Молитва преподобной княгине Евфросинии Московской.

Преподобная и благоверная княгиня Евфросиния Московская

Преподобная, благоверная княгиня Евфросиния Евдокия Московская

Молитва преподобной, благоверной княгине Евфросинии Московской

О преподобная княгине Евфросиние, доблия в женах подвижнице, прехвальная угоднице Христова! Приими моление нас недостойных, с верою и любовию к раце мощей твоих припадающих, и теплым к Богу ходатайством испроси граду твоему и людем от бед и напастей сохранение, обители сей, тобою созданней, утверждение и благоспеяние, подвизающимся во обители твоей исходатайствуй у Великодаровитаго Христа Бога нашего, да выну пребывают тщанием не лениви, духом горяще, Господеви работающе, в молитвах неусыпающе: в мире благочестно живущим испроси у Господа в вере твердость, во благочестии постоянство, и всем с верою прибегающим к тебе, и твоея помощи и заступления, подавай присно недугов исцеление, в скорбех утешение, во всем житии благопоспешение: наипаче же умоли Господа, в мире и покаянии земное житие преити нам, мытарств горьких и мук вечных избавитися, и Царство Небесное твоим ходатайством получити, идеже ты со всеми святыми Господу предстоиши, да выну славим Отца и Сына и Святаго Духа, ныне и в безконечныя веки веков. Аминь.

Тропарь преподобной, благоверной княгине Евфросинии Московской

Тропарь, глас 8

По земнем вдовстве Небесному Жениху себе уневестивши и в княжестем чертозе подвижнически поживши, послежде и чертог и чад твоих Бога ради оставила еси, преподобная Евфросиние, и вшедши во обитель, тобою созданную, во иноческом образе многи подвиги показала еси, и святое житие по благодати Божией блаженною кончиною увенчала еси. И ныне, предстоящи Христу Богу, моли спастися душам нашим.

ИН ТРОПАРЬ, ГЛАС 5
От юности предизбранная Богом угоднице, оставльщи светлый чертог княжеский, уклонилася еси во обитель, тобою созданную, и, пучину житейскаго моря преплывши, ныне со ангелы песнословиши Христа Бога. Емуже непрестанно молися, преподобная, яко да сохраняет выну обитель, тобою созданную, и дарует нам мир и велию милость.

Кондак, глас 2

Вся красная мира сего яко суетная презревши и тело твое постом и бдением изнуривши, непрестанными молитвами Богу угодила еси, преподобная Евфросиние, и, дар исцелений от Него прияти сподобльшися, слепому прозрение и многим недужным исцеление даровала еси. Темже радостно взываем, глаголюще: слава Богу, прославляющему святыя Своя.

Величание

Ублажаем тя, преподобная мати Евфросиние, и чтим святую память твою, ты бо молиши за ны Христа Бога нашего.


Молитвы святых. Святые угодники. Иконы.

Иные Православные молитвы и иконы:


Православный молитвослов. Молитвы на сон грядущим. Молитвы вечерние.
Десять заповедей Закона Божия
Календарь православных именин
Святые Ангелы. Ангел хранитель.
Молитва святому Вонифатию Милостивому
Молитвы святому князю Даниилу Московскому
Молитвы Преподобному Виталию
Молитвы преподобному Онуфрию Великому пустынножителю царевичу Перскому
Молитва Святому великомученику Артемию
Икона Божией Матери, именуемая "Страстная". Молитвы к Пресвятой Богородице перед Ея иконой именуемой Страстная.
Икона Божией Матери "Калужская". Молитва ко Пресвятой Богородице пред Ее иконою Калужская.

Возможно вас это заинтересует, далее:


Февраль. Жития святых угодников в феврале
Декабрь. Жития святых угодников в декабре
Январь. Православный церковный календарь, праздники Января. Святые угодники.
Июнь. Православный церковный календарь, праздники Июня. Святые угодники.
Пасха. Светлое Христово Воскресение. Православный переходящий праздник
Успение Пресвятой Богородицы. Первая Пречистая, Большая Пречистая, Успеньев день, Успенщина, Дожинки, Первые Осенины
Рождество Пресвятой Богородицы, Приснодевы Марии. Богородичин день, Вторая Пречистая, Малая Пречистая, Осенины, Аспосов день
Воздвижение Честного и Животворящего Креста Господня. Воздвиженье, Сдвижение, Здвиженье, Вздвиженьев день, Капустки, Капустницы
Введение во храм Пресвятой Богородицы и Приснодевы Марии
День сошествия Святого Духа. Духов день
Праздник Семика, Троицы, Духов день

... Добавить сайт в закладки ... Ctrl+D

Далее: Весь православный раздел ...



^Наверх