Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Архангелы --> Молитвы угодником Божиим --> Молитвы Святому Архангелу Михаилу

Молитвы Святому Архангелу Михаилу.

Архангел Михаил

Архангел Михаил

Молитвы Святому Архангелу Михаилу

Молитва первая

Святый и великий Архангеле Божий Михаиле, неисповедимыя и пресущественныя Троицы первый во Ангелех предстоятелю, рода же человеческаго приставниче и хранителю, сокрушивый с воинствы своими главу прегордаго Денницы на небеси и посрамляяй выну злобу и коварства его на земли! К тебе прибегаем с верою и тебе молимся с любовию: буди щит несокрушим и забрало твердо Святей Церкви и Православному Отечествию нашему, ограждая их молниеносным мечем твоим от всех враг, видимых и невидимых. Не остави же, о Архангеле Божий, помощию и заступлением твоим и нас, прославляющих днесь святое имя твое: се бо, аще и многогрешни есмы, обаче не хощем в беззакониих наших погибнути, но еже обратитися ко Господу и оживленным быти от Него на дела благая. Озари убо ум наш светом лица Божия, иже выну сияет на молниевиднем челе твоем, да возможем разумети, что есть воля Божия о нас, благая и совершенная, и ведети вся, яже подобает нам творити и яже презирати и оставляти. Укрепи благодатию Господнею слабую волю и немощное произволение наше, да, утвердившеся в законе Господнем, престанем прочее влаятися земными помыслы и похотении плоти, увлекающеся по подобию несмысленных детей скорогибнущими красотами мира сего, яко ради тленнаго и земнаго безумне забывати вечная и небесная. Над всеми же сими испроси нам свыше дух истиннаго покаяния, нелицемерную печаль по Бозе и сокрушение о гресех наших, да остающее нам число дний временнаго живота нашего иждивем не во угождении чувств и работе страстем нашим, но во изглаждении зол, содеянных нами, слезами веры и сокрушения сердечнаго, подвигами чистоты и святыми делами милосердия. Егда же приблизится час окончания нашего, освобождения от уз бреннаго сего телесе, не остави нас. Архангеле Божий, беззащитных противу духов злобы поднебесных, обыкших преграждати душе человечестей восход в горняя, да, охраняеми тобою, безпреткновенне достигнем оных преславных селений райских, идеже несть печаль, ни воздыхание, но жизнь безконечная, и, сподобльшеся узрети пресветлое лице Всеблагаго Господа и Владыки нашего, падше со слезами у ног Его, в радости и умилении воскликнем: слава Тебе, дражайший Искупителю наш, Иже за премногую любовь Твою к нам, недостойным, благоволил еси послати Ангелы Твоя в служение спасению нашему! Аминь.

Молитва вторая

О святый Михаиле Архангеле, помилуй нас, грешных, требующих твоего заступления, сохрани нас, раб Божиих (имена), от всех видимых и невидимых враг, паче же подкрепи от ужаса смертнаго и от смущения диавольскаго и сподоби нас непостыдно предстати Создателю нашему в час страшнаго и праведнаго Суда Его. О всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас тамо купно с тобою славити Отца и Сына и Святаго Духа во веки веков.

Молитва третья

Господи, Боже Великий, Царю безначальный, пошли Архангела Твоего Михаила на помощь рабам Твоим (имярек). Защити, Архангеле, нас от всяких врагов, видимых и невидимых. О, Господень Великий Архангеле Михаиле! Демонов сокрушитель, запрети всем врагам, борющимся со мною, и сотвори их яко выцы, и смири их злобные сердца, и сокруши их, яко прах перед лицем ветра. О, Господень Великий Архангеле Михаиле! Шестикрылый первый Князь и Воевода Небесных Сил — Херувимов и Серафимов, буди нам помощник во всех бедах, скорбях, в печалях, в пустыни и на морях тихое пристанище. О, Господень Великий Архангеле Михаиле! Избави нас от всякия прелести диавольския, егда услышишь нас, грешных, молящихся Тебе, и призывающих имя Твое Святое. Ускори нам на помощь и побори всех, противящихся нам, силою Честнаго и Животворящего Креста Господня, молитвами Пресвятой Богородицы, молитвами святых Апостолов, Святителя Чудотворца Николая, Андрея, Христа ради, юродивого, св. пророка Илии и всех святых великомучеников: св. мучеников Никиты и Евстафия, и всех преподобных отцов наших, от века Богу угодивших и всех святых Небесных Сил. О, Господень Великий Архангеле Михаиле! Помоги нам грешным (имярек) и избавь нас от труса, потопа, огня, меча и напрасной смерти, от великого зла, от врага льстиваго, от бури поносимой, от лукавого избавь нас всегда, ныне и присно, и во веки веков. Аминь. Святой Архистратиг Божий Михаил, молниеносным мечом Твоим отжени от мене духа лукавого, искушающего и томящего мя. Аминь.

Молитва четвертая, Михаилу Архистратигу, грозному воеводе

Господи Боже Великий Царю, Безначальный!

Посли, Господи, Архангела Твоего Михаила на помощь рабу Твоему (имя) изъяти мя от враг моих видимых и невидимых.

О, Господень Михаиле Архангеле! демонов сокрушителю: запрети всем врагам борющимся со мною, сотвори их, яко овцы и сокруши их, яко прах пред лицем ветра.

О, Господень Великий Архангеле Михаиле! Шестокрылатый первый княже, воеводо небесных сил Херувим и Серафим. О, угодный Михаиле Архангеле, буди ми помощник во всех делах в скорбях, печалях; в пустынях, на распутьях, на реках и на морях - тихое пристанище. Избави мя, Великий Михаиле Архангеле, от всяких прелестей диавольских, егда услыша мя грешнаго раба своего (имя) молящегося тебе и призывающаго имя твое святое: ускори на помощь мне и услыши молитву мою.

О, великий Архангеле Михаиле! Победи вся противящееся мне силою Честнаго и Животворящаго Небеснаго Креста Господня, молитвами Пресвятыя Богородицы и святых апостолов, святаго пророка Божия Илии, святителя Николая Чудотворца, святаго Андреа юродиваго, святых великомучеников Никиты и Евстафия, преподобных отец и святых святителей, мучеников и всех святых Небесных сил. Аминь.

Молитва сея древняя, написана на паперти Чудова монастыря в Кремле – в Церкви Михаила.

Тропарь Архангелу Михаилу

Тропарь, глас 4

Небесных воинств Архистратиже, молим тя присно мы недостойнии, да твоими молитвами оградиши нас кровом крил невещественныя твоея славы, сохраняя ны, припадающия прилежно и вопиющия: от бед избави ны, яко чиноначальник Вышних Сил.

Кондак, глас 2-й:

Архистратизи Божии, служителие Божественным славы, Ангелов начальниче, и человеков наставницы полезное нам проси и велию милость, яко безплотных Архистратизи.

Молитвы Архангелам на каждый день


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


Молитвы к Божьей Матери на каждый день недели
Молитвы к Пресвятой Богородице. Чудотворные иконы Божьей матери.
Молитва святому праведному Филарету Милостивому
Молитвы к блаженной Ксении Петербургской
Молитва святой преподобной Марии Египетской
Молитва преподобному Никите Столпнику Переславскому чудотворцу
Молитвы к Пресвятой Богородице перед Ея иконой именуемой Почаевская
Молитва перед Смоленской иконой Пресвятой Богородицы именуемой Смоленская Одигитрия
Молитва преподобному Герману Соловецкому
Адриан и Наталия Молитвы святым мученикам
Молитва преподобному Иосифу Волоцкому
Молитвы святой мученице Параскеве Пятнице
Молитвы святым мученикам Гурию Самону и Авиву
Акафист всем иконам Божьей Матери. Молитва Божьей Матери.
Икона Божией Матери, именуемая "Страстная". Молитвы к Пресвятой Богородице перед Ея иконой именуемой Страстная.

Возможно вас это заинтересует, далее:


12 июня. Житие преподобного отца нашего Онуфрия Великого; Житие преподобного отца нашего Петра Афонского;
18 июня. Страдание святых мучеников Леонтия, Ипатия и Феодула;
24 июня. Синаксарь на Рождество святого Иоанна Предтечи и Крестителя Господня; Слово св. Иоанна Златоуста на Рождество святого пророка, предтечи и крестителя Господня Иоанна;
31 июля. Святой праведный Евдоким; Память святой мученицы Иулитты;
6 ноября. Житие святого Павла исповедника, архиепископа Цареградского; Житие преподобного отца нашего Варлаама, Новгородского чудотворца; Житие святого Германа, архиепископа Казанского; Память преподобного Луки;
14 декабря. Страдание святых мучеников Фирса, Левкия, Каллиника, Филимона, Аполлония и прочих с ними;
Отдание праздника Рождества Христова. Преподобная Мелания Римлянка. 13 января.
Преподобный Серафим Саровский чудотворец. Святитель Сильвестр, папа Римский. 15 января.
Навечерие Богоявления. Крещенский сочельник. Мученик Феопемпт. Преподобная Синклитикия. 18 января.
Преподобного Димитрия Прилуцкого, Вологодского. Житие священномученика Власия, епископа Севастийского. Князь Всеволод Псковский. 24 февраля.
Пророк Ветхого Завета Моисей. икона Пресвятой Богородицы Неопалимая Купина. Священномученик Вавила. Мученик Вавила Никомидийский. Мученица Ермиония. Святитель Иоасаф. 17 сентября.
Архистратиг Михаил. Священномученик Кирилл. Преподобный Давид. 19 сентября.
Священномученик Зиновий и мученица Зиновия. Святые апостолы: Тертий, Марк, Иуст и Артема. Священномученик Маркиан. 12 ноября.
Молитва к Пресвятой Богородице Нечаянная Радость
Молитва святому преподобному Роману Сладкопевцу
Икона Божией Матери "Калужская". Молитва ко Пресвятой Богородице пред Ее иконою Калужская.
Молитва Господу Богу о восстановлении самодержавнаго царства русскаго

Далее: Весь православный раздел ...


^Наверх