Молитва перед иконой Божией Матери "Боголюбская".

Икона Божией Матери "Боголюбская" (Боголюбивая)

Икона Божией Матери Боголюбская Боголюбивая

Молитва перед иконой Божией Матери "Боголюбская"

Молитва
О Пречистая Госпоже Богородице, Мати Боголюбивая, Надеждо нашего спасения! Воззри милостивно на предстоящия с верою и любовию и покланяющияся Пречистому образу Твоему: приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас. О Предивная Владычице! Покажи на нас чудныя милости Твоя. Молим Тя умиленно, избави нас от всякия скорби, настави на путь всякия добродетели и благостныни, спаси от искушений, бед и болезней, изми от нас оклеветании и ссоры, сохрани от молниеноснаго грома, от запаления огненнаго, от глада, труса, потопа и смертоносныя язвы: подай нам Свою милостивную помощь на пути, в мори и на суше, да не погибнем люте. О Всемилостивая, Боголюбивая Мати, с твердым упованием возсылаем к Тебе нашу смиренную молитву! Не отрини наших слез и воздыхании, не забуди нас во вся дни живота нашего, но всегда пребывай с нами и Твоим заступлением и ходатайством у Господа подаждь нам отраду, утешение, защиту и помощь, да выну славим и величаем Преблагословенное и Всепетое Имя Твое. Аминь.

Молитва 2
О Чудная и Высшая всех тварей Царице Богородице, Небеснаго Царя Христа Бога нашего Мати! Услыши нас, грешных и недостойных раб Твоих, в час сей молящихся и припадающих к Тебе с воздыханием и слезами и умильно глаголющих; изведи нас от рова страстей, Владычице; избави нас от всякия скорби и печали; огради от всякия напасти и злых клевет, от неправедного и лютаго навета вражия. Можеши бо, о Благодатная Матерь наша, не точию от всякаго зла сохранити люди Твоя, но и всяким благодеянием снабдити и спасти: разве Тебе иныя Предстательницы в бедах и обстояниих и теплыя Ходатаицы о нас, грешных, не имамы к Сыну Твоему, Христу Богу нашему, Егоже умоли, Владычице, да спасеннии Тобою славим и в будущем веце Всесвятое Имя Сына Твоего и Бога нашего, купно со Отцем и Святым Духом, ныне и в бесконечныя веки. Аминь.

Тропарь, глас 1
Боголюбивая Царице, неискусомужная Дево Богородице Марие! Моли за ны Тебе Возлюбившаго и рождашагося от Тебе Сына Твоего Христа Бога нашего, подати нам оставление прегрешений, и мирови мир, земли плодов изобилие, пастырем святыню и всему человечу роду спасение. Грады наша и страны Российския от нахождения иноплеменных заступи и от междуусобныя брани сохрани. О Мати Боголюбивая Дево! О Царице Всепетая! Ризою Твоею покрый нас от всякаго зла, от видимых и невидимых враг защити, и спаси души наша.

Величание
Величаем Тя, Пресвятая Дево, и чтим образ Твой святый, егоже благоверный князь Андрей даде нам на враги в победу и всем верным во спасение.
Молитвы святых. Святые угодники. Иконы.

Иные Православные молитвы и иконы:

Чудотворные иконы на каждый день. Иконы Божьей Матери и день памяти святых.
Архангелы наши покровители. Молитвы Архангелам на каждый день.
Молитвы о здравии младенцев. Молитвы на разные случаи семейной жизни.
Молитвы при недостатке материнского молока. Молитвы на разные случаи семейной жизни.
Молитвы священномученику Антипе епископу Пергамскому.
Архангел Рафаил. Молитва Архангелу Божию Рафаилу.
Молитвы святителю Димитрию Ростовскому.
Молитвы к Пресвятой Богородице перед Ея иконой именуемой Иверская.
Пяточисленные молитвы.
Молитвы Святителю Иулиану Кеноманийскому.
Молитвы блаженному Василию Христа ради юродивому Московскому чудотворцу.

Далее: Все молитвы ..., Весь православный раздел ...



^Наверх