Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитва Святителю Модесту, патриарху Иерусалимскому

Молитва Святителю Модесту, патриарху Иерусалимскому.

Святитель Модест, архиепископ Иерусалимский

Святитель Модест архиепископ Иерусалимский

Молитва Святителю Модесту, патриарху Иерусалимскому

Молитва 1

О, всехвальный святителю Христов и чудотворче Модесте! Приими сие малое моление от нас грешных, к тебе прибегающих, и теплым твоим предстательством умоли Господа и Бога нашего Иисуса Христа, яко да, призрев на ны милостивно, дарует нам согрешений наших вольных и невольных прощение, и по велицей Своей милости избавит нас от бед, печалей, скорби и болезней душевных и телесных, обдержащих нас; да подаст земли плодоносие, и вся, яже на пользу настоящаго жития нашего потребная; да дарует нам скончати житие сие привременное в покаянии, и да сподобит нас грешных и недостойных Небеснаго Царствия Своего, со всеми святыми славити Его безконечное милосердие, со Безначальным Его Отцем и Святым и Животворящим Его Духом, во веки веков. Аминь.

Молитва 2

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Модесте, предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко Всемилостивому Владыце, моли спастися паствы Христовы людем, благостояние святых церквей утверди, архиереи благолепием святительства украси, монашествующия к подвигом добраго течения укрепи, царствующий град и вся грады страны добре сохрани и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели, и везде тепле призывающия тя и с верою припадающия и молящияся тебе от всяких напастей и бед ходатайством твоим свободи, моли о нас Всещедраго и Человеколюбиваго Христа Бога нашего, да и в день страшнаго пришествия Его от шуияго стояния избавит нас и радости святых причастники сотворит со всеми святыми во веки веков. Аминь.

ТРОПАРЬ, ГЛАС 4

Преподобне пожив, Богомудре Модесте, и святительскою одеждою украшен, пастырю Иерусалима блаженнейший, в веселии ныне Христу предстоиши и концы озаряеши чудесы, помощник убо буди тя призывающим, моляся, отче, о всех нас.

КОНДАК, ГЛАС 3

Светлых подвигов твоих твердость и сострадания ко всем богатство видя, Всеблагий Подвигоположник Бог богатых дарований Своих сподоби тя, Модесте, славный иерарше и чудотворче. Тем, молящеся тебе, вопием: свобождай нас от лютых обстояний и недугом нашим подаждь исцеление.

ИКОС

Приидите, мысленно Святыя Земли достигнем, да узрим в ней душевными очесы святителя и чудотворца Модеста. Идеже Небесный Началопастырь спасения ради нашего вочеловечися, тамо Того изволением иерарх бе святый сей, пасый люди Его и целя всяк недуг их, Отроча же Младо бывшее нас ради, и проповеда всем превечнаго Бога, празднующе.

СТИХИРА

Приидите, вернии, псаломски восплещим руками, воспевающе иерарха Модеста, похвалу Святаго града, источник милости неизсякаемый, печальным утешение, о грешных непостыдна ходатая, молящагося о еже спастися нам.

Тропарь святителю, глас 4

Правило веры и образ кротости воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, отче священноначальниче Модесте, моли Христа Бога спастися душам нашим.

Кондак святителю, глас 2

Божественный гром, труба духовная, веры насадителю и отсекателю ересей, Троицы угодниче, великий святителю Модесте, со Ангелы предстоя присно, моли непрестанно о всех нас.

Величание святителю

Величаем тя, святителю отче Модесте, и чтим святую память твою: ты бо молиши за нас Христа Бога нашего.


... Добавить сайт в закладки ... Ctrl+D


Молитвы святых. Святые угодники. Иконы.

Иные Православные молитвы и иконы:


Как правильно подавать записки. Что такое помянник и церковная записка
Молитвы к Пресвятой Богородице. Чудотворные иконы Божьей матери.
Молитва святому праведному Филарету Милостивому
Молитвы преподобному Серафиму, Саровскому чудотворцу
Молитва святому пророку Божию Илии
Молитва преподобному Иосифу Волоцкому
Молитва святому праведному Симеону Верхотурскому
Молитвы святителю Гурию архиепископу Казанскому и святителю Варсонофию епископу Тверскому чудотворцу
Молитвы святому великомученику Димитрию Солунскому
Молитвы святому великомученику Георгию Победоносцу
Икона Божьей Матери "Неувядаемый Цвет". Молитва Божией Матери перед Ея иконой Неувядаемый Цвет.

Возможно вас это заинтересует, далее:


Голосовые поздравления и розыгрыши

Декабрь. Жития святых угодников в декабре
Православный церковный календарь, праздники. Православные посты и праздники. Церковный год. Святые угодники.
Январь. Православный церковный календарь, праздники Января. Святые угодники.
Октябрь. Православный церковный календарь, праздники Октября. Святые угодники.
Обрезание Господне. Васильев день. Новолетие. Старый Новый год
Святое Богоявление. Крещение Господа Бога Иисуса Христа
Воздвижение Честного и Животворящего Креста Господня. Воздвиженье, Сдвижение, Здвиженье, Вздвиженьев день, Капустки, Капустницы
Преполовение половина Пятидесятницы
Рождественский сочельник канун Рождества
Фомина неделя. Первая неделя после Пасхи
Фомино воскресенье. Антипасха. Красная горка.

Далее: Весь православный раздел ...



^Наверх