Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитвы преподобным и богоносным отцем нашим Зосиме, Савватию и Герману, Соловецким Чудотворцам

Молитвы преподобным и богоносным отцем нашим Зосиме, Савватию и Герману, Соловецким Чудотворцам.

Преподобные Соловецкие чудотворцы Зосима, Герман и Савватий.

Преподобные Соловецкие чудотворцы Зосима, Герман и Савватий.

Молитвы преподобным и богоносным отцем нашим Зосиме, Савватию и Герману, Соловецким Чудотворцам

Молитва
О Преподобнии и богоноснии отцы наши Зосимо, Савватие и Германе, земнии ангели и небеснии человецы, ближнии друзи Христовы и угодницы Божии, обители вашея славо и украшение, всея же северныя страны, паче и всего православнаго отечества нашего необоримая стено и великое заступление! Се мы, недостойнии и многогрешнии, с благоговейною любовию ко святым мощем вашим припадающе, духом сокрушенным и смиренным прилежно молим вас: молите непрестанно благосердаго Владыку и Господа нашего Иисуса Христа, яко дерзновение велие к Тому имущии, да не отступит от нас Его вседействующая благодать, покров же и заступление Пресвятыя Владычицы нашея Богородицы на месте сем да пребудет, и да не оскудеют никогдаже истиннии ревнители ангельскаго жития во святей обители сей, идеже вы, богоноснии отцы и начальницы, безмерными труды и пощеньми, токи же слезными и всенощными бдении, непрестанными молитвами и моленьми начало иноческому житию положисте. Ей, угодницы святии, молитвенницы к Богу благоприятнейшии, теплыми вашими к Нему мольбами оградите и сохраните ны и святое селение сие ваше от труса, потопа, огня и меча, нашествия иноплеменных и смертоносныя язвы, от вражды и всяких нестроений, от всякия беды и скорби и от всякаго зла: да непрестанно на месте сем, в мире и безмолвии, благочестно славится Пресвятое имя Господа и Бога, и обретают вечное спасение ищущие Его. О преблаженнии отцы наши, Зосимо, Савватие и Германе! Услышите ны грешныя, во святей обители вашей и под кровом вашего защищения недостойно жительствующия, и благомощными вашими к Богу ходатайствы испросите душам нашым грехов оставление, жития исправление и вечных благ восприятие в Небеснем Царствии: всем же верующим, иже на всяком месте и во всякой нужде призывают вас в помощь и заступление, и иже с благоговейною любовию во обитель вашу притекают, не престаните изливати всякую благодать и милость, сохраняюще их от всякия сопротивныя силы, от всякия напасти и от всякаго злаго обстояния, и подающе им вся потребная к душевней и телесней пользе. Наипаче же молите премилосердаго Бога, да утвердит и укрепит Церковь Свою святую и все наше православное Отечество в мире и тишине, в любви и единомыслии, в правоверии и благочестии да сохранит и соблюдет во веки веков. Аминь.

Святым преподобным Зосиме и Савватию, Соловецким

Молитва 1-Я
О, преподобнии отцы, велицыи заступницы и скории услышателие молитв, угодницы Божии и чудотворцы Зосимо и Савватие!
Не забудите, яко обещастеся, посещати чада ваша. Аще бо и отыдосте от нас телом, но духом присно с нами пребываете. Молим убо вас, о преподобнии: избавите ны от огня и меча, от нашествия иноплемеников и междоусобныя брани, от тлетворных ветров и от внезапныя смерти и от всех прилог бесовских, находящих на ны.
Услышите нас грешных, и приимите молитву сию и моление наше, яко кадило благовонное, яко жертву благоугодную, и души наша, злыми делы и советы и помыслы умерщвленныя, оживите. И якоже умершую отроковицу возстависте, и неисцельныя раны многих исцелисте, и от духов нечистых зле мучимыя избависте, тако и нас, содержимых во узах вражиих, изъимите, и от сетей диавола избавите, из глубины прегрешений изведите, и милостивым вашим посещением и ходатайством от враг видимых и невидимых оградите ны, благодатию и силою Пресвятыя Троицы, всегда, ныне и присно и во веки веков. Аминь.

Молитва 2-Я
О, преподобнии и Богоноснии отцы наши Зосимо и Савватие, земнии ангели и небеснии человецы, ближнии друзи Христовы и угодницы Божии, слава и украшение вашея обители необоримая стена и великое заступление северныя страны, и всего православнаго отечества нашего. Мы, недостойнии и многогрешнии, с благоговейною любовию припадаем к честной иконе вашей и духом сокрушенным и смиренным прилежно молим вы: молите непрестанно благоутробнаго Владыку и Господа нашего Иисуса Христа, яко имущии к Нему дерзновение велие, да не отступит от нас Его вседействующая благодать, покров же и заступление Пресвятыя Владычицы нашея Богородицы от места сего, и да не оскудеют никогдаже истиннии ревнителие ангельскаго жития во святей обители сей, идеже вы, Богоноснии отцы и начальницы, безмерными труды и пощенми, токи слезными и всенощными бдении, непрестанными молитвами и моленми положисте начало иноческому житию.
Ей, угодницы святии, молитвенницы к Богу благоприятнейшии, теплыми вашими к Нему мольбами, оградите и сохраните ны и святое селение сие ваше от труса, потопа, огня и меча, нашествия иноплеменных и смертоносныя язвы, от вражды и всяких нестроений, от всякия беды и скорби и от всякаго зла, да выну на месте сем, в мире и безмолвии, благочестно славится Пресвятое имя Господа и Бога, и обретают вечное спасение ищущии Его. О, преблаженнии отцы наш Зосимо и Савватие! Услышите ны грешныя, под кровом вашего защищения недостойно жительствующия, и благомощными вашими к Богу ходатайствы, испросите душам нашим грехов оставление, жития исправление и вечных благ восприятие в Небеснем Царствии; всем же верующим, иже на всяком месте и во всякой нужде призывают вас в помощь и заступление, и иже с благоговейною любовию притекают во обитель вашу, не престаните изливати всякую благодать и милость, сохраняюще их от всякия сопротивныя силы, от всякия напасти и от всякаго злаго обстояния, и подающе им вся потребная к душевней и телеснея пользе. Наипаче же молите Премилосердаго Бога, да утвердит и укрепит Церковь Свою Святую, и все наше православное отечество в мире и тишине, в любви и единомыслии, во правоверии и благочестии да сохранит и соблюдет во веки веков. Аминь.

ТРОПАРЬ ПРЕПОДОБНЫМ, ГЛАС 4
Постническое и равноангельское житие ваше, преподобнии отцы Зосимо и Савватие, вселенней познаны сотвори вас, чудодеянии различными, Богоноснии, просвещаете верою призывающия вы и чтущия честную память вашу.

ИН ТРОПАРЬ ПРЕПОДОБНЫМ, ГЛАС 8
Яко светильницы явистеся всесветлии, во отоце окиана моря, преподобнии отцы Зосимо и Савватие, вы бо, крест Христов на рамо вземше, усердно Тому последовасте и, чистотою Богови приближившеся, отонудуже силами чудес обогатистеся. Темже и мы любезно притекаем к ракам честных мощей ваших и умильно глаголем: о преподобнии, молите Христа Бога спастися душам нашим.

КОНДАК, ГЛАС 2
Христовою любовию уязвившеся, преподобнии, и Того крест на рамо вземше, понесли есте, Божественне вооружившеся на невидимыя враги, и, непрестанныя молитвы, яко копие в руках, имуще, крепко победили есте бесовския ополчения; благодать Господню приемше целити недуги душ и телес притекающих к ракам честных мощей ваших, чудес лучи испущаете всюду. Тем зовем вам: радуйтеся, преподобнии отцы Зосимо и Савватие, монахов удобрение.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


Как правильно подавать записки. Что такое помянник и церковная записка
Православный молитвослов. Молитвы утренние
Чудотворные иконы на каждый день
Молитва к Пресвятой Богородице Нечаянная Радость
Молитва святому Вонифатию Милостивому
Молитва святому преподобному Мартиниану
Молитва святителю Игнатию Брянчанинову
Молитва Пресвятой Богородице Владимирская
Молитва Артемия Веркольского чудотворца
Адриан и Наталия Молитвы святым мученикам
Молитва святому праведному Симеону Верхотурскому
Молитва Пресвятой Богородице перед Ея иконой именуемой Знамение
Икона Божией Матери, именуемая "Страстная". Молитвы к Пресвятой Богородице перед Ея иконой именуемой Страстная.
Икона Божией Матери, именуемая "Всецарица". Молитва Божией Матери пред Ея иконой Всецарица.
Молитва Господу Богу о восстановлении самодержавнаго царства русскаго

Возможно вас это заинтересует, далее:


Февраль. Жития святых по изложению святителя Димитрия Ростовского
Август. Жития святых по изложению святителя Димитрия Ростовского
Сентябрь. Жития святых по изложению святителя Димитрия Ростовского
Ноябрь. Жития святых по изложению святителя Димитрия Ростовского
30 января. Собор трех великих вселенских учителей Василия Великого Григория Богослова и Иоанна Златоустого, Память святого мученика Феофила Нового, Память святых мучеников Ипполита Кенсорина Савина Хрисии девицы и прочих двадцати мучеников, Память преподобного Зинона,
10 февраля. Страдание святого священномученика Харалампия, епископа Магнезийского, и с ним мучеников Порфирия и Ваптоса и трех мучениц жен; Житие преподобного Прохора, Печерского чудотворца; Память святых Еннафы, Валентины и Павлы;
31 мая. Страдание святого мученика Ермия; Страдания святого мученика Философа;
15 сентября. Страдание святого мученика Никиты; Память святого Филофея, пресвитера и чудотворца; Память святого мученик Порфирия; Память святых мучеников Максима, Асклиады и Феодота;
Преподобный Иоанн Кассиан Римлянин. 13 марта.
Мученика Агапия. Святой мученик Никандр. Преподобный Никандр Городноезерский. 28 марта.
Святые равноапостольные Мефодий и Кирилл, учители Словенские. Священномученик Мокий. Священномученик Иосиф, митрополит Астраханский. 24 мая.
Святые бессребреники Косма и Дамиан. Мученик Ерминингельд. 14 ноября.
Православный пост. Многодневные и однодневные посты
Молитвы Великомученику Иоанну Новому Сочавскому
Молитвы святителю и чудотворцу Николаю архиепископу Мир Ликийских
Молитва к Пресвятой Богородице Нечаянная Радость
Молитва святому Апостолу и Евангелисту Луке

Далее: Весь православный раздел ...


^Наверх