Молитва святым мученикам Галактиону и Епистимии.

Молитва святым мученикам Галактиону и Епистимии

Святии мученицы Галактионе и Епистимие! Призрите с небеснаго чертога на требующих вашея помощи и не отвергните прошений наших, но, яко приснии благодетели и ходатаи наши, молите Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго вашего заступления. Да молитвами вашими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молитеся прилежно, святии мученицы, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

ТРОПАРЬ, ГЛАС 4

Мученицы Твои, Господи, Галактион и Епистимия, во страданиих своих венцы прияша нетленныя от Тебе, Бога нашего, имуще бо крепость Твою, мучителей низложиша, сокрушиша и демонов немощныя дерзости. Тех молитвами спаси души наша.

КОНДАК, ГЛАС 2

Мученик Христовых полком причтостеся добре храбрствовавшим, светло подвизавшеся, Галактионе славне, с честною сопружницею и сострадавшею тебе Епистимиею, Единому Богу непрестанно молитсся о всех нас.

Молитвы святых. Святые угодники. Иконы.

Иные Православные молитвы и иконы:

Молитвы на сон грядущим. Молитвы вечерние. Православный молитвослов.
Как правильно подавать записки. Помянник и церковная записка.
Все акафисты Пресвятой Богородице и святым.
Молитвы о покровительстве вступающим в брак. Молитвы на разные случаи семейной жизни.
Молитвы святым князьям Борису и Глебу.
Молитва святым мученикам Флору и Лавру.
Молитва святым бессребреникам и чудотворцам Косме и Дамиану.
Молитва Святителю Модесту патриарху Иерусалимскому.
Молитвенное правило преподобного Амвросия Оптинского.
Тропари О-П. Тропарь Пресвятой Богородице. Тропарь святым преподобным угодникам.
Молитва святому Галактиону Вологодскому чудотворцу.

Далее: Все молитвы ..., Весь православный раздел ...

... Добавить сайт в закладки ... Ctrl+D

^Наверх