Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Чудотворные иконы Божьей матери --> Молитвы к Пресвятой Богородице перед Ея иконой, именуемой “Феодоровская”

Молитвы к Пресвятой Богородице перед Ея иконой, именуемой “Феодоровская”.

Феодоровская икона Божией Матери

Феодоровская икона Божией Матери

Молитвы к Пресвятой Богородице перед Ея иконой, именуемой “Феодоровская”

Молитва первая
О, Пресвятая Владычице Богородице и Приснодево, Марие, единая надеждо нам грешным! К Тебе прибегаем и Тебе молим, яко велие имаши дерзновение пред рождшимся от Тебе по плоти Господем Богом и Спасителем нашим Иисусом Христом. Не презри слез наших, не возгнушайся воздыханий наших, не отрини скорби нашея, не посрами упования нашего на Тя, но Матерними молении Твоими умоли Господа Бога, да сподобит нас грешных и недостойных свободитися от грехов и страстей душевных и телесных, умрети миру и жити Ему единому по вся дни живота нашего. О Пресвятая Владычице Богородице, путешествующим спутешествуй и ограждай и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное, и даруй всем вся потребная к животу, благочестию и жизни временней. Спаси, Владычице, вся страны и грады и сию страну и сей град, имже сия чудотворная и святая икона Твоя дадеся во утешение и ограждение, избави я от глада, губительства, труса, потопа, огня, меча, нашествия иноплеменных, междоусобныя брани, и отврати всякий гнев на ны праведно движимый. Даруй нам время на покаяние и обращение, избави нас от внезапныя смерти, и во время исхода нашего предстани нам явльшися, Дево Богородице, и избави нас от воздушных мытарств, князей века сего, сподоби на Страшнем Судищи Христовем стати одесную, и соделай нас наследники вечных благ, да славим вовеки великолепое имя Сына Твоего и Бога нашего со Безначальным Его Отцем и Святым и Благим и Животворящим Его Духом, ныне и присно и во веки веков. Аминь.
Молитва вторая
О Премилосердая Госпоже, Царице Богородице, приими смиренное моление наше, и не отрини нас, Заступление и Прибежище наше, и не возгнушайся нас, недостойных, но яко Милосердая, не престани молящи, Егоже родила еси, да дарует нам прощение многих согрешений наших, да спасет нас имиже весть судьбами. Помилуй нас, Владычице, помилуй нас, несть бо нам спасения от дел. Темже верно вопием Ти: помилуй рабы Твоя, и неплодное сердце наше покажи плодоносно благих дел. Призри на нас недостойных. Ты бо упование и покров наш, жизнь и свет сердцу нашему. Яко Невечерний Свет от чрева Твоего воздвигшая, озари душу нашу, Чистая, и отжени всяку мглу сердца нашего. Даруй нам умиление, покаяние и сокрушение сердечное. Сподоби нас по вся дни живота нашего творити волю Сына Твоего и Бога нашего и во всем благоугождати Ему единому. О Богомати, не престани молящи Рождшагося от Тебе за вся притекающия с верою к сему чудотворному образу Твоему и подавай им скорую помощь и утешение в скорбех, и напастех, и злостраданиих, избави их от клеветы и злобы человеческия, от враг видимых и невидимых, и всякия нужды и печали. Спаси отечество наше, град сей и вся грады и страны от всяких бед и нужд, и сотвори милостива нам быти Бога нашего, отврати всякий гнев Его на ны движимый и избави ны от належащаго и праведнаго Его прещения. О Боголюбивая Владычице, Ангелов украшение, мучеников славо и всех святых радосте, с ними моли Господа, да сподобит нас в покаянии скончати живота нашего течение. В смерти же час, Пресвятая Дево, избави нас от власти бесовския и осуждения, и ответа, и страшнаго испытания, и мытарств горьких, и огня вечнаго, да, сподобльшеся славнаго Царствия Божия, величаем Тя и славим воплощшагося от Тебе Христа Бога нашего, Емуже слава со Отцем и Святым Духом, ныне и присно и во веки веков. Аминь.
Молитва третья
К кому воззову, Владычице; к кому прибегну в печали моей; к кому привнесу слезы и воздыхания моя, аще не к Тебе, Царице Небесе и земли. Кто исторгнет мя из тины грехов и беззаконий, аще не Ты, о Мати Живота, Заступнице и Прибежище рода человеческаго. Услыши стенание мое, утеши мя и помилуй в горести моей, защити в бедах и напастех, избави от озлоблении и скорбей и всяких недугов и болезней, от враг видимых и невидимых, умири вражду стужающих мне, да избавлен буду от клеветы и злобы человеческим; такождь от своея ми плоти гнусных обычаев свободи мя. Укрый мя под сению милости Твоя, да обрящу покой и радость и от грехов очищение. Твоему Матернему заступлению себе вручаю: буди мне Мати и Надежда, Покров и Помощь и Заступление, радость и утешение и скорая во всем Помощница. О, чудная Владычице! Всяк притекаяй к Тебе, без Твоея всесильныя помощи не отходит: сего ради и аз недостойный к Тебе прибегаю, да избавлен буду от внезапныя и лютыя смерти, скрежета зубнаго и вечнаго мучения. Небесное же Царствие получити сподоблюся и Тебе во умилении сердца реку: радуйся, Мати Божия, Предстательнице и Заступнице наша усердная, во веки веков. Аминь.

Тропарь Пресвятой Богородице перед Ея иконой, именуемой “Феодоровская”

Тропарь, глас 4
Присшествием честныя твоея иконы, Богоотроковице, обрадованный днесь богохранимый град Кострома, якоже древний Израиль к кивоту завета, притекает к изображению лица Твоего и воплотившагося от Тебе Бога нашего, да Твоим матерним к Нему предстательством присно ходатайствуеши всем, под сень крова Твоего прибегающим, мир и велию милость.
Тропарь, глас 4
Днесь светло красуется преименитый град Кострома и вся Русская страна, созывающи к веселию вся боголюбивыя народы христианския, на преславное торжество Божия Матере, пришествия ради чудотворнаго Ея и многоцелебнаго образа, днесь бо явися нам пресветлое великое солнце, приидите, вси Богоизбраннии людие, новый Израиль, ко источнику цельбоносному, источает бо нам неоскудныя милости Пресвятая Богородица и избавляет вся грады и страны христианския невредимы от всех навет вражиих. Но, о Всемилостивая Госпоже, Дево Богородице, Владычице, спаси страну нашу, и архиереи, и вся люди Твоего достояния от всех бед по велицей Твоей милости, да зовем Ти: радуйся, Дево, Христианом похвало.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


Молитвы к Божьей Матери на каждый день недели
Молитвы к святой великомученице Варваре
Молитвы святому князю Даниилу Московскому
Молитвы благоверному царевичу Димитрию Угличскому и Московскому
Молитвы Святителю Иулиану Кеноманийскому
Молитва к Пресвятой Богородице перед Ея иконой именуемой Целительница
Молитвы святым семи отрокам Ефесским
Молитвы святому великомученику Димитрию Солунскому
Молитвы святой мученице Параскеве Пятнице
Акафист всем иконам Божьей Матери. Молитва Божьей Матери.
Икона Божией Матери “Отрада” или “Утешение”. Молитва ко Пресвятой Богородице перед Ея иконой именуемой Отрада или Утешение.
Икона Божией Матери именуемая "Благодатное Небо". Молитва Божией Матери пред иконой Ея Благодатное Небо.
Икона Божьей Матери "Споручница грешных". Молитва Божьей Матери "Споручница грешных".
Икона Божией Матери, именуемая "Всецарица". Молитва Божией Матери пред Ея иконой Всецарица.
Молитва Господу Богу о восстановлении самодержавнаго царства русскаго

Возможно вас это заинтересует, далее:


8 января. Житие и страдание святых мучеников Иулиана и Василиссы и других с ними, Память преподобного Григория Печерского, Память преподобной Домники, Память преподобного Георгия Хозевита, Память святого священномученика Картерия, Память преподобного Ильи Пустынника, Память святых мучеников Феофила и Елладия, Память преподобного Емилиана Исповедника,
29 февраля. Память преподобного отца нашего Кассиана Римлянина; Память преподобного Иоанна, нареченного Варсанофия;
12 апреля. Житие преподобной матери нашей Афанасии; Житие преподобного отца нашего Исаака Сирина; Память святого священномученика Зинона, епископа Веронийского; Память преподобного отца нашего Василия Исповедника, епископа Парийского; Память преподобной Анфусы;
8 мая. Житие преподобного отца нашего Арсения Великого; Память святого апостола и евангелиста Иоанна Богослова;
12 мая. Житие святого отца нашего Германа, архиепископа Константинопольского; Память святого отца нашего Савина, епископа кипрского; Память святого отца нашего Полувия, епископа Ринокирского; Житие святого отца нашего Епифания, архиепископа Кипрского;
7 августа. Житие преподобного отца нашего Пимена Многоболезненного; Преставление преподобного Ора черноризца; Память святого преподобномученика Дометия; Страдание святых мучеников Марина и Астерия;
2 сентября. Житие и страдание святого мученика Маманта; Житие святого Иоанна Постника, патриарха Константинопольского; Память 3618 мучеников, в Никомидии пострадавших;
22 октября. Память святого равноапостольного Аверкия, епископа Иерапольского; Память святых мучеников Александра епископа, Ираклия воина и четырех жен: Анны, Елисаветы, Феодотии и Гликерии; Память преподобных Феодора и Павла Ростовских, основателей Борисоглебского монастыря;
28 октября. Страдание святой великомученицы Параскевы; Память святого священномученика Кириака, патриарха Иерусалимского; Память святых мучеников Терентия и Неониллы;
3 декабря. Память святого пророка Софонии; Житие преподобного отца нашего Иоанна Молчальника; Преставление преподобного Саввы Сторожевского;
Собор архангела Гавриила. 8 апреля.
Митрополит Михаил. Священномученик Григорий. Мученицы Рипсимия и Гаиания. 13 октября.
Чудотворные иконы на каждый день
Молитвы Пресвятой Богородице именуемой Спасительница утопающих
Молитва к Пресвятой Богородице перед Ея иконой именуемой Целительница
князь Александр Невский Молитва Святомy Благовеpномy Великомy Князю
Успенский пост

Далее: Весь православный раздел ...


^Наверх