Молитва ко Пресвятой Богородице пред Ее иконою "Калужская".

Икона Божией Матери "Калужская"

Икона Божьей Матери Калужская

Молитвы ко Пресвятой Богородице пред Ее иконою "Калужская"

Молитва первая
О Пресвятая Дево, Мати Христа Бога нашего, Дивная Царице небесе и земли! Вонми многоболезненному воздыханию сердец наших; призри с высоты святыя Твоея на нас, с верою и любовию предстоящих пред чудотворною Твоею иконою и со умилением молящихся Тебе, Владычице! Не предаждь умалению Церковь Православную, помози нам, Пресвятая Богородице, святоотеческую православную веру до конца дней наших непорочно сохранити, во всех заповедех Господних неуклонно ходити и избави ны от пагубных душевредных учений.
На Твою, Дивная Царице Небеси и земли, милость уповаем раби Твои: очисти умы наша от греховных помыслов, душевнаго разслабления, обуревания страстей, от искушений, соблазнов и грехопадений; Ты бо еси, Владычице, крепкое прибежище грешников кающихся. Воздвигни нас из глубины греховныя и истинным покаянием ороси изсохшие сердца наша, просвети сердечныя очи наша к зрению спасения, и прельщенных бесовскою прелестию на путь правый настави; всякое дело злое и богопротивное разруши; всякому же благому и богоугодному делу научи и споспешествуй; вложи, Владычице, в сердца наша дух страха Божия, дух благочестия, дух кротости, смирения, терпения, незлобия; умягчи злыя сердца наша и злые благи сотвори, ниспосли нам ревность о спасении ближних.
Вразуми и научи ны, о Всемилостивая Заступнице наша, како безгрешно ходити по пути земнаго сего жития, яко Ты, Пресвятая, веси и веру нашу и упование наше видеши, Владычице мира! Скорбящих утеши, бедствующим помози; сохрани от молниеноснаго грома, тлетворных ветр, лютых болезней, смертоносныя язвы, междоусобныя брани, нашествия врагов иноплеменных.
Пресвятая Богородице! Избави ны от внезапныя и насильственныя смерти; всем нам даруй обращение на путь истинный и христианскую кончину живота нашего безболезненну, непостыдну, мирну, Святых Таин причастну. Во время исхода нашего предстани нам, Дево Богородице, и избави ны от власти бесовския, воздушных горьких мытарств и огня вечнаго. Скончавшимся внезапною смертию милостива быти Сына Твоего умоли и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица. Преставльшихся же в вере и покаянии от временнаго жития сего отцы, братию и сестры наша сподоби Твоим ходатайством вселитися во обителех небесных со Ангелы и со всеми святыми, идеже непрестанно гласы празднующих и радостно славящих Пресвятую Троицу, Отца и Сына и Святаго Духа, ныне и присно, и во веки веков. Аминь.

Молитва вторая
Читаемая во время крестного хода.
О Пресвятая Владычице Богородице, Царице Небеси и земли! К Тебе прибегаем и к Твоей помощи взываем: сохрани землю нашу от нашествия врагов иноплеменных, и от всякия болезни душевныя и телесныя, и от смертоносныя язвы, да всегда поем, величаем и славим Тя, Пресвятую Богородицу, яко благую и Дивную Заступницу нашу во веки веков. Аминь.

Тропарь, глас 4
Заступнице от враг иноплеменных Необоримая Калужския земли и Избавительнице от смертоносныя язвы Милостивая! Избави рабы Твоя от всяких бед и болезней, с верою и любовию прибегающия к чудотворней иконе Твоей, и спаси души наша.

Кондак, глас 6
Не имамы песней, ниже словес, како достойно восхваляти Тя, Мати Христа Бога нашего, явления ради чудотворныя иконы Твоея земли Калужстей, токмо можем вопити Тебе: не отврати милости Твоея от нас и ниспосли ю всем притекающим к цельбоносней иконе Твоей.

Величание
Величаем Тя, Богородице Дево, и почитаем чудотворную икону Твою, еюже благоволила еси спасти землю Калужскую от нашествий вражиих и всегубительных болезней.


... Добавить сайт в закладки ... Ctrl+D


Молитвы святых. Святые угодники. Иконы.

Иные Православные молитвы и иконы:


Дни особого поминовения усопшего. Поминальные дни. Молитва о усопших
Молитвы к святой великомученице Варваре
Молитвы святому мученику Вонифатию
Молитвы к Пресвятой Богородице перед Ея иконой именуемой Феодоровская
Молитвы к Пресвятой Богородице перед Ея иконой именуемой Почаевская
Молитва преподобному Моисею Угрину
Молитвы великомученику и целителю Пантелеимону
Молитва Мученику Лонгину Сотнику
Молитва преподобному Иову Игумену и чудотворцу Почаевскому
Ильинско - Черниговская икона Божией Матери. Молитва иконе Божией Матери Ильинско-Черниговская.
Икона Божией Матери, именуемая "Троеручица". Молитвы перед иконой Божией Матери Троеручица.

Все молитвы к Пресвятой Богородице и святым.

Далее: Весь православный раздел ...



^Наверх