Молитва святителю и чудотворцу Ермогену, Патриарху Московскому и всея Руси.

Священномученик Ермоген, Патриарх Московский и всея Руси

Священномученик Ермоген, Патриарх Московский и всея Руси

Молитва святителю и чудотворцу Ермогену, Патриарху Московскому и всея Руси

О великий угодниче Христов, святителю отче наш Ермогене! К тебе, молитвеннику теплому и предстателю пред Богом непостыдному, усердно притекаем, в нуждах и скорбех наших утешения и помощи просяще. В древнюю годину искушений, внегда обышедше обыдоша страну нашу нечестивии врази. Господь яви тя Церкви Своей столпа непоколебима и людем российским пастыря добра, душу свою за овцы положивша и лютыя волки далече отгнавша. Ныне убо призри и на ны, недостойная чада твоя, умиленною душею и сокрушенным сердцем тебе призывающая. Крепость бо наша в нас оскуде, и вражия ловления и сети обыдоша нас. Помози нам, заступниче наш! Утверди нас в вере святей: научи нас всегда творити заповеди Божия и вся предания церковная, от отец нам заповеданная. Пастырем нашим буди архипастырь, воином вождь духовный, болящим врач, печальным утешитель, гонимым заступник, юным наставник, всем же благосердый отец и за вся теплый молитвенник; яко да молитвами твоими ограждяеми, непрестанно воспоем и прославим всесвятое Имя Живоначальныя Троицы, Отца и Сына и Святаго Духа, во веки веков. Аминь.

Тропарь священномученику Ермогену, патриарху Московскому

Тропарь, глас 8
Российския земли первопрестольниче, и неусыпный о ней к Богу молитвенниче! За веру Христову и паству твою душу свою положив, державу нашу утвердил еси и страну нашу от нечестия избавил еси. Темже вопием ти: спасай нас молитвами твоими, священномучениче Ермогене, отче наш.
Тропарь, глас 4 (Прославление)
Приспе день светлаго торжества, град Москва радуется, и с ним Русь Православная ликовствует песньми и пеньми духовными: днесь бо священное торжество в явлении честных и многоцелебных мощей святителя и чудотворца Ермогена, якоже солнце незаходимое возсия светозарными лучами, разгоняя тьму искушений же и бед от вопиющих верно: спасай нас, яко предстатель наш, великий Ермогене.
Кондак, глас 6
Темницею и гладом изнуряем, даже до смерти верен пребыл еси, блаженне Ермогене, малодушие от сердец людей твоих изгоняя и на общий подвиг вся призывая. Темже и нечестивых мятеж низложил еси и державу нашу утвердил еси, да вси зовем ти: радуйся, заступниче Российския земли.

Рекомендуемый контент

Молитвы святых. Святые угодники. Иконы.

Иные Православные молитвы и иконы:

О молитве. Что такое молитва?
Молитвы к Божьей Матери на каждый день недели
Молитвы исцеления и помощи в различных нуждах и немощах. Молитвы в болезнях.
Заупокойные молитвы: вдовца, за супругу, Молитва детей за родителей ...
Молитва мученикам Антонию Евстафию и Иоанну Виленским Литовским
Молитва преподобной благоверной княгине Евфросинии Московской
Молитва преподобному Моисею Угрину
Молитвы святому великомученику Димитрию Солунскому
Молитва Пресвятой Богородице перед Ея иконой именуемой Знамение
Икона Пресвятой Богородицы, именуемая “Муромской”. Молитва к Пресвятой Богородице перед Ея иконой именуемой Муромская.
Икона Божией Матери, именуемая "Троеручица". Молитвы перед иконой Божией Матери Троеручица.

Далее: Весь православный раздел ...



^Наверх