Молитва святому Садоку, епископу Персидскому.

Молитва святому священномученику Садоку, епископу Персидскому

О, преславный священномучениче Садоке и скорый помощниче христианом в болезнех! Верую от всея души и помышления, яко дадеся тебе от Господа дар болящия врачевати и расслабленныя укрепляти. Сего ради к тебе, яко благодатному врачу болезней, аз немощный прибегаю и, твой досточтимый образ с благоговением лобызая, молюся: твоим предстательством у Царя Небеснаго испроси мне болящему исцеление от удручающия мя болезни, аще бо и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел к благому житию, уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако, тихое и безмолвное житие пожив во всяком благочестии и чистоте, сподоблюся со всеми святыми славити Всесвятое имя Отца и Сына и Святаго Духа. Аминь.

ТРОПАРЬ, ГЛАС 4

И нравом причастник, и престолом наместник апостолом быв, деяние обрел еси, Богодухновенне, в видения восход; сего ради слово истины исправляя, и веры ради пострадал еси даже до крове, священномучениче Садоке, моли Христа Бога спастися душам нашим.

КОНДАК, ГЛАС 4

Владычню речению усердно в подобстве последова, яко убо пастырь добрый душу свою за Христовы овцы положил еси, священномучениче Садоке, молим тя, многострадальне, моли пастырем начальника Христа и нас причести деснаго овец стояния, да воспоем ти: радуйся, священный отче Садоке, иже за Христа кровь свою излиявый.



... Добавить сайт в закладки ... Ctrl+D


Молитвы святых. Святые угодники. Иконы.

Иные Православные молитвы и иконы:


Архангел Михаил Молитвы Святому
Архангел Гавриил Молитвы Святому
Молитва Святителю Иннокентию апостолу Аляски
Молитва Артемия Веркольского чудотворца
Молитва святому пророку Божию Илии
Молитва преподобному Герману Соловецкому
Молитва перед иконой Пресвятой Богородицы именуемой Умягчение злых сердец или Семистрельная
Молитва святому мученику Диомиду врачу
Молитвы к Пресвятой Богородице перед Ея иконой именуемой Скоропослушница
Молитвы святой великомученице Екатерине
Албазинская икона Божьей Матери "Слово плоть бысть". Молитва Албазинской иконе Божьей Матери Слово плоть бысть.

Все молитвы к Пресвятой Богородице и святым.

Далее: Весь православный раздел ...



^Наверх