Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитвы святителю и чудотворцу Николаю архиепископу Мир Ликийских

Молитвы святителю и чудотворцу Николаю архиепископу Мир Ликийских.

Иконa Святитель Николай архиепископ Мир Ликийских, чудотворец

Святитель Николай архиепископ Мир Ликийских, чудотворец

Молитвы святителю и чудотворцу Николаю архиепископу Мир Ликийских

Молитва первая
О добрый наш пастырю и богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое; виждь нас немощных, отвсюду уловляемых, всякаго блага лишенных и умом от малодушия помраченных; потщися, угодниче Божий, не оставити нас в греховнем плену быти, да не будем в радость врагом нашим и не умрем в лукавых деяниих наших. Моли о нас недостойных Содетеля нашего и Владыку, ему же ты со безплотными лики предстоиши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по своей благости воздаст нам. На твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, и укроти волны страстей и бед возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно и во веки веков.

Молитва вторая
О великий заступниче, архиерею Божий, Николае преблаженне, иже подсолнечную осиявый чудесы, призывающим же тя скорый услышатель являйяся, ихже присно предваряеши и спасаеши, и избавляеши, и от бед всяческих изъимаеши, от Бога данною ти чудес и даров благодатию! Услыши мя недостойнаго, с верою тя призывающа и молебное тебе приносяща пение; тебе бо ходатая на умоление ко Христу предлагаю. О пресловущий в чудесех, святителем высото! яко имеяй дерзновение, скоро Владыце предстани, и преподобнии свои руце молебне к Нему простри о мне грешнем, и от Него щедроты благости подаждь ми, и приими мя в свое заступление, и от всех бед и зол мя избави, от нашествия врагов видимых и невидимых свобождая, и тех всех наветы и злохитрства погубляя, и борющих мя во всей жизни моей отражая; прегрешением же моим прощение испроси, и спасена мя Христу представи и Царствия Небеснаго сподоби улучити за множество того человеколюбия, емуже подобает всяка слава, честь и поклонение, со безначальным его Отцем, и с Пресвятым и Благим и Животворящим Духом, ныне и присно и во веки веков.

Молитва третья
О всехвальный, великий чудотворче, святителю Христов, отче Николае! Молим тя, буди надежда всех христиан, верных защититель, алчущих кормитель, плачущих веселие, болящих врач, по морю плавающих управитель, убогих и сирых питатель и всем скорый помощник и покровитель, да мирное зде поживем житие и да сподобимся видети славу избранных Божиих на небеси и с ними непрестанно воспевати Единаго в Троице покланяемого Бога во веки веков.

Молитва четвертая
О всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози ми, грешному и унылому, в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога, всея твари Содетеля, избавити мя воздушных мытарств и вечнаго мучения, да всегда прославляю Отца и Сына и Святаго Духа и твое милостивное предстательство, ныне и присно и во веки веков. Аминь.

Молитва пятая
О, всеблагий отче Николае, пастырю и учителю всех верою притекающих к твоему заступлению и теплою молитвою тебе призывающих! Скоро потщися и избави Христово стадо от волков, губящих е; и всякую страну христианскую огради и сохрани святыми твоими молитвами, от мирскаго мятежа, труса, нашествия иноплеменников и междоусобныя брани, от глада, потопа, огня и напрасныя смерти; и якоже помиловал еси триех мужей в темнице сидящих и избавил еси их царева гнева и посечения мечнаго, тако помилуй и мене, умом, словом и делом во тьме грехов суща, избави мя гнева Божия и вечныя казни, яко да твоим ходатайством и помощию. Своим же милосердием и благодатию Христос Бог тихое и безгрешное житие даст ми пожити в веце сем и избавит мя шуияго стояния, сподовит же деснаго со всеми святыми. Аминь.

Молитва шестая
О, всехвальный и всечестный архиерею, великий чудотворче, святителю Христов, отче Николае, человече Божий, и верный рабе, мужу желаний, сосуде избранный, крепкий столпе церковный, светильниче пресветлый, звездо осиявающая и освещающая всю вселенную, ты еси праведник, яко финикс процветший, насажденный во дворех Господа своего: живый в Мирех, миром благоухал еси, и миро приснотекущее благодати Божия источаеши. Твоим шествием, пресвятый отче, море освятися, егда многочудесныя твоя мощи шествоваху во град Барский, от востока до запада хвалити имя Господне. О, преизящный и предивный чудотворче, скорый помощниче, теплый заступниче, пастырю предобрый, спасающий словесное стадо от всяких бед, тебе прославляем и тебе величаем, яко надежду всех христиан, источника чудес, защитителя верных, премудраго учителю, алчущих кормителю, плачущих веселие, нагих одеяние, болящих врача, по морю плавающих управителя, пленников свободителя, вдов и сирот питателя и заступника, целомудрия хранителя, младенцев кроткаго наказателя, старых укрепление, постников наставника, труждающихся упокоение, нищих и убогих изобильное богатство. Услыши нас, молящихся тебе и прибегающих под кров твой, яви предстательство твое о нас к Вышнему и исходатайствуй твоими Богоприятными молитвами вся полезная ко спасению душ и телес наших: сохрани святую обитель сию (или: храм сей), всякий град и весь, и всякую страну христианскую, и люди живущыя, от всякого озлобления помощию твоею: вемы бо, вемы, яко много может молитва праведнаго, поспешествующая во благое: тебе же праведнаго по преблагословенней Деве Марии, предстателя ко Всемилостивому Богу имамы, и к твоему, преблагий отче, теплому ходатайству и заступлению смиренно притекаем: ты нас соблюди яко бодрый и добрый пастырь, от всяких врагов, губительства, труса, града, глада, потопа, огня, меча, нашествия иноплеменников, и во всяких бедах и скорбех наших подавай нам руку помощи и отверзи двери милосердия Божия; понеже недостойны есмы зрети высоту небесную, от множества неправд наших: связани есмы узами греховными, и николиже воли Создателя нашего сотворихом, ни сохранихом повелений Его. Тем же преклоняем колена сокрушенна и смиренна сердца нашего к Зиждителю своему, и твоего отеческаго заступления к нему просим: помози нам, угодниче Божий, да не погибнем со беззаконии нашими, избави нас от всякого зла, и от всякие вещи сопротивныя, управи ум наш, и укрепи сердце наше в правой вере, в ней же твоим предстательством и ходатайством, ни ранами, ни прещением, ни мором, ни коим гневом от Создателя своего умалени будем, но мирное зде поживем житие, и да сподобимся видети благая на земли живых, славяще Отца и Сына и Святаго Духа, единаго в Троице славимаго и поклоняемаго Бога, ныне и присно, и во веки веков. Аминь.

Тропари святителю Николаю, архиепископу Мир Ликийскому

ИН Тропарь, глас 4
Правило веры и образ кротости, воздержания учителя яви тя стаду твоему, яже вещей истина; сего ради стяжал еси смирением высокая, нищетою богатая, отче священноначальниче Николае, моли Христа Бога спастися душам нашим.

Кондак, глас 3
В Мирех, святе, священнодействователь показался еси: Христово бо, преподобне, Евангелие исполнив, положил еси душу твою о людех твоих, и спасл еси неповинныя от смерти; сего ради освятился еси, яко великий таинник Божия благодати.

ИН Кондак, глас 3
Взыде, яко звезда от востока до запада твоя мощи, святителю Николае, море же освятися шествием твоим, и град Барский приемлет тобою благодать: нас бо деля явился еси чудотворец изящный, предивный и милостивый. (9/22 мая; Перенесение мощей святителя и чудотворца Николая из Мир Ликийских в Бар)

Величание
Величаем тя, святителю отче Николае, и чтим святую память твою, ты бо молиши за нас Христа Бога нашего.

Тропарь на рождество святителя Николая Чудотворца

Тропарь, глас 4
Чудное и славное рождество твое, святителю Николае, Церковь днесь православных светло празднует, ибо стоянием ногу твоею яви тя Господь и провозвести быти светильника и учителя миряном, весь мир обогащающа и просвещающа чудесы. Тем вопием ти: моли Христа Бога спастися душам нашим.

Тропарь на перенесение мощей святителя и чудотворца Николая, архиепископа Мир Ликийских

Тропарь, глас 4
Приспе день светлаго торжества, град Барский радуется, и с ним вселенная вся ликовствует песньми и пеньми духовными: днесь бо священное торжество, в пренесение честных и многоцелебных мощей Святителя и Чудотворца Николая, якоже солнце незаходимое возсия светозарными лучами, разгоняя тьму искушений же и бед от вопиющих верно: спасай нас яко предстатель наш, великий Николае.

Кондак, глас 3
Взыдоша, яко звезда, от востока до запада твоя мощи, святителю Николае, море же освятися шествием твоим, и град Барский приемлет тобою благодать: нас бо деля явился еси, чудотворец изящный, предивный и милостивый.

Тропарь на перенесение Великорецкой иконы святителя Николая Чудотворца из Вятки в Москву

Тропарь, глас 3
Яко драгоценное богатство, прииде к нам от Великия реки Вятки в царствующий сей град наш Москву честная икона образа твоего, святителю Николае, и многая убо чудеса в пришествии своем сотвори, болящия исцели и вся человеки удиви. Сего ради повелением самодержца царя списася с нея сия честная икона твоя на просвещение и моление всем людем царска града, юже днесь зрим и покланяемся ей, моляще тя, таинника Христова: моли, святе, о всех нас, даровати нам мир и велию милость.

Тропарь святителю Николаю Чудотворцу перед его иконой, именуемой "Зарайская"

Тропарь, глас 4
Пресветлый храме Святаго Духа, Богомудре отче Николае, благодатию небес освяти души наша, заступи и покрый всечестным твоим омофором, его же приял еси от рук Пречистыя Девы, и просвети нас светом заповедей Христа, от Него бо приял еси глаголы жизни. Моли благость Отца Небеснаго, во еже спастися православно чтущим тя, даруя нам велию милость.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


Как правильно подавать записки. Что такое помянник и церковная записка
Девять заповедей блаженства
Молитвы на каждый день угодником Божьим и Пресвятой Богородице пред иконами ея
Молитва к Пресвятой Богородице Нечаянная Радость
Молитвы святому праведному отцу Иоанну Кронштадтскому
Молитва священномученику Зотику сиропитателю пресвитеру
Молитвы к блаженной Ксении Петербургской
Молитвы к Пресвятой Богородице Тихвинская
Молитва святой великомученице Евфимии Всехвальной
Молитвы блаженному Василию Христа ради юродивому Московскому чудотворцу
Молитва святым мученикам Флору и Лавру
Молитвы святым семи отрокам Ефесским
Молитва святому преподобному Паисию Величковскому
Икона Божией Матери, именуемая "Утоли моя печали". Молитвы к Пресвятой Богородице перед Ея иконой именуемой Утоли моя печали.
Икона Божией Матери именуемая "Благодатное Небо". Молитва Божией Матери пред иконой Ея Благодатное Небо.

Возможно вас это заинтересует, далее:


8 февраля. Страдание святого великомученика Феодора Стратилата; Память святого пророка Захарии Серповидца;
7 апреля. Память преподобного отца нашего Георгия Исповедника, митрополита Митиленского; Страдание святого мученика Каллиопия;
9 мая. Житие святого пророка Исаии; Страдание святого мученика Христофора; Сказание о перенесении мощей святителя Николая, архиеп. Мирликийского;
27 мая. Страдание святых мучеников Феодоры и Дидима; Память святого священномученика Ферапонта; Перенесение честных мощей святителей Киприана, Фотия и Ионы, Киевских и всея России чудотворцев; Память преподобного отца нашего Ферапонта, Белозерского чудотворца;
29 июля. Страдание святой мученицы девицы Серафимы; Страдание святого мученика Каллиника;
30 августа. Святые Александр, Иоанн и Павел, патриархи Константинопольские; Житие святого благоверного князя Александра Невского; Память преподобного отца нашего Александра Свирского; Память преподобного отца нашего Христофора; Память преподобного отца нашего Фантина;
8 сентября. Слово на Рождество Богородицы;
29 ноября. Память преподобного отца нашего Акакия Синайского; Память святого мученика Парамона; Память святого мученика Филумена;
Пророк Наум. Праведный Филарет Милостивый. 14 декабря.
Мученики Терентий, Африкан, Максим, Помпий, Зинон, Александр, Феодор и др. 23 апреля.
Священномученик Патрикий. Благоверный князь Иоанн Угличский. Преподобный Корнилий. Святой благоверный князь Димитрий Донской. 1 июня.
Преподобного Акакия. Преподобный Фома. Преставление Евдокии, в инокинях Евфросинии, княгини Московской. 20 июля.
Святитель Тихон, епископ Воронежский. Мученик Ипполит. Страстная икона Пресвятой Богородицы. 26 августа.
Мученики Галактион и Епистима. Святитель Иона, архиепископ Новгородский. Святитель Григорий, архиепископ Александрийский. 18 ноября.
Молитва Святителю Модесту патриарху Иерусалимскому
Молитвы блаженному Василию Христа ради юродивому Московскому чудотворцу
Молитвы Савватию и Герману Соловецким Чудотворцам

Далее: Весь православный раздел ...


^Наверх