Молитва святому мученику Архидиакону Лаврентию Римскому.

Икона святому мученику Архидиакону Лаврентию

Святой мученик архидиакон Лаврентий

Молитва святому мученику Архидиакону Лаврентию Римскому

О, пресвятый и предивный стратотерпче Христов, архидиаконе Лаврентие! Восхваляюще веру и страдания твоя, почитаем победу и венценосное прохождение твое чрез горящее углие от тьмы века сего ко свету невечернему Престола Величествия Божия. Темже убо молим тя: якоже древле притекавшия с верою к покрову твоему чудесы твоими утвердил еси, тако да приимеши и нас под покров твой, и в болезни и печалех наших заступник нам да будеши; и якоже от слепоты телесных очес Крискентиана преложением рук исцелил еси, тако да исцелиши предстательством твоим у Престола Божия и нашу душевную слепоту. Призри на разслабление наше телесное и душевное, и укрепи нас бодренностию противу враг наших видимых и невидимых, удручающих нас напастьми, да твоею, помощию путь маловременныя жизни сея прешедше, непобежден и от бед и скорбей и всякаго лютаго обстояния, достигнем неприступныя славы величествия Божия, идеже предстоя, молишися со дерзновением за люди прибегающия с верою к тебе и воспевающия дивнаго во святых Бога израилева во веки веков. Аминь.

ТРОПАРЬ, глас 8:
(из Часослова Киево-Печерския Лавры изд.1742г.)
Серафим во плоти явился еси Лаврентие, огнем бо Божественныя любве распаляем, ярящийся огнь мучителя ни во что же вменил еси и угасил еси того ревность безбожную, темже и венец победоносен о имени и страдании твоем от Христа приял еси мужественно, сего ради победительно взываем тебе: Радуйся, мучениче непобедимый Лаврентие.
ТРОПАРЬ, ГЛАС 4
Мученик Твой, Господи, Лаврентий, во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и демонов немощныя дерзости, Того молитвами спаси души наша.
КОНДАК, ГЛАС 2
Огнем Божественным распалив сердце твое, огнь страстей до конца испепелил еси, страдальцев утверждение, Богоносне мучениче Лаврентие, и в страданиих вопиял еси верно: ничтоже мя разлучит любве Христовы.

Молитвы святых. Святые угодники. Иконы.

Иные Православные молитвы и иконы:

Молитвы в болезнях младенцев. Молитвы на разные случаи семейной жизни.
Молитва Пресвятой Богородицы именуемой Умягчение злых сердец или Семистрельная.
Молитва святому Симеону Верхотурскому.
Молитва перед иконой Пресвятой Богородицы именуемой Живоносный источник.
Молитвы о заключённых.
Молитвы и каноны по усопшим.
Молитва преподобному Никите Столпнику Переславскому чудотворцу.
Молитвы святым семи отрокам Ефесским.
Албазинская икона Божьей Матери Слово плоть бысть.
Пяточисленные молитвы.
Молитва Пресвятой Богородице перед Ея иконой именуемой Владимирская.

Далее: Все молитвы ..., Весь православный раздел ...



^Наверх