Главная --> Православный церковный календарь на год --> Православные молитвы на каждый день --> Молитвы исцеления и помощи в различных нуждах и немощах --> Молитвы угодником Божиим --> Молитва Святого праведного Артемия, Веркольского чудотворца

Молитва Святого праведного Артемия, Веркольского чудотворца.

Икона святого праведного отрока Артемия, Веркольского чудотворца

Святый праведный Артемий Веркольский чудотворец

Молитва Святого праведного Артемия, Веркольского чудотворца

Молитва 1

О, великославный угодниче Божий, о, великий чудотворче, святый и праведный Артемие, херувиме земный, человече небесный, ангелов собеседниче, небесный жителю! Призри с высоты небесныя светлым оком твоим, и низпосли нам лучи Божия благодати.

Светильниче Боговозжженный, твоими святыми молитвами разжени мрак грехов наших, испроси у Отца светов свет благодати душам нашим, всех правоверных скорый быв помощник и заступник.

Всяк бо, с верою под кров защищения твоего молитвенно притекаяй и заступления твоего у Господа просяй, абие пособствуем бывает, Божию же милость обретает и желания сердца своего не лишается, но просит благодати и приемлет Дар на пользу прошения.

Ты еси, праведный Артемие, вертоград Богом насажденный, в немже цвет здравотворный процвете, еже исцелятися многим от зельнаго трясавичнаго недуга. О, коль мнози твоею чудесною помощию слепии прозреша, глусии слух прияша, хромии возскочиша и ходяша, немощнии действо рук прияша, безумнии воумишася, разслабленнии в жилах укрепишася, сляченнии исправишася и имущии вреды исцелеша! Еще же и сквернии демони молитвою твоею отогнашася, и инии неисцельнии недузи разрешишася.

Тако, святый и праведный Артемие, всем всегда милостив являешися. Убо и о нас неисповедимую Божию благость умоли, да оставит нам Господь долги наша, и да хранит государство Российское в мире и благоденствии, в крепости и обилии, и веру православную да укрепит, церковныя же расколы да утолит, и вся православныя христианы да спасет.

Мы же твою память святую от рода в род честно праздновати будем, славяще прославльшаго тя Христа Господа, Емуже подобает всякая слава, честь и поклонение, со Безначальным Отцем и со Пресвятым и Благим и Животворящим Духом, ныне и присно и в безконечныя веки веков. Аминь.

Молитва 2

Святый угодниче Божий, Артемие праведный, присный хранителю святыя веры Православныя и всего севернаго края Российския страны близкий защитниче! Призри милостивно на усердную молитву нас, грешных, и твоим благомощным предстательством испроси нам у Господа прощение согрешений наших, преспеяние в вере и благочестии и ограждение от козней диавольских. Моли Господа, да хранит во здравии православных христиан, да подаст и всем людем, стране нашей мир, тишину и нелицемерное послушание, да сподобит всех нас получити, по христианстей кончине. Небесное Царствие, идеже вси праведнии, купно с тобою, присно славят Отца и Сына и Святаго Духа. Аминь.

Молитва 3

О, великий угодниче Божий, святый праведный Артемие, покровителю святыя обители, твоим именем красующияся и всех православных христиан сильный ходатаю о нас ко Господу, великий благодетелю живущих зде иноков твоея обители и всех с верою и любовию притекающих к раце чудотворных мощей твоих! Призри милостивно на убогую молитву нас, грешных и непотребных рабов, и твоим всемощным предстательством испроси нам у Господа прощение грехов, преспеяние в вере и благочестии и ограждение от козней супостата, ищущаго нас погубити. Даруй братству твоей обители, от старших до последних, смирение и кротость, любовь и послушание вседушное, служение и житие благоговейное, святое и во всем верное и благодушное исполнение иноческаго общежития, да, работающе Господеви непостыдно и духом горяще в непрестанней молитве за благотворителей наших живых и усопших, явимся верными рабами Господа, добре делающими вверяемыя нам таланты!

Моли Господа, да Церковь Православная всея России, яко вертоград благонасажденный, цветет и плодотворит богато плодами веры и благочестия! Моли Господа, да ходатайством и заступлением Преблагословенныя Владычицы нашея Богородицы все мы зде мирное и богоугодное житие поживем и по мирней христианстей кончине сподобимся в Преславнем Царствии милости Царя неба и земли, Отца и Сына и Святаго Духа славяще Его ныне и присно и во веки веков. Аминь.

ТРОПАРЬ, ГЛАС 1

Пустынный житель и в телеси Ангел и чудотворец показался еси, отче Артемие: постом, бдением, молитвою небесныя дарования приим, исцеляеши недужныя и души верою притекающих к тебе. Слава Давшему тебе крепость, слава Венчавшему тя, слава Действующему тобою всем исцеления.

ИН ТРОПАРЬ, ГЛАС 2

Вышняго повелением, тученосным облаком, небо помрачившим и молниям блистающим, грому же возшумевшему с прещением, испустил еси душу твою в руце Господеви, премудре Артемие, и ныне предстоиши Престолу Владыки всех, иже верою и любовию приходящим к тебе, подая исцеление всем неотложно и моляся Христу Богу спастися душам нашим.

КОНДАК, ГЛАС 8

Возсия днесь пресветлая память премудраго Артемия; Богоданная благодать, яко реки, изливает от целебных мощей его дивная исцеления, имиже от многоразличных недуг избавляемся, с верою приемлюще я и взывающе: радуйся, Артемие Богомудре.

Величание

Величаем тя, страстотерпче Христов, Артемие, и чтим святую память твою, ты бо молиши за нас Христа Бога нашего.


... Добавить сайт в закладки ... Ctrl+D



Молитвы святых. Святые угодники. Иконы.

Иные Православные молитвы и иконы:


Дни особого поминовения усопшего. Поминальные дни. Молитва о усопших
Молитва к Пресвятой Богородице Нечаянная Радость
Молитва святой Анастасии Узорешительнице
Молитва святому мученику Трифону
Молитва святому священномученику Садоку епископу Персидскому
Молитвы святым князьям Борису и Глебу
Молитва перед иконой Пресвятой Богородицы именуемой Умягчение злых сердец или Семистрельная
Молитва преподобномученику Афанасию Игумену Брестскому
Молитва преподобному Дамиану пресвитеру целебнику Печерскому
Молитва Святому великомученику Артемию
Молитва преподобному Иову Игумену и чудотворцу Почаевскому
Акафист всем иконам Божьей Матери. Молитва Божьей Матери.
Икона Божией Матери “Отрада” или “Утешение”. Молитва ко Пресвятой Богородице перед Ея иконой именуемой Отрада или Утешение.
Икона Божией Матери, именуемая "Призри на смирение". Молитва Пресвятой Богородице перед Ея иконой именуемой Призри на смирение.
Молитва Господу Богу о восстановлении самодержавнаго царства русскаго

Возможно вас это заинтересует, далее:


3 марта. Страдание святых мучеников Евтропия, Клеоника и Василиска;
23 марта. Житие и страдание святого священномученика Никона; Житие преподобного отца нашего Никона, игумена Печерского; Память святых мучеников Филита и Лидии;
8 июня. Житие святого отца нашего Ефрема, патриарха Антиохийского; Память преподобного отца нашего Зосимы; Перенесение мощей святого великомученика Феодора Стратилата;
22 июня. Житие и страдания св. священномученика Евсевия, епископа Самосатского; Память святых мучеников Зинона и Зины;
29 июля. Страдание святой мученицы девицы Серафимы; Страдание святого мученика Каллиника;
1 августа. Происхождение честного и животворящего Креста Господня; Страдание святых ветхозаветных мучеников Елеазара священника, семи братьев Маккавеев, матери их Соломонии и иных с ними; Страдание святых мучеников Леонтина, Атта, Александра, Киндея, Минсифея, Кириака, Минея (Минеона), Катуна и Евклея;
1 сентября. Слово в первый день индикта, или нового года; Житие преподобного и богоносного отца нашего Симеона Столпника; Память праведного Иисуса Навина; Воспоминание собора Пресвятой Богородицы, что в Миасинской обители; Память святых 40 дев постниц и Аммуна, учителя их; Память святых мучеников Каллисты и родных ее братьев Евода и Ермогена;
26 октября. Страдание и чудеса святого славного великомученика Димитрия;
16 декабря. Память святого пророка Аггея; Житие блаженной царицы Феофании; Память святого мученика Марина;
Мученик Парамон и с ним 370 христиан. Преподобный Акакий Синайский. Мученик Филумен. 12 декабря.
Великомученик Георгий Победоносец. 6 мая.
Преподобный Исайя, епископ Ростовский. Святой благоверный царевич Димитрий Углический. Пахомий Великий. Преподобный Евфросин. 28 мая.
Успение Пресвятой Богородицы. Успение Божией Матери. 28 августа.
Мученик Каллистрат. Преподобный Савватий Соловецкий. Священномученик Петр. 10 октября.
Молитвы на разные случаи
Молитвы Великомученику Иоанну Новому Сочавскому
Молитва Господу Богу о спасении и сохранении РОССИИ

Далее: Весь православный раздел ...


^Наверх