Молитва мученице Фомаиде Египетской.

Мученица Фомаида Александрийская Египетская

Фомаида Александрийская Египетская

Молитва мученице Фомаиде Египетской

О, всехвальная мученице Фомаидо!

За чистоту супружества даже до крове подвизавшися и целомудрия ради душу свою положивши, достойна пред Господем обрелася еси, во еже в лице преподобных дев почтенней тебе быти.

Услыши нас молящихся тебе, и якоже древле боримии от плоти целительницу тя имеяху, по дарованней тебе от Бога благодати, сице и ныне прибегающим ко предстательству твоему подаждь отраду и свобождение от плотския брани, и целомудренное житие и незазорное в супружестве и девстве пребывание твоими Богоприятными молитвами всем исходатайствовати потщися, яко да телеса наша храм живущаго в нас Святаго Духа будут.

О, преизбранная в женах и верная рабо Христова! Помози нам, да не погибнем со страстьми и похотьми нашими, но да управимся умом нашим и укрепимся сердцем нашим во всяком благочестии и чистоте, славяще твою помощь и предстательство, благодать же и милость Триединаго Бога, Отца и Сына и Святаго Духа, во веки веков. Аминь.

Тропарь мученице Фомаиде Египетской, Глас 4
Агница Твоя, Иисусе, Фомаида, зовет велиим гласом: Тебе, Женише мой, люблю, и Тебе ищущи страдальчествую, и сраспинаюся, и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою; но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Кондак мученице Фомаиде Египетской, Глас 2
Храм твой всечестный яко цельбу душевную обретше, вси вернии велегласно вопием ти: дево мученице, Фомаидо великоименитая, Христа Бога моли непрестанно о всех нас.

Молитвы святых. Святые угодники. Иконы.

Иные Православные молитвы и иконы:

Молитвы о здравии младенцев. Молитвы на разные случаи семейной жизни.
Молитвы женщин, совершивших аборт (после абортов). Молитвы на разные случаи семейной жизни.
Молитвы Святому Архангелу Гавриилу.
Молитвы святым мученикам Гурию Самону и Авиву.
Молитва святым чудотворцам и бессребреникам Киру и Иоанну.
Молитвы о вере.
Молитвы за детей.
Молитва святителю Иоанну Милостивому.
Молитвы святой мученице Параскеве Пятнице.
Молитвы царевичу Димитрию Угличскому и Московскому.
Тропари О-П. Тропарь Пресвятой Богородице. Тропарь святым преподобным угодникам.

Далее: Все молитвы ..., Весь православный раздел ...

... Добавить сайт в закладки ... Ctrl+D

^Наверх