Молитва Мученику Лонгину Сотнику.

Мученик Лонгин Сотник

Мученик Лонгин Сотник

Молитва Мученику Лонгину Сотнику

Святый мучениче Лонгине! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

ТРОПАРЬ, ГЛАС 4

Мученик Твой, Господи, Лонгин, во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и демонов немощныя дерзости, Того молитвами спаси души наша.

КОНДАК, ГЛАС 4

Весело возрадовася Церковь, в память днесь приснопамятнаго страдальца Лонгина, взывающи: Ты моя держава, Христе, и утверждение.

Молитвы святых. Святые угодники. Иконы.

Иные Православные молитвы и иконы:

Молитвы о помощи на разные случаи.
Молитва Святого Артемия Веркольского чудотворца.
Молитва святому Садоку епископу Персидскому.
Молитвы святой великомученице Екатерине.
Молитва святым мученикам Флору и Лавру.
Молитва святому праведному Филарету Милостивому.
Молитвы святому Георгию Победоносцу.
Православный Молитвослов на всякую потребу и помощь.
Молитвы на разные случаи семейной жизни.
Молитва к Пресвятой Богородице перед Ея иконой именуемой Муромская.
Тропари к Пресвятой Богородице перед иконой.

Далее: Все молитвы ..., Весь православный раздел ...



^Наверх