Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитвы святым равноапостольным Мефодию и Кириллу, учителем Словенским

Молитвы святым равноапостольным Мефодию и Кириллу, учителем Словенским.

Святые равноапостольные Мефодий и Кирилл, учители Словенские

Святые равноапостольные Мефодий и Кирилл, учители словенские

Молитвы святым равноапостольным Мефодию и Кириллу, учителем Словенским

Молитва первая
О преславнии язык словенских учителие и просветителие, святии равноапостольнии Мефодие и Кирилле. К вам, яко чада ко отцем, светом учений и писмен ваших просвещеннии и в вере Христовой наставленнии, ныне усердно прибегаем и в сокрушении сердец наших молимся. Аще бо и завет ваших, яко чада непокоривая, не соблюдохом и о угождении Богу, якоже учисте, небрегохом, и от единомыслия и любве, юже словеном, яко братиям в вере и по плоти, добре завещаете, отпадохом, обаче, якоже древле в житии вашем неблагодарных и недостойных не отвращасте тщи, но благими за злая воздавасте, тако и ныне грешных и недостойных чад ваших молитвы не отвратите, но, яко велие имуще дерзновение ко Господу, прилежно Того молите, да наставит и обратит нас на путь спасения, распри же и раздоры, посреде единоверных братии возникающия, умирит, отпадшия паки во единомыслие приведет и всех нас единением духа и любве во единей, Святей, Соборней и Апостольстей Церкви соединит. Вемы бо, вемы, яко много может молитва праведника ко благосердию Владыки, аще и о грешных людех приносима бывает. Не оставите убо нас, унылых и недостойных чад ваших, ихже грех ради паства ваша, вами собранная, враждою разделяема и соблазны от иноверных прельщаема, умалися, овцы же ея словесныя разсеваемы, от волков мысленных восхищаются, дадите убо нам молитвами вашими о православии ревность, да ею возгреваеми, отеческая предания добре сохраним, уставы и обычаи церковныя верно соблюдати потщимся, всяких лжеучений странных отбежим и тако, в житии богоугоднем на земли преспевающе, жизни райския на небеси сподобимся, и тамо с вами вкупе Владыку всех, в Троице Единаго Бога прославим во веки веков. Аминь.
Молитва вторая
О всехвальнии равноапостольнии Мефодие и Кирилле, припадающе пред честною иконою вашею, усердно молим вы: воззрите милостивно на нас, ихже трудом вашим просветили есте, и оградите нас неусыпным предстательством вашим от злых козней вражиих! Призрите убо на виноград сей, егоже насадили есте, и не предайте дивеему вепрю озобати его. Сохраните, святии угодницы Божии, Церковь нашу Православную, юже вы наздали есте на краеугольном камени, Христе, яко да будет недвижима, но да разсыпятся о камень сей волны всякаго маловерия. Укрепите пастырей наших во всех добродетелех и в подвизе проповедания, вразумите же пасомых, во еже послушати гласа их. Сохраните вся страны словенския от всякаго оскудения, от огня и меча, от смертоносныя язвы и от всякого зла. Услышите и всякаго человека, с верою к вам приходящаго и благодатныя помощи вашея требующаго. В страшный же час смертный предстаните всем нам блазии ходатаи и темных зраков демонских прогонителие, да в мире и покаянии скончавше земное поприще, достигнем вечных благ наслаждения и купно с вами прославим Пресвятую Троицу — Отца и Сына и Святаго Духа, ныне и присно, и во веки веков. Аминь.

Тропарь святым равноапостольным Кириллу и Мефодию, первоучителем Словенским

Тропарь, глас 4
Яко Апостолом единонравнии и Словенских стран учителие, Кирилле и Мефодие богомудрии, Владыку всех молите, вся языки Словенския утвердите в православии и единомыслии, умирити мир и спасти души наша.
Кондак, глас 3
Священную двоицу просветителей наших почтим, Божественных писаний преложением источник богопознания нам источивших, из негоже даже до днесь неоскудно почерпающе ублажаем вас, Кирилле и Мефодие, Престолу Вышняго предстоящих и тепле молящихся о душах наших.
Величание
Величаем вас, святии равпоапостольнии Кирилле и Мефодие, вся Словенския страны ученьми своими просветившыя и ко Христу приведшыя.



... Добавить сайт в закладки ... Ctrl+D


Молитвы святых. Святые угодники. Иконы.

Иные Православные молитвы и иконы:


Девять заповедей блаженства
Архангел Рафаил Молитва
Молитва преподобному Герману Соловецкому
Молитвы блаженному Василию Христа ради юродивому Московскому чудотворцу
Молитва святому преподобному Галактиону Вологодскому чудотворцу
Молитвы к Пресвятой Богородице «Взыскание погибших» и «Всех скорбящих радосте»
Икона Божией Матери, именуемая "Утоли моя печали". Молитвы к Пресвятой Богородице перед Ея иконой именуемой Утоли моя печали.
Икона Божьей Матери "Споручница грешных". Молитва Божьей Матери "Споручница грешных".
Ильинско - Черниговская икона Божией Матери. Молитва иконе Божией Матери Ильинско-Черниговская.
Икона Божией Матери "Толгская". Молитвы перед иконой Пресвятой Богородицы именуемой Толгская.
Икона Божией Матери "Калужская". Молитва ко Пресвятой Богородице пред Ее иконою Калужская.

Возможно вас это заинтересует, далее:

Голосовые поздравления и розыгрыши

Православный церковный календарь, праздники. Православные посты и праздники. Церковный год. Святые угодники.
Апрель. Православный церковный календарь, праздники Апреля. Святые угодники.
Октябрь. Православный церковный календарь, праздники Октября. Святые угодники.
День святых апостолов Петра и Павла. Праздник рыбаков
Вознесение Господне. Вознесение Господа нашего Иисуса Христа
Сретение Господне. Сретенье. Сретения Господа Нашего Иисуса Христа – праздник Встречи
Воздвижение Честного и Животворящего Креста Господня. Воздвиженье, Сдвижение, Здвиженье, Вздвиженьев день, Капустки, Капустницы
Успенский пост
Календарь празднования Пасхи и переходящих праздников
Преполовение половина Пятидесятницы
Рождественский Филиппов пост. зимний пост

Далее: Весь православный раздел ...



^Наверх