Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитва святому преподобному Мартиниану

Молитва святому преподобному Мартиниану.

Молитва святому преподобному Мартиниану

Молитва 1

Преподобне отче Мартиниане! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Молитва 2

О, священная главо, преподобне отче, преблаженне авво Мартиниане, не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю, не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителева предстоящи, достойно веселится. Ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

ТРОПАРЬ, ГЛАС 8

Пламень искушений слез теченьми погасил еси, блаженне, и, морская волнения, и зверей стремления обуздавый, взывал еси: препрославлен еси, Всесильне, огня и бури спасый мя.

КОНДАК, ГЛАС 2

Яко подвижника благочестия искусна, и страдальца произволением честнаго, и пустыни жителя и всельника, в песнех достойно восхвалим Мартиниана присночестнаго: той бо змия попра.

ИКОС

От конец даже до конец пройде вещание красных добродетелей и Божественных подвиг твоих: млад сый возрастом, в пустынях возжелал еси пожити, пения Христу, псалмы и молитвы воспущая присно, день же и нощь возрастая в болезнех и слезах, чисте житие твое скончал еси и, мудре, злоначальнаго посрамил еси, ты бо змия попрал еси.


... Добавить сайт в закладки ... Ctrl+D


Молитвы святых. Святые угодники. Иконы.

Иные Православные молитвы и иконы:


Молитва к Пресвятой Богородице Нечаянная Радость
Молитвы Пресвятой Богородице именуемой Спасительница утопающих
Молитва святым чудотворцам и бессребреникам мученикам Киру и Иоанну
Молитва мученице Фомаиде Египетской
Молитва святителю Игнатию Брянчанинову
Молитва преподобной благоверной княгине Евфросинии Московской
Молитвы преподобному Сергию Радонежскому чудотворцу
Молитвы к Пресвятой Богородице «Взыскание погибших» и «Всех скорбящих радосте»
Молитва святителю Иоанну Милостивому
Молитвы святым мученикам Гурию Самону и Авиву
Икона Божьей Матери "Достойно есть" или "Милующая". Молитва Божьей Матери "Достойно есть" или "Милующая".

Возможно вас это заинтересует, далее:


Голосовые поздравления и розыгрыши

Январь. Жития святых угодников в январе
Февраль. Православный церковный календарь, праздники Февраля. Святые угодники.
Март. Православный церковный календарь, праздники Марта. Святые угодники.
Рождество Иоанна Предтечи. Иван Купала или Иванов день
Покров Пресвятой Богородицы и Приснодевы Марии. Покров день
Святое Богоявление. Крещение Господа Бога Иисуса Христа
Преображение Господне. Яблочный спас. Второй Спас
Рождество Пресвятой Богородицы, Приснодевы Марии. Богородичин день, Вторая Пречистая, Малая Пречистая, Осенины, Аспосов день
Радоница. Радуница. Родительский день. Радовница. Радошница
Рождественский сочельник канун Рождества
Святки. колядование. святые вечера. Двенадцать дней после праздника Рождества Христова называют святками

Далее: Весь православный раздел ...



^Наверх