страстей воздержание и от всякия скверны удаление; и да укрепит во всем мире Свою Едину Святую Соборную и Апостольскую Церковь, юже стяжал есть честною Своею Кровию.
Молитеся прилежно, святии мученицы, да благословит Христос Бог всю нашу державу, да утвердит во Святей Своей Православней Церкви живый дух правыя веры и благочестия; да вся чада ея, от суемудрия и суеверия свободившеся, духом и истиною покланяются Ему, и о соблюдении Его заповедей усердно потщатся; да мы вси в мире и благочестии поживем в настоящем веце, и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава, со Отцем и Святым Духом, ныне и присно и во веки веков. Аминь.

ТРОПАРЬ, ГЛАС 4

Иже земных чести и славы отвергшеся, доблии и честнии страдальцы, веры ради крепко и мужественно муки претерпесте, на смерть себе давше за Живот всех Владыку, темже и Христос преславно столпом облачным с небес вас озари и почестьми и венцы от Престола Славы венча, со ангелы Тому предстояще, молите спастися душам нашим.

ИН ТРОПАРЬ, ГЛАС 4

От корене неплодна, преблаженнии, возрастивше Православныя веры ветви, первомучеником тезоименитии явистеся: злаго бо и нечестиваго князя ярости не убоястеся, повелевающа Христа отрещися, сего ради мученическия венцы приемше и со ангелы Престолу Владычню предстояще, о нас молитеся, преблаженнии, православно чтущих святую память вашу.

КОНДАК, ГЛАС 3

Отеческую прелесть оставльше, святии, приведостеся Христови, всем души усердием стасте мужемудренно до смерти. Темже и взясте победы почесть воистинну, о всех Владыку нашего непрестанно моляще.

ВЕЛИЧАНИЕ

Величаем вас, страстотерпцы святии, Антоние, Иоанне и Евстафие, и чтим честная страдания ваша, яже за Христа претерпели есте.

Рекомендуемый контент

Молитвы святых. Святые угодники. Иконы.

Иные Православные молитвы и иконы:

Православные молитвы на каждый день.
Архангел Михаил Молитвы Святому
Архангел Гавриил Молитвы Святому
Молитвы Великомученику Иоанну Новому Сочавскому
Молитва преподобному Нифонту Кипрскому
Молитвы к Пресвятой Богородице перед Ея иконой именуемой Феодоровская
Молитва преподобному Сампсону священнику и целителю странноприимцу
князь Александр Невский Молитва Святомy Благовеpномy Великомy Князю
Албазинская икона Божьей Матери "Слово плоть бысть". Молитва Албазинской иконе Божьей Матери Слово плоть бысть.
Икона Божией Матери "Калужская". Молитва ко Пресвятой Богородице пред Ее иконою Калужская.
Молитва Господу Богу о восстановлении самодержавнаго царства русскаго

Далее: Весь православный раздел ...



^Наверх