Молитва святому Апостолу и Евангелисту Луке.

Иконы Святому апостолу и евангелисту Луке

Святой апостол и евангелист Лука

Молитва святому Апостолу и Евангелисту Луке

О, святый Луко, Богом избранный и Материю Божиею благословенный, проповедниче по всей вселенней Евангелия Христова, мучениче и Апостоле, помощниче всем молитвенно призывающим тя, помози и нам, непотребным рабом Господним, яко мы по многим прегрешениям нашим обретаемся во тьме и сени смертней, отдалече от Бога отстоя. Чрез то стыдом посрамленные не имамы дерзновения Господа молити о прощении, призываем тя, великий светильниче Божий, яко пребывающаго в непреходящем Его свете, моли о нас Господа, да помилует нас. Умоли Господа, святый Луко, да обновит в нас страх Господень, онже любы привлекает, а грех отгоняет. Яко мы тако навыкли грешити по всях день и час, и во сне, яко не вемы слов Господа: бдите, яко не знаете часа, егда хочу приити, Он же может на всяк час призвати нас из сего привременного живота в вечный. Пробуди в нас, святый Луко, страх и премудрость, о нихже святый царь и псалмопевец Давид рече. Да твоими молитвами получим покаяния слезы, имиже вси наши души от греха очистятся. Яко мы в духовной слепоте и дебелости суще не можем плакатися своего мертвеца, сиречь самих себе, многи же слезы, потоки слез потребно да пролием за множество содеянных грехов. Помози нам, неразумным, да уразумеем Писание, еже ты сам списал еси, яко истинным разумом уразумеем истинная словеса, да бежим от греха, яко от огня, и вси силы приложим, да приблизит ны Бог. Да уразумеем, яко грех есть смерть, Бог же живот. Помози нам, святый Луко, да то уразумевше, очистимся от греха и прейдем из смерти в живот. Да будет нам Бог вся во всем. И ныне и во веки да пребудем близ Него. Дабы и нам, яко ти с Клеопою, егда путешествовали во Еммаус, сердце и душа трепетны быша от присутствия Его. Отнюдуже да снидет на ны мир небесный, к Царствию Небесному ны руководящий и радостны ны творящий, да возможем стрелы Лукаваго, на всяк час в нас испущаемы, отгнати. С тем же получим и любы Божия, да руководит нас к вечному Отечеству, идеже вси силы небесные, вси святии, Мати Божия пред ними, Еяже благой лик в иконе тобою написанной, увековечен еси. Очи сердец наших да непрестанно взирают на ту лепоту и ею наслаждаются, да царит в нас Царство Небесное, в кое чаем молитвами твоими, святый Луко, преселитися, егда нас Господь призовет, да тамо вечно славим Бога во Святей Троице: Безначальнаго Отца, Единороднаго Сына и Пресвятаго Духа, во все бесконечные веки. Аминь.

Молитва иная

О, преславный апостоле Луко, душу за Христа предавший и кровию твоею пажить Его удобривший! Услышь чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елеа же добраго жития обнищахом зело, и не возможем противитися волком хищным, иже расхищати наследие Божие дерзостно тщатся. О, сильний! Понеси немощи наша, не отлучайся духом от нас, да не разлучимся в конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших, и да сподобит со всеми Святыми блаженнаго Царствия и брака Агнца Своего, Емуже честь и слава, и благодарение и поклонение, во веки веков. Аминь.

ТРОПАРЬ, ГЛАС 5

Апостольских деяний сказателя, и Евангелия Христова светла описателя, Луку препетаго, славна суща Христове Церкви, песньми священными святаго апостола похвалим, яко врача суща, человеческия немощи, естества недуги и язи душ исцеляюща, и молящася непрестанно за души наша.

КОНДАК, ГЛАС 2

Истиннаго благочестия проповедника и тайн неизреченных ритора, звезду церковную, Луку Божественнаго восхвалим: Слово бо его избра, с Павлом мудрым языков учителя, Един ведый сердечная.

Рекомендуемый контент

Молитвы святых. Святые угодники. Иконы.

Иные Православные молитвы и иконы:

Десять заповедей Закона Божия
Молитвы Великомученику Иоанну Новому Сочавскому
Молитва святому праведному Филарету Милостивому
Молитва преподобному Нифонту Кипрскому
Молитва к Пресвятой Богородице перед Ея иконой именуемой Млекопитательница
Молитвы святым сорока мученикам Севастийским
Молитва Святителю Иннокентию апостолу Аляски
Молитва святителю Игнатию Брянчанинову
Молитва святому преподобному Роману Сладкопевцу
Молитвы святому великомученику Димитрию Солунскому
Акафист всем иконам Божьей Матери. Молитва Божьей Матери.

Далее: Весь православный раздел ...

Возможно вас это заинтересует, далее:

Календарь жития святых по изложению святителя Димитрия Ростовского
Март. Жития святых угодников в марте
Ноябрь. Жития святых угодников в ноябре
Март. Православный церковный календарь, праздники Марта. Святые угодники.
Июнь. Православный церковный календарь, праздники Июня. Святые угодники.
Июль. Православный церковный календарь, праздники Июля. Святые угодники.
Пасха. Светлое Христово Воскресение. Православный переходящий праздник
Успение Пресвятой Богородицы. Первая Пречистая, Большая Пречистая, Успеньев день, Успенщина, Дожинки, Первые Осенины
Рождество Пресвятой Богородицы, Приснодевы Марии. Богородичин день, Вторая Пречистая, Малая Пречистая, Осенины, Аспосов день
Успенский пост
Cтрастная неделя: Неделя от Вербного Воскресенья до Пасхи

... Добавить сайт в закладки ... Ctrl+D



^Наверх