Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитвы преподобному Сергию Радонежскому чудотворцу

Молитвы преподобному Сергию Радонежскому чудотворцу.

Преподобный Сергий Радонежский

Преподобный Сергий Радонежский

Молитвы преподобному Сергию Радонежскому чудотворцу

Молитва первая
О священная главо, Преподобне и Богоносне отче наш Сергие, молитвою твоею, и верою, и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся, и Небесныя Силы приобщивыйся, но и от нас духом любве своея не отступивый и честныя твоя мощи, яко сосуд благодати полный и преизливающийся, нам оставивый! Велие имея дерзновение ко Всемилостивому Владыце, моли спасти рабы Его, сущей в тебе благодати Его верующия и к тебе с любовию притекающия. Испроси нам от великодаровитаго Бога нашего всякий дар, всем и коемуждо благопотребен, веры непорочны соблюдение, градов наших утверждение, мира умирение, а от глада и пагубы избавление, от нашествия иноплеменных сохранение, скорбящим утешение, недугующим исцеление, падшим возставление, заблуждающим на путь истины и спасения возвращение, подвизающимся укрепление, благоделающим в делах благих преуспеяние и благословение, младенцам воспитание, юным наставление, неведущим вразумление, сиротам и вдовицам заступление, отходящим от сего временнаго жития к вечному благое уготовление и напутствие, отшедшим блаженное упокоение, и вся ны споспешествующими твоими молитвами сподоби в день Страшнаго Суда шуия части избавится, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.

Молитва вторая
О священная главо, Преподобне отче, преблаженне Авво Сергие великий! Не забуди убогих своих до конца, но поминай нас во святых своих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имея дерзновение к Небесному Царю, не премолчи за ны ко Господу и не презри нас, верою и любовию чтущих тя. Поминай нас, недостойных у Престола Вседержителева и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо и телом преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих, и всякия прелести бесовския, и козней диавольских, пастырю наш добрый; аще бо и мощей твоих рака пред очами нашима видима есть всегда, но святая твоя душа со ангельскими воинствы, со безплотными лики, с Небесными Силами, у Престола Вседержителя предстоящи, достойно веселится. Ведуще бо тя воистинну и по смерти жива суща, тебе припадаем и тебе молимся, еже молитися о нас Всесильному Богу о пользе душ наших, и испросити время на покаяние, и о невозбранном преитии от земли на Небо, мытарств же горьких, бесов, воздушных князей и вечныя муки избавитися, и Небесному Царствию наследником быти со всеми праведными, от века угодившими Господу нашему Иисусу Христу. Емуже подобает всякая слава, честь и поклонение со Безначальным Его Отцем, и с Пресвятым, и Благим, и Животворящим Его Духом ныне, и присно, и во веки веков. Аминь.

Молитва третья
О небеснаго гражданине Иерусалима, Преподобне отче Сергие! Воззри на нас милостиво и к земли приверженных возведи к высоте небесней. Ты горе, на Небеси; мы на земли, низу, удалены от тебе, не толико местом, елико грехами своими и беззакониями; но к тебе, яко нам сродному, прибегаем и взываем: настави нас ходити путем твоим, вразуми и руководствуй. Свойственно есть тебе, отче наш, благоутробие и человеколюбие: на земли живущу, не о своем токмо спасении бысть тебе попечение, но и о всех к тебе притекающих. Наставления твоя быша трость книжника скорописца, на сердце каждаго глаголы жизни начертавающая. Не телесныя токмо врачевал еси болезни, но паче душевных врач изящный явился еси, и вся твоя святая жизнь бысть зерцало всякия добродетели. Аще толик был еси, святче Божий, на земли: колик ныне еси, на Небеси! Ты днесь предстоиши Престолу Света Неприступнаго, и в нем, яко в зерцале, зриши вся наша нужды и прошения; ты водворяешися вкупе со Ангелы, о единем грешнице кающемся радующимися. И человеколюбие Божие есть неистощимо, и твое к Нему дерзновение много: не престани о нас вопия ко Господу. Испроси предстательством твоим у Всемилостиваго Бога нашего мир Церкви Его, под знамением Креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Аще бо и недостойни есмы толикаго отца и ходатая, но ты, подражатель быв человеколюбия Божия, сотвори ны достойны чрез обращение от злых дел к благому житию. Вся Богопросвещенная Россия, твоими чудесы исполненная и милостями облагодетельствованная, исповедает тя быти своего покровителя и заступника. Яви древния милости твоя, и ихже отцем вспомоществовал еси, не отрини и нас, чад их, стопами их к тебе шествующих. Веруем, яко духом нам соприсутствуеши. Идеже бо есть Господь, якоже слово Его учит нас, тамо и слуга Его будет. Ты верный еси раб Господень, и Богу везде сущу, ты в Нем еси, и Он в тебе есть, паче же и телом с нами еси. Се нетленныя и живоносныя твоя мощи, яко сокровище безценное, вручи нам чудес Бог. Предстояще им, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременну в нуждах наших помощь. Укрепи нас, малодушных, и утверди нас в вере, да несомненно уповаем получити вся благая от благосердия Владыки молитвами твоими. Паству же твою духовную, тобою собранную, не престани управляти жезлом духовныя мудросте: подвизающимся помоги, разслабленныя возстави, споспеши иго Христово несть во благодушии и терпении, и всех нас управи в мире и покаянии скончати живот наш и преселитися со упованием в блаженная недра Авраамова, идеже ты радостно по трудех и подвизех ныне почиваеши, прославляя со всеми святыми Бога, в Троице славимаго, Отца, и Сына, и Святого Духа. Аминь.

Молитва четвертая
О преподобне и богоносне отче наш Сергие! Воззри на нас (имена) милостивно и, к земли приверженных, возведи к высоте небесней. Укрепи наше малодушие и утверди нас в вере, да несомненно уповаем получити вся благая от благосердия Владыки Бога молитвами твоими. Испроси предстательством твоим всякий дар всем и коемуждо благопотребен и вся ны споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.

Тропарь преподобному Сергию Радонежскому

Тропарь, глас 4
Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником: темже и вселися в тя Пресвятый Дух, Егоже действием светло украшен еси: но яко имея дерзновение ко Святей Троице, поминай стадо, еже собрал еси мудре, и не забуди якоже обещался еси, посещай чад твоих, Сергие преподобне, отче наш.

Тропарь, глас 4 (Обретение мощей)
Днесь пресветло красуется царствующий град Москва, яко светолучными зарями, молниями чудес твоих осияемь, всю вселенную созывает похвалити тя, Богомудре Сергие; пречестная же и славная обитель твоя, юже во Имя Святыя Троицы многими труды твоими создал еси, отче, имущи в себе стада ученик твоих, веселия и радости исполняется. Мы же, празднующе преславное обретение честных мощей твоих, в земли сокровенных, яко цвет благоуханен и кадило благовонно, любезно я лобызающе, различная исцеления приемлем и твоими молитвами грехов прощения сподобляемся, отче преподобне Сергие, моли Святую Троицу спасти души наша.

Тропарь, глас 8
От юности восприял еси Христа в души твоей, преподобне, и паче всего возжелал еси мирскаго мятежа уклонитися: мужески в пустыню вселился еси, и чада послушания в ней, плоды смирения возрастил еси. Тем быв Троице вселение, чудесы твоими всех просветил еси, приходящих к тебе с верою, исцеления всем подавал обильно, отче наш Сергие, моли Христа Бога, да спасет души наша.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


Молитвенное правило. Что следует запомнить христианину.
Православные молитвы на каждый день.
Архангел Михаил Молитвы Святому
Молитвы святому мученику Вонифатию
Молитвы Пресвятой Богородице перед Ея иконой именуемой Державная
Молитвы святому князю Даниилу Московскому
Молитва святителю Стефану епископу Пермскому
Молитва ко Пресвятой Богородице Неупиваемая Чаша
Молитва Святому преподобному Паисию Великому
Молитва святому Царю мученику Николаю
Молитвы Святителю Иулиану Кеноманийскому
Молитва преподобномученику Афанасию Игумену Брестскому
Молитва преподобному Иову Игумену и чудотворцу Почаевскому
Молитвы святым мученикам Гурию Самону и Авиву
Икона Божией Матери, именуемая "Утоли моя печали". Молитвы к Пресвятой Богородице перед Ея иконой именуемой Утоли моя печали.

Возможно вас это заинтересует, далее:


10 февраля. Страдание святого священномученика Харалампия, епископа Магнезийского, и с ним мучеников Порфирия и Ваптоса и трех мучениц жен; Житие преподобного Прохора, Печерского чудотворца; Память святых Еннафы, Валентины и Павлы;
25 апреля. Житие и страдание святого Апостола и Евангелиста Марка; Память преподобного отца нашего Сильвестра Обнорского;
24 мая. Преподобного отца нашего Симеона Дивногорца; Страдание святого мученика Мелетия Стратилата и с ним 1318 воинов; Страдание святого мученика Серапиона и с ним Каллиника, Феодора и Фавста; Память преподобного отца нашего Никиты Столпника, Переяславского чудотворца;
14 июня. Житие и чудеса святого пророка Елиссея; Житие святого отца нашего Мефодия, патриарха Константинопольского;
22 июня. Житие и страдания св. священномученика Евсевия, епископа Самосатского; Память святых мучеников Зинона и Зины;
8 августа. Празднование Пречистой Богородице в честь явления Ее пречестной и чудотворной иконы, нарицаемой Толгской; Память святого отца нашего Мирона чудотворца, епископа Критского; Память святого отца нашего Емилиана Исповедника, епископа Кизического;
13 сентября. Слово на обновление иерусалимского храма Воскресения Христова; Житие священномученика Корнилия Сотника; Память свв. мчч. Гордиана, Макровия, Илии, Зотика, Лукиана и Валериана; Память преподобного Петра в Атрое; Память свв. мучеников Селевка, Стратоника, Кронида, Леонтия и Серапиона;
17 ноября. Житие святого отца нашего Григория чудотворца, епископа Неокесарийского; Житие преподобного отца нашего Никона, игумена Радонежского; Память преподобного Лазаря Писца;
Январь. Православный церковный календарь, праздники Января. Святые угодники.
Преподобный Исидор Пелусиот. Преподобного Кирилла Новоезерского. Святой благоверный князь Георгий Юрий Всеволодович. 17 февраля.
Обретение мощей Феодора Смоленского и Давида и Константина, Ярославских чудотворцев. Мученик Конон Исаврийский. Мученик Конон Градарь. Преподобный Адриан. 18 марта.
Мученики Хрисанф и Дария. 1 апреля.
Мученик Евпсихий. Преподобномученик Вадим. 22 апреля.
Преподобный Ферапонт Белозерский. Преподобный Нил Столобенский. Святой Иоанн Русский. Память преподобного Ферапонта Монзенского. 9 июня.
Молитвы на разные случаи
Молитва Святителя Ионы митрополита Московского и всея России чудотворца
Молитва к Пресвятой Богородице перед Ея иконой именуемой Целительница

Далее: Весь православный раздел ...


^Наверх